Dünýäniň iň uly ýolagçy gämileriniň biri ulanmaga taýýar edildi. “Wonder of the Seas” atly gäminiň 4-nji martda Floridadan Karib adalaryna tarap ýola çykjakdygy mälim edildi. Uzynlygy 362 metre barabar bolan gäminiň 18 palubasy bolup bir wagtda 6 müň 988 ýolagçyny alyp bilýär. Gämide 2 müň 300 ekipaž bolar. Fransiýanyň Sent-Nazer şäherinde gurlan gämi maý aýynda Barselona we Rimden Ortaýer deňziniň Günbataryna syýahaty amala aşyrar. Gäminiň içi jemi sekiz kwartaldan ybarat bolup, olaryň birinde 20 müňden gowrak gül bar. Şeýle hem howzuň gapdalynda gurlan äpet kinoteatr we güýmenjä niýetlenen beýleki zatlar bar. Geçen ýylyň başynda gurlup gutarylmagy meýilleşdirilen gämi pandemiýa sebäpli gijä galdy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА