PDF
Niderlandlaryň çempionaty “Eredivisie”-de täze 70-nji möwsüm şu gijeki “Fortuna” – “Gou Ehed Iglz” duşuşygy bilen badalga alar. Täze möwsümde hem çempionlygyň iň esasy dalaşgäri PSW bilen “Aýaks” toparlary hasaplanýar. Geçen möwsümde “Aýaks” topary çempionlygy soňky tapgyrlarda dramatiki ýagdaýda elden gideripdi.
Çempionatda 18 klubuň 2-sinden galanyna niderland tälimçiler tälim berýär. Beýleki 2 tälimçi-de Niderlandlaryň goňşusy Belgiýadan gelen tälimçiler bolup, olar Maarten Martens (AZ) bilen Karl Hofkensdir (NAK Breda).
47 ýyldan soň ýokary liga çykdy
18 klubuň 4-si Owereýsell, 4-si Demirgazyk Gollandiýa sebitiniň klublarydyr. Paýtagt Amsterdamdan diňe “Aýaks” wekilçilik edip, täze möwsümde Rotterdam şäheriniň 3 topary çykyş eder. “Willem II”, “Almere Siti”, “Walweýk” toparlary geçen möwsümiň ahyrynda aşaky liga (“Eerste Divisie”) düşen toparlar bolupdy.
“Wolendam” bilen “Ekselsior” toparlary 1, “Telstar” topary bolsa 47 ýyldan soň ýokary liga gaýdyp geldi.
PSW. Eýndhowen şäheriniň kluby 2 möwsümden bäri çempion bolup gelýär. Peter Boşuň tälimçiligindäki klub bassyr 3-nji, umumylykda-da 27-nji çempionlygyny gazanyp, “Aýaksa” ýene bir ädim golaýlamak isleýär. Malik Tillman, Ýohan Bakaýoko, Noa Lang, Luuk de Ýong ýaly toparyň esasy oýunçylaryny topardan ugradan klubuň düzümine Ruben wan Bommel, Sildillia, Plea, Gasirowski ýaly oýunçylar goşuldy.
AÝAKS. Yzly-yzyna gazanylan 3 çempionlykdan soň 3 möwsüm arakesme beren amsterdamlylar täze möwsümde şol arakesmäniň uzamazlygy üçin tagalla baryny ederler. Transferde bellärlik oýunçy almadyk topar klubdan ugradan oýunçylaryndan 60 million ýewrodan gowrak girdeji gazandy.
FEÝENOORD. Soňky çärýek asyrda 2 gezek altyn medal gazanan “Feýenoord” toparyna ozalky ýyldyz oýunçy Robin Wan Persi tälim berýär. Esasy düzümden Paişao, Hansko, Milambo ýaly oýunçylaryny transfere ugradan rotterdamlylar Boržeş, Watanabe, Tengstedt ýaly futbolçylary transfer etdi.
EREDIVISIE 2025/26 MÖWSÜMIŇ TOPARLARY
KLUBLAR |
ŞÄHERI |
STADIONY-TOMAŞAÇY |
TÄLIMÇI |
Aýaks |
Amsterdam |
Johan Cruyff Arena - 55 865 |
Jon Haýtinga |
AZ |
Alkmaar |
AFAS Stadion - 19 478 |
Maarten Martens (Belgiýa) |
Ekselsior |
Rotterdam |
Van Donge & De Roo Stadion - 4 500 |
Ruben den Uil |
Feýenoord |
Rotterdam |
De Kuip - 47 500 |
Robin wan Persi |
Fortuna |
Sittard |
Fortuna Sittard Stadion - 10 300 |
Denni Buiýs |
Gou Ehed Iglz |
Dewenter |
De Adelaarshorst - 10 000 |
Melwin Bul |
Groningen |
Groningen |
Euroborg - 22 550 |
Dik Lukkien |
Herenwen |
Herenwen |
Abe Lenstra Stadion - 27 224 |
Robin Weldman |
Herakles |
Almelo |
Asito Stadion - 12 080 |
Bas Sibum |
NAK Breda |
Breda |
Rat Verlegh Stadion - 19 000 |
Karl Hofkens (Belgiýa) |
NEK |
Neýmegen |
Goffertstadion - 12 500 |
Dik Shreuder |
PEK Zwolle |
Zwolle |
MAC³PARK Stadion - 13 250 |
Henri wan der Wegt |
PSW |
Eýndhowen |
Philips Stadion - 36 500 |
Peter Boş |
Sparta |
Rotterdam |
Spartastadion Het Kasteel - 11 000 |
Moris Stein |
Telstar |
Welsen |
BUKO Stadion - 4 200 |
Antoni Korreia |
Twente |
Enshede |
De Grolsch Veste - 30 205 |
Ýosef Oosting |
Utreht |
Utreht |
Stadion Galgenwaard - 23 750 |
Ron Ýans |
Wolendam |
Wolendam |
Kras Stadion - 7 384 |
Rik Kruýs |
