PDF
Türkiýäniň çempionaty “Süper Ligiň” täze 68-nji möwsümi şu gijeki “Gaziantep” – “Galatasaraý” duşuşygy bilen başlanar. 18 klub çykyş edýän çempionatynda toparlar dowam edýän transfer möwsüminde işjeň hereket edýärler. 18 klubuň 7-si Stambul şäherine degişli toparlardyr. 6 topar geçen möwsümdäki tälimçilerini çalyşdy. 18 klubuň 10-syny ýerli, 8-sini daşary ýurtly tälimçiler türgenleşdirýär. Dünýäniň iň köp tälimçi çalşyrylýan çempionatlarynyň biri bolan “Süper Ligde” klublar täze möwsüme Portugaliýadan hem-de Germaniýadan 2, Gruziýadyr Bolgariýadan, Çehiýadan hem-de Norwegiýadan 1 tälimçi bilen başlarlar.
Geçen möwsüm 19 klubuň çykyş eden çempionatynda “Adana Demirspor”, “Siwasspor”, “Bodrum” hem-de “Hataýspor” klublary aşaky liga düşüp, olaryň ornuna 16 ýyldan soň ýokary liga çykan “Kojaelispor”, şeýle-de, “Gençlerbirligi” hem-de “Fatih Karagümrük” toparlary “Süper Ligde” çykyş ederler.
GALATASARAÝ. Yzly-yzyna 3-nji, umumylykda 25-nji çempionlygyny gazanyp, 5-nji ýyldyzyň eýesi bolan “Galatasaraý” täze möwsümde-de çempionlygyň iň esasy dalaşgäri hasaplanýar. Okan Burugyň tälimçiligindäki klub düzümine Leroý Saneni, şol sanda geçen möwsümde kärendesine çykyş eden Osimheni ymykly transfer etdi. Toparyň 13 ýyllyk derwezeçisi Fernando Muslera, şol sanda Mertens klubdan giden esasy oýunçylar boldy. Tälimçi Okan Burugyň iň esasy maksady bassyr 4-nji çempionlygy gazanyp, Fatih Terimiň rekordyna şärik bolmak.
FENERBAHÇE. 11 ýyldan bäri çempionlygy ýatdan çykaran “Fenerbahçe” toparyna meşhur hünärmen Žoze Mourinio tälim berýär. Klubdan Jeko,Tadiç, Kostiç, Zaýç ýaly oýunçylar başga klublara transfer boldy. Jon Duran, Arçi Brawn, Nelson Semedo ýaly oýunçylary düzümine goşan “Fenerbahçe” topary ýeňişsiz geçen 10 ýylyň ahmyryny çykarmak üçin elde baryny gaýgyrman göreşer.
BEŞIKTAŞ. Soňky ýyllarda “Galatasaraý” hem-de “Fenerbahçe” toparlaryndan juda yza galan “Beşiktaş” Abraham hem-de Orkun Kökçüni düzümine goşdy. Solskaýeriň tälimçiligindäki klub Ýewropa Ligasynda saýlama tapgyry geçip bilmedi. Topar bu möwsümde-de çempionlygyň 3-nji dalaşgäri hasaplanýar.
BEÝLEKILER. Ýurduň 4-nji uly topary diýlip görkezilýän “Trabzonspor”, şol sanda “Samsunspor”, özbegistanly Şomurodowy hem-de Faýzullaýewy düzümine goşan “Istanbul Başakşehir” toparlary öňdäki orunlar üçin göreş alyp barjak beýleki klublar bolar.
TRENDYOL SÜPER LIGI 2025/26 MÖWSÜMIŇ TOPARLARY
KLUBLAR |
ŞÄHERI |
STADIONY-TOMAŞAÇY |
TÄLIMÇI |
Alanýaspor |
Antalýa |
Alanya Oba Stadyumu - 9 789 |
Žoao Pereira (Portugaliýa) |
Antalýaspor |
Antalýa |
Corendon Airlines Park - 29 307 |
Emre Belözoglu |
Beşiktaş |
Stambul |
Tüpraş Stadyumu - 42 445 |
Çagdaş Atan |
Eýüpspor |
Stambul |
Kasımpaşa Stadyumu - 13 797 |
Ole Gunnar Solskaýer (Norwegiýa) |
Fatih Karagümrük |
Stambul |
Atatürk Olimpiyat Stadyumu - 77 563 |
Marsel Liçka (Çehiýa) |
Fenerbahçe |
Stambul |
Chobani Stadyumu – 47 430 |
Žoze Mourinio (Portugaliýa) |
Galatasaraý |
Stambul |
Rams Park - 53 978 |
Okan Buruk |
Gaziantep |
Gaziantep |
Gaziantep Bş. Stadyumu - 30 320 |
Ismet Taşdemir |
Gençlerbirligi |
Ankara |
Eryaman Stadyumu - 20 000 |
Hüseýin Eroglu |
Göztepe |
Izmir |
Gürsel Aksel Stadyumu - 20 756 |
Stanimir Stoilow (Bolgariýa) |
Istanbul Başakşehir |
Stambul |
Başakşehir Fatih Terim Stadyumu - 17 067 |
Selçuk Şahin |
Kasympaşa |
Stambul |
Kasımpaşa - 13 797 |
Şota Arweladze (Gruziýa) |
Kaýserispor |
Kaýseri |
RHG Enertürk Enerji Stadyumu - 32 856 |
Markus Gisdol (Germaniýa) |
Kojaelispor |
Kojaeli |
Kocaeli Stadyumu - 34 829 |
Selçuk Inan |
Konýaspor |
Konýa |
Konya Belediýesi Bş. Stadyumu - 41 600 |
Rejep Uýar |
Rizespor |
Rize |
Çaykur Didi Stadyumu - 14 850 |
Ilhan Palut |
Samsunspor |
Samsun |
Samsun 19 Mayıs Stadyumu - 33 303 |
Tomas Reis (Germaniýa) |
Trabzonspor |
Trabzon |
Papara Park - 40 980 |
Fatih Tekke |
