Ertir, ýagny hepdäniň ýekşenbe güni, 21-nji dekabrda futbol boýunça Afrika Milletler Kubogy ýaryşyna badalga berler. Marokkoda geçiriljek 35-nji Afrika Milletler Kubogyna 24 ýygyndy gatnaşýar. Olar 6 toparçada çykyş ederler. Duşuşyklar ýurduň paýtagt Rabat (4 stadion), şol sanda Marrakeş, Kasablanka, Agadir, Fes, Tanžer şäherlerindäki, jemi 9 stadionda oýnalar. Her toparçada 1-2-nji orny eýelänler, şol sanda, 3-nji orunda tamamlanlaryň iň gowy netije görkezen 4-si 1/8 finala çykar.

Çempionatyň açylyş duşuşygynda ýer eýeleri Marokkonyň ýygyndysy Komor adalarynyň ýygyndysy bilen duşuşar. Ýaryşyň finaly 18-nji ýanwarda Rabatdaky 68 müň 700 orunlyk Şazada Mulaý Abdellahyň adyny göterýän stadionda oýnalar.

1957-nji ýyldan bäri geçirilip gelinýän ýaryşda Müsüriň ýygyndysy 7, Kamerunyň ýygyndysy 5, bu gezek ýaryşyň daşynda galan Gananyň ýygyndysy 4, Nigeriýa bilen Kot-d’Iwuaryň ýygyndylary 3, Alžir bilen Kongo DR-niň milli toparlary 2 gezek çempionlyk gazandy.

 

“A”: Marokko, Mali, Zambiýa, Komor adalary

“B”: Müsür, Günorta Afrika, Angola, Zimbabwe

“C”: Nigeriýa, Tunis, Uganda, Tanzaniýa

“D”: Senegal, Kongo DR, Benin, Botswana

“E”: Alžir, Burkina Faso, Ekwator Gwineýasy, Sudan

“F”: Kot-d’Iwuar, Kamerun, Gabon, Mozambik

Gyzykly bolup bilerЕЩЕ ОТ АВТОРА