Garaşsyzlyk şöhratymyz, şanymyz!

Ýur­du­myz­da her ýy­lyň güýz pas­ly­nyň il­kin­ji aýyn­da bel­le­ni­lip ge­çil­ýän mu­kad­des Ga­raş­syz­ly­gy­my­zyň şan­ly baý­ra­my mäh­ri­ban Wa­ta­ny­my­zyň ýyl-ýyl­dan gül­läp ös­ýän­di­gi­ni, kuw­wat­ly, ab­raý­ly döw­le­te öw­rü­len­di­gi­ni äş­gär ed­ýär. Ýur­du­myz 30 ýy­lyň için­de hormat­ly Prezidenti­mi­ziň pa­ra­sat­ly baş­tu­tan­ly­gyn­da ösü­şiň we ro­waç­ly­gyň ýo­ly bi­len ynam­ly ga­dam ur­ýan ýurt hök­mün­de dün­ýä ýü­zün­de be­ýik yk­rar­na­ma­la­ra eýe bol­dy.

Hor­mat­ly Pre­zi­den­ti­miz: «Ga­raş­syz­lyk türk­men hal­ky­nyň çü­wen bag­ty­dyr, gö­te­ri­len yk­ba­ly­dyr, ýüz­ler­çe ýyl­la­ra ýaň sa­lan kö­ňül küý­se­gi­niň, gö­wün is­le­gi­niň wy­sa­ly­dyr» di­ýip jaý­dar bel­le­ýär. Çün­ki, Ga­raş­syz­lyk ýyl­la­ryn­da ga­za­ny­lan üs­tün­lik­ler, ýe­ti­len be­lent sep­git­ler mer­da­na ata-ba­ba­la­ry­my­zyň asyr­lar­bo­ýy eden ar­zu­wy­nyň ha­syl bol­ma­gy­dyr.
Ýur­du­myz­da gu­rul­ýan bi­na­lar, des­ga­lar yn­san dur­mu­şy­ny bag­ty­ýar­ly­ga we eş­re­te bes­le­mä­ge ni­ýet­le­nen­dir. Bu il bäh­bit­li iş­ler mil­li Li­de­ri­mi­ziň öz hal­ky­nyň ar­zuw-is­le­gi­ni, bäh­bit­le­ri­ni hem­me zat­dan ile­ri tut­ýan­dy­gy­ny gör­kez­ýär. Dün­ýä ül­ňü­le­ri­ne ky­bap gel­ýän or­ta we ýo­ka­ry okuw mek­dep­le­ri, döw­re­bap teatr­lar, me­de­ni­ýet öý­le­ri, ki­tap­ha­na­lar, mu­zeý­ler, ho­wa men­zil­le­ri, sport-sa­gal­dyş mer­kez­le­ri, şy­pa­ha­na­lar, de­mir ýol­la­ry, mah­la­sy äh­li iş­ler­de il-ýurt bäh­bi­di göz öňün­de tu­tu­lan­dyr.
Ýur­du­myz­da paý­tag­ty­myz bi­len bir­lik­de we­la­ýat mer­kez­le­rin­de gu­rul­ýan bi­na­lar­dyr des­ga­lar hem hä­zir­ki dö­wür­de Wa­ta­ny­my­zyň gö­zel­li­gi­ne gö­zel­lik goş­ýar. Or­ta Azi­ýa­nyň dür­dä­ne­si di­ýen be­lent ada my­na­syp bo­lan paý­tag­ty­myz Aş­ga­bat bol­sa bu gün­ki gün gör­lüp-eşi­dil­me­dik de­re­je­de öz­ger­di. Onuň aja­ýyp bi­na­la­ry­dyr des­ga­la­ry mil­li bi­na­gär­lik keş­bi, çe­per­çi­lik çöz­güt­le­ri bi­len Gin­ne­siň re­kord­lar ki­ta­byn­da orun al­dy.
Ýur­du­myz­da uly äh­li­halk baý­ram­çy­lyk­la­ry­nyň öňü­sy­ra­syn­da tä­ze bi­na­la­ry açyp ulan­ma­ga ber­mek asyl­ly dä­be öw­rül­di. Şu ýyl mu­kad­des Ga­raş­syz­ly­gy­my­zyň şan­ly 30 ýyl­lyk to­ýy ulu­dan tu­tul­ýar. Bu baý­ra­myň öňü­sy­ra­syn­da dür­li mi­nistr­lik­le­riň we pu­dak­la­ýyn do­lan­dy­ryş eda­ra­la­ry­nyň, Aş­ga­bat şä­her hä­kim­li­gi­niň hem-de Se­na­gat­çy­lar we te­le­ke­çi­ler bir­leş­me­si­niň bu­ýur­ma­la­ry esa­syn­da bir­nä­çe eda­ra-kär­ha­na­lar, sag­lyk öý­le­ri, döw­re­bap ýol­lar we ýa­şa­ýyş jaý top­lum­la­ry gur­lup ula­n­ma­ga be­ril­di. Biz hem be­ýik Ga­raş­syz­ly­gy­my­zyň şan­ly 30 ýyl­ly­gy my­na­sy­bet­li çy­kar­ýan ýö­ri­te sa­ny­myz­da ýe­tip gel­ýän uly baý­ram­çy­ly­gyň – Wa­ta­ny­my­zyň Ga­raş­syz­ly­gy­nyň 30 ýyl­lyk to­ýu­nyň öň­ýa­nyn­da baý­ram­çy­lyk my­na­sy­bet­li ge­çi­ri­len da­ba­ra­ly çä­re­le­riň we açy­lyp ula­n­ma­ga ber­len bi­na­lar­dyr des­ga­la­ryň bir­nä­çe­si bi­len ta­nyş­dyr­ma­gy ma­kul bil­dik.

Il­kin­ji Olim­pi­ýa me­da­ly­nyň eýe­si sy­lag­lan­dy
21-nji aw­gust­da Türk­me­nis­ta­nyň Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, Türk­me­nis­ta­nyň at ga­za­nan tä­lim­çi­si Ser­dar Berdimuhamedowyň gat­naş­ma­gyn­da Aş­ga­ba­dyň Olim­pi­ýa şä­her­çesi­niň «Ba­şa-baş sö­weş sun­ga­ty» sport top­lu­myn­da To­kio şä­he­rin­de ge­çi­ri­len ХХХII to­mus­ky Olim­pi­ýa oýun­la­ryn­da ýe­ňiş ga­za­nan ýur­dumyzyň tür­ge­ni Po­li­na Gur­ýe­wa döw­let sy­lag­la­ry­ny gow­şur­mak da­ba­ra­sy ge­çi­ril­di.
59 kilograma çen­li ag­ram de­re­je­sin­de türk­men tür­ge­ni sil­kip hem-de itek­läp gö­ter­mek bo­ýun­ça iki gör­nüş­li ýa­ry­şda je­mi 217 kg (96+121) ne­ti­jä­ni gör­kez­di we Olim­pi­ýa oýun­la­ry­nyň kü­müş me­da­ly­ny ga­zan­ma­gy ba­şar­dy.
Türk­me­nis­ta­nyň Pre­zi­den­ti­niň Ka­ra­ry bi­len Po­li­na Gur­ýe­wa «Türk­me­nis­ta­nyň at ga­za­nan sport us­sa­dy» di­ýen hor­mat­ly at be­ril­di. Döw­let Baş­tu­ta­ny­my­zyň adyn­dan oňa äh­li amat­lyk­la­ry bo­lan öýüň hem-de «Lexus LX570 Sport Plus» ky­sym­ly aw­tou­la­gyň açary gow­şu­ryl­dy. Mun­dan baş­ga-da, P.Gur­ýe­wa 50 müň ame­ri­kan dol­la­ry möç­be­rin­de pul baý­ra­gy be­ril­di.
Tä­lim­çi­ler A.Sa­ry­ýe­we Türk­me­nis­ta­nyň «Ga­raş­syz Türk­me­nis­ta­na bo­lan be­ýik söý­gü­si üçin» di­ýen or­de­ni, A.Emir­ýa­na bol­sa 2021-nji ýyl­da öndüri­len «Toyo­ta Cam­ry» ky­sym­ly ýe­ňil aw­tou­la­gyň aça­ry gow­şu­ryl­dy.

