Futbol boýunça geljek ýylda geçiriljek Aziýa Kubogy ýaryşynyň Katarda guraljakdygy habar berildi. Bu barada AFK-nyň geçiren ýygnagynda şeýle netijä gelindi. Aslynda çempionat Hytaýda geçirilmelidi, ýöne pandemiýa sebäpli Hytaý ýaryşy guramagy goý bolsun edipdi. Şeýlelikde, Katar şu ýylky Dünýä Kubogyndan soň Aziýa Kubogyny hem gurar. Çempionatyň haçan guraljakdygy häzirlikçe belli bolman, onuň geçiriljek tertibi öňümizdäki günlerde mälim ediler. Aziýa Kubogy 1988-nji we 2011-nji ýyllardan soň 3-nji gezek Katar döwletinde geçiriler. Kataryň ýygyndysy 2019-njy ýylda BAE-de geçirilen 17-nji Aziýa Kubogynda çempionlyk gazanypdy.

Şeýle-de, 2027-nji ýylda geçiriljek 19-njy Aziýa Kubogyny guramak ugrunda 2 ýurt dalaşgär boldy. Olar Hindistan hem-de Saud Arabystany döwletleri bolup, geljek ýylyň fewralynda çempionatyň haýsy ýurtda guraljakdygy mälim ediler.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА