Ýew­ro­pa­nyň mer­ke­zin­de ýer­leş­ýän Hor­wa­ti­ýa uzak ýyl­lar­dan bä­ri sy­ýa­hat­çy­lyk pu­da­gyn­da öň­dä­ki or­ny eýe­le­ýär. Se­na­gat we yk­dy­sa­dy taý­dan ösen bu ýurt Ad­ria­tik deň­zi­niň ke­na­ryn­da ýer­leş­ýän dynç alyş mer­kez­le­ri bi­len sy­ýa­hat­çy­la­ry özü­ne çek­ýär. 1990-njy ýyl­da Ga­raş­syz­ly­gy­na eýe bo­lan Hor­wa­ti­ýa 2000-nji ýyl­la­ryň ahy­ryn­da deňi­z ke­na­rlaryna iň köp sy­ýa­hat­çy bar­ýan ýur­da öw­rül­ýär. 4 mil­li­on­dan gow­rak ila­ty bo­lan bu ýurt­da 8 sa­ny mil­li se­ýil­gäh, 11 sa­ny te­bi­gy se­ýil­gäh we 1000-den gow­rak ada bar. Ýurt bo­ýun­ça 10 ýer ÝU­NES­KO-nyň Bü­tin­dün­ýä mi­ra­sy­nyň sa­na­wy­na gi­ri­zi­lip­dir. 56 müň 594 ine­dör­dül ki­lo­metr meý­da­ny tut­ýan Hor­wa­ti­ýa­ me­de­ni­ýeti, gast­ro­no­mi­ýasy, ta­ryhy, mo­dasy, bi­na­gär­ligi, sun­gaty, te­bi­ga­ty, de­ňiz ke­nar­la­ry we gi­je­ki ge­ze­lenç­leri bilen sy­ýa­hat­çy­la­ry özü­ne çek­ýär. Bal­kan ýa­rym ada­syn­da ýer­leş­ýän bu ýur­da her ýyl 20 mil­li­on­dan gow­rak sy­ýa­hat­çy bar­ýar. Iýul we aw­gust aý­la­ry Hor­wa­ti­ýa­nyň Dub­row­nik, Rowin, Zag­reb, Split, Po­reç, Umag we Za­dar ýa­ly şä­her­le­ri sy­ýa­hat­çy­lar­dan ýa­ňa do­lup-daş­ýar.

Hor­wa­ti­ýa­nyň meş­hur ýer­le­ri
Plit­wiçka mil­li se­ýil­gä­hi. ÝU­NES­KO-nyň sa­na­wyn­da ýer alan bu se­ýil­gäh to­ka­ýyň için­de ýer­leş­ýän 16 sa­ny owa­dan kö­li we agaç­ly meý­dan­la­ry öz içi­ne al­ýar. Köl­le­riň iň ulu­sy Kozýjak bo­lup, üs­tün­den agaç­dan ýa­sa­lan in­siz­je köp­rü­ler geç­ýär. Köp­rü­ler­den ýö­räp göm-gök su­wuň üs­tün­de ge­ze­lenç et­mek her bir sy­ýa­hat­çy­da ýat­dan çyk­ma­jak pur­sat­la­ry dö­red­ýär. Plit­wiçka mil­li se­ýil­gä­hin­de ulu­ly-ki­çi­li şag­la­wuk­la­ryň hem ýüz­ler­çe­si bar.
Kor­çu­la şä­her­çe­si. De­ňiz ke­na­ryn­da­ky «süý­ji şä­her» diý­lip at­lan­dy­ryl­ýan Kor­çu­la şä­her­çe­si owa­dan ga­la­la­ry we diň­le­ri, şeý­le hem na­gyş­lar bi­len be­ze­len res­to­ran­la­ry bi­len gö­ren­le­ri haý­ran gal­dyr­ýar. Kö­lüň için­de gur­lan aý­ra­tyn top­lu­ma meň­ze­ýän bu şä­her­çä­ni 1 sa­ga­dyň do­wa­myn­da aý­la­nyp bol­ýar. Şä­her­çe­de sa­ýa­wan­la­ryň aşa­gyn­da kö­çe ta­gam­la­ry­ny dat­mak sy­ýa­hat­çy­la­ryň ada­ty­na öw­rü­len däp­le­riň bi­ri ha­sap­lan­ýar.
