Ýük dolanşygynyň möçberini artdyrmak we düýpli abatlaýşa degişli bolan teplowozlary abatlamak maksady bilen, Türkmenistanyň Demir ýol ulaglary ministrliginiň «Demirýollary» açyk görnüşli paýdarlar jemgyýeti bilen Hytaý Halk Respublikasynyň lokomotiw öndüriji zawodynyň «CRRC Ziyang Co., Ltd.» kompaniýasynyň arasynda şertnama baglaşdy.
Baglaşylan şertnama laýyklykda, 20 sany ýük teplowozy öndüriji zawod şertlerinde Hytaýda düýpli abatlandy we häzirki wagtda olaryň ählisi ýurdumyza getirildi. Bu ýük teplowozlary işe girizilip, üstaşyr, eksport, import ýüklerini daşamakda ulanylýar.
Teplowozlarda düýpli abatlaýyş işleriniň geçirilmegi olaryň hereketiniň we çekijilik kuwwatynyň artmagyna hem-de iş öndürijiligiň ýokarlandyrylmagyna itergi berdi.
Düýpli abatlaýyş işleri geçirilen teplowozlarda döwrebap we häzirki zaman enjamlaryň ornaşdyrylmagy bilen, olarda ýükleriň uly möçberde we uzak aralyklara daşalmagyna mümkinçilik döretdi.
Bu barada https://railway.gov.tm saýty habar berýär.

Gyzykly bolup bilerЕЩЕ ОТ АВТОРА