Italiýanyň demirgazygynda Milan we Kortinada XXV gyşky Olimpiýa oýunlary ýokary depginde dowam edýär. Geçen anna güni açylyş dabarasy geçirilen Olimpiadada konkili typmakda bu ugruň öňdebaryjy ýurdy Niderlandlaryň meşhur zenan türgeni Ýutta Lerdam ilkinji altyn medalyny gazandy. 27 ýaşyndaky türgen 1000 metr aralygy 1 minut 12,31 sekuntda geçip, Olimpiýa rekordyny täzelemegi başardy. Ol Pekin 2022-de kümüş medal gazanypdy. Mundan öňki 2 Olimpiadanyň çempiony niderland Suzanna Shulting bu gezek 8-nji ýer bilen oňňut etmeli boldy.

3000 metr ýaryşynda italiýaly Françeska Lollobrijida 3 minut 54,28 sekuntda pellehana gelip, öz doglan gününde (35 ýaşynyň dolan gününde) altyn medalynyň üstüni Olimpiýa rekordy bilen ýetirdi. Bu üstünlik ýer eýeleri italýanlaryň şu Olimpiadadaky ilkinji altyn medaly boldy. Altyn medalyň türgeniň doglan gününde gazanmagy aýratyn bellärliklidir. Ol bu taryhy altyn medalyny 2,5 ýaşyndaky ogly Tommaso bilen gutlady.

Gyzykly bolup bilerЕЩЕ ОТ АВТОРА