Hwar şä­he­ri. Gü­ne köý­mek, ýah­ta­da ge­ze­lenç et­mek we de­ňiz ke­na­ryn­da kok­teýl iç­mek is­le­ýän­ler üçin Hwar şä­he­ri aja­ýyp ýer­le­riň bi­ri­dir. Şä­he­riň mer­ke­zin­dä­ki de­pe­de Or­ta asyr­lar­da gur­lan For­ti­ka ga­la­sy ýer­leş­ýär. Sy­ýa­hat­çy­lar bu ýe­re ba­ryp şä­he­ri we deň­zi ýo­kar­dan syn­la­ýar­lar. Ga­ýa­la­ryň ara­syn­da ýüz­mek is­le­ýän­ler üçin bu ýer­de äh­li şert­ler dö­re­di­lip­dir. Hwar şä­he­rin­den ga­ýyk­ly Pak­le­ni ada­la­ry­na hem ba­ryp bol­ýar.
Mlet ada­sy. Sos­na to­kaý­lyk­la­ry bi­len ör­tü­len Mlet ada­sy te­bi­ga­ty sö­ýü­ji­le­riň iň ha­la­ýan ýer­le­ri­niň bi­ri ha­sap­lan­ýar. Ki­çi­jik ada­nyň gün­do­ga­ryn­da dynç alyş mer­ke­zi, gün­ba­tar bö­le­gin­de bol­sa, iki sa­ny köl we ga­la bo­lup, myh­man­lar ga­la­da­ky otag­lar­da ýa-da to­kaý­da­ky ça­dyr­lar­da düş­le­me­li bol­ýar­lar. Mlet ada­syn­da ki­çi­jik port hem bar.
Ko­paçki Rit te­bi­gy se­ýil­gä­hi. Du­naý we Dra­wa der­ýa­la­ry­nyň suw joş­ma­syn­dan eme­le ge­len bu se­ýil­gäh Ýew­ro­pa­nyň iň uly bat­ga­lyk­la­ry­nyň bi­ri­dir. Aw aw­la­ma­gy ha­la­ýan­lar üçin bu bat­ga­lyk tä­sin ýer­le­riň bi­ri ha­sap­lan­ýar. Se­ýil­gäh­de gu­şuň 290 tö­we­re­gi gör­nü­şi ýa­şa­ýar. Şeý­le hem bu ýer­de ýe­ke­ga­pan we su­gun köp duş gel­ýär. Bat­ga­ly­gyň için­den 2,4 ki­lo­metr uzyn­lyk­da­ky tag­ta­dan ýa­sa­lan ýo­da bar.
Dub­row­nik şä­he­ri. De­ňiz ke­na­ryn­da ýer­leş­ýän bu şä­her dün­ýä­niň iň owa­dan ro­man­tik ýer­le­riniň bi­ri­dir. Şä­her­de gyz­gylt üçek­li be­ýik ga­la­lar bo­lup, 10-­dan gow­rak yba­dat­ha­na, daş­dan ýa­sa­lan meý­dan­ça­lar we köp asyr­lyk ýa­şa­ýyş jaý­la­ry ýer­leş­ýär. Şä­her­de be­ýik di­war­la­ryň üs­tün­de ge­ze­lenç edip, how­lu­la­ra, jaý­la­ryň üçe­gi­ne eki­len bag­la­ra we de­ňiz ke­nar­la­ry­na göz aý­lap bol­ýar.
Braç ada­sy. Ada­nyň gü­nor­ta ke­na­ryn­da, Bol şä­he­ri­niň go­la­ýyn­da Hor­wa­ti­ýa­nyň iň köp su­ra­ta dü­şül­ýän ýer­le­ri­niň bi­ri bo­lan guý­ruk şe­kil­li Zlat­ni Rat ýer­leş­ýär. Gö­güm­til-ýa­şyl su­wuň için­de ýer­leş­ýän bu ada agym­tyl daş­lar­dan eme­le ge­lip­dir.
Zag­reb şä­he­ri. Şä­he­riň paý­tagt şä­he­ri Or­ta asyr­lar­da gur­lan go­rag di­war­la­ry bi­len tä­sin gör­nü­şi eme­le ge­tir­ýär. Ge­ze­lenç et­mek üçin iň owa­dan şä­her­le­riň bi­ri bo­lan Zag­reb­de gy­zyl sa­ýa­wan­la­ryň aşa­gyn­da Do­lak ba­za­ryn­da daý­han­la­ryň söw­da et­me­gi, Stross­ma­ýer ge­ze­lenç ýö­riş­le­ri­niň ge­çi­ril­me­gi, Gül meý­dan­ça­syn­da ko­fe iç­mek sy­ýa­hat­çy­lar­da ýat­dan çyk­ma­jak tä­sir­le­ri gal­dyr­ýar.
Bu­lar­dan baş­ga-da, Si­be­nik ga­la­sy, Za­gorýe ga­la şä­he­ri, Wiz ada­sy, Kres ada­sy we Krka mil­li se­ýil­gä­hi Hor­wa­ti­ýa­nyň iň köp ge­lim-gi­dim­li ýer­le­ri ha­sap­lan­ýar.

Gyzykly bolup bilerЕЩЕ ОТ АВТОРА