Dün­ýä­de iň kö­ne jem­gy­ýet­çi­lik jaý top­lu­my hök­mün­de ta­nal­ýan Fug­ge­raý Ba­wa­ri­ýa­nyň Augs­burg şä­he­ri­niň çä­gin­de ýer­leş­ýär. Ady­ny Fug­ger­ler maş­ga­la­syn­dan al­ýan bu top­lum 1516-njy ýyl­da mä­täç­le­re kö­mek et­mek mak­sa­dy bi­len gur­lup­dyr. Bu ýer­de 1523-nji ýy­la çen­li 52 jaý gur­lup, ekin meý­dan­la­ry­nyň ge­ri­mi gi­ňel­di­lip­dir. Köp­çü­li­giň ara­syn­da «Şä­he­riň için­dä­ki şä­her­çe» ady bi­len ta­nal­ýan Fug­ge­raý ýa­şa­ýyş jaý top­lu­my da­şyn­dan se­re­de­niň­de Or­ta asyr şä­her­çe­si­ne meň­ze­ýär. Tas­la­ma iş­le­nip dü­zü­len­de Fug­ge­raý­da ýa­şa­ýan ila­tyň howp­suz­ly­gy­ny üp­jün et­mek mak­sa­dy bi­len bir ýer­den gi­riş-çy­kyş no­ka­dy goý­lup­dyr. Fug­ge­ra­ýa ýe­ke­je ýol bar­ýar. Ýo­luň baş­lan­ýan ýe­rin­de der­we­ze, so­ňun­da bol­sa yba­dat­ha­na ýer­leş­ýär. Bu ýe­re bar­ýan ulag­ly adam­lar 1 der­we­ze­den, py­ýa­da­lar 5 sa­ny der­we­ze­den gi­rip-çyk­ýar­lar. Der­we­ze­ler her gün ag­şam 10-da gulp­lan­ýar.
Fug­ge­raý ýa­şa­ýyş jaý top­lu­my­nyň özü­ne çe­ki­ji ta­ra­py­nyň bi­ri bu ýer­de 500 ýyl­dan bä­ri ýa­şa­ýyş jaý ba­ha­sy­nyň şol bir dur­kun­da üýt­gew­siz gal­ma­gy­dyr. Bu ýer­dä­ki jaý­lar Augs­burg şä­he­rin­de azyn­dan 2 ýyl ýa­şan we ber­gi­si bol­ma­dyk ga­ryp­la­ra be­ril­ýär. Ýyl­lyk kä­ren­de tö­le­gi 80 sent bo­lup, bu ýer­dä­ki tö­leg­le­riň hem­me­si Ýa­kob Fug­ge­riň wes­ýe­ti­ne gö­rä ama­la aşy­ryl­ýar. Fug­ge­raý­da jaý­lar aý­ra­tyn­lyk­da bo­lup, umu­myýa­şa­ýyş ja­ýy ýok. 45-den 65 ine­dör­dül metr meý­dan ara­lyk­da ýer­leş­ýän jaý­lar­da aş­ha­na, iki otag we ham­mam bar. Iki gat­ly jaý­la­ryň äh­li­si­niň bi­rin­ji ga­tyn­da ki­çi­räk bag­ly meý­dan bo­lup, öý­le­riň hem­me­sin­de te­le­wi­zor we akar suw bar. Jaý­la­ryň kö­pü­si­niň bi­rin­ji ga­ty mu­zeý edi­lip­dir. Ikin­ji gat­da ýa­şa­ýan­la­ryň bol­sa, goş­ma­ça üçe­gi hem bar.
Fug­ge­raý 1520-nji ýyl­da dö­re­di­len Fug­ger ha­ýyr-sa­ha­wat gaz­na­sy ta­ra­pyn­dan do­lan­dy­ryl­ýar. Döw­rü­niň baý adam­la­ry­nyň bi­ri bo­lan Ýa­kob Fug­ger ýa­şa­ýyş jaý tas­la­ma­sy­ny sar­gyt eden we bu ýa­şa­ýyş jaý top­lu­my üçin il­kin­ji bo­lup ma­ýa go­ýan adam ha­sap­lan­ýar. Augs­burg şä­he­rin­de Ýa­kob Fug­ge­riň heý­ke­li otur­dy­lyp­dyr. Fug­ge­raý ýa­şa­ýyş jaý top­lu­myn­da hä­zir­ki wagt­da 147 jaý, 67 öý, do­lan­dy­ryş eda­ra bi­na­sy, yba­dat­ha­na we bir­nä­çe mu­zeý bar. Da­şy çyr­ma­şyk ösüm­lik­ler bi­len ör­tü­len ýa­şyl jaý­lar­da hä­zir­ki wagt­da 150 adam ýa­şa­ýar. Ger­ma­ni­ýa­nyň iň ga­dy­my oba­la­ry­nyň bi­ri bo­lan Fug­ge­raý Bü­tin­dün­ýä mi­ra­sy­nyň sa­na­wy­na gi­ri­zi­len ýer­le­riň bi­ri­dir.

Gyzykly bolup bilerЕЩЕ ОТ АВТОРА