Ka­ka dok­ma top­lu­my
25-nji aw­gust­da hor­mat­ly Pre­zi­den­ti­mi­ziň gat­naş­ma­gyn­da Di­ýa­ry­my­zyň mu­kad­des Ga­raş­syz­ly­gy­nyň 30 ýyl­ly­gy­nyň öňü­sy­ra­syn­da Ahal we­la­ýa­tyn­da tä­ze dok­ma top­lu­my­nyň açy­lyş da­ba­ra­sy bol­dy.
Tä­ze işe gi­ri­zil­ýän Ka­ka dok­ma top­lu­my iri önüm­çi­lik kär­ha­na­sy bo­lup, onuň umu­my ba­ha­sy 147 850 000 ame­ri­kan dol­la­ry­na ba­ra­bar­dyr. Bu top­lu­myň önüm­çi­lik kuw­wa­ty ýyl­da 3 650 ton­na ýo­ka­ry hil­li ýüp­lük­le­ri, 12 mil­li­on ine­dör­dül metr dür­li gör­nüş­li ma­ta­la­ry hem-de 1 mil­li­on 200 müň sa­ny taý­ýar ti­kin önüm­le­ri­ni ön­dür­mä­ge ukyp­ly­dyr. Bu iri top­lu­myň işe gi­ri­zil­me­gi bi­len, on­da 1 300 adam zäh­met çe­ker.
Top­lu­myň tut­ýan meý­da­ny 18 gek­tar­dan yba­rat bo­lup, on­da önüm­çi­lik bi­na­la­ryn­dan baş­ga-da 2 gat­ly eda­ra bi­na­sy, önüm­çi­lik am­mar­la­ry, trans­for­ma­tor be­ke­di, us­sa­ha­na, ýan­gyn howp­suz­lyk bi­na­la­ry, aw­tou­lag du­ral­ga­la­ry bar. Şeý­le hem bu ýer­de iş­gär­le­re amat­ly şert­le­ri dö­ret­mek üçin 450 orun­lyk na­har­ha­na, sport meý­dan­ça­sy, 2 sa­ny 16 orun­lyk myh­man­ha­na ýer­leş­ýär.

Tä­ze okuw ýy­ly­na tä­ze mek­dep­ler
1-nji sent­ýabr­da Ahal we­la­ýa­ty­nyň Gök­de­pe et­ra­by­nyň Ba­ba­rap oba­syn­da Türk­me­nis­ta­nyň Mil­li Ge­ňe­şi­niň Mej­li­si­niň Ka­ra­ry bi­len An­nak Sä­het­my­ra­do­wyň ady da­ky­lan tä­ze ýö­ri­te­leş­di­ri­len 42-nji or­ta mek­dep ula­n­ma­ga be­ril­di.
Şeý­le hem Änew şä­he­rin­de 720 orun­lyk, Ak bug­daý et­ra­byn­da 960 orun­lyk, Te­jen et­ra­by­nyň Ba­ba­daý­han ge­ňeş­ligin­de 640 orun­lyk, Ba­ba­daý­han et­ra­byn­da 960 orun­lyk tä­ze, döw­re­bap umu­my­bi­lim ber­ýän mek­dep­le­r açyl­dy.
Bi­lim­ler we ta­lyp ýaş­lar gü­nün­de Sa­ýat et­ra­by­nyň Çow­dur we Le­ba­by ge­ňeş­lik­le­rin­de her bi­ri 600 okuw­ça ni­ýet­lenen döw­re­bap mek­dep­le­riň açylmagy Le­bap we­la­ýa­ty­nyň umu­my­bi­lim ber­ýän eda­ra­la­ry­nyň üs­tü­ni ýe­tir­di.
Şol gün bi­rin­ji synp okuw­çy­la­ra hor­mat­ly Prezidentimiziň adyn­dan komp­ýu­ter­ler gow­şu­ryl­dy.

Gaz­tur­bi­na­ly elekt­rik stan­si­ýa­sy
3-nji sent­ýabr­da Le­bap we­la­ýa­ty­nyň Çär­jew et­ra­byn­da kuw­wat­ly­ly­gy 432 me­ga­wat bo­lan gaz­tur­bi­na­ly elekt­rik stan­si­ýa­sy­nyň açy­lyş da­ba­ra­sy bol­dy. Tä­ze des­ga ozal he­re­ket ed­ýän Le­bap döw­let elekt­rik stan­si­ýa­sy­nyň çä­gin­de bi­na edil­di.
Elekt­rik stan­si­ýa­sy Ýa­po­ni­ýa­nyň meş­hur «Mit­su­bis­hi Po­wer Ltd» kom­pa­ni­ýa­sy­nyň gaz­tur­bi­na en­jam­la­ry bi­len en­jam­laş­dy­ryl­dy. Ýur­du­my­zyň elekt­roe­ner­ge­ti­ka pu­da­gy­nyň ta­ry­hyn­da bu kom­pa­ni­ýa­nyň teh­no­lo­gi­ýa­la­ry il­kin­ji ge­zek ula­nyl­ýar. Bu ýer­de her bi­ri­niň kuw­wat­ly­ly­gy 144 me­ga­wat bo­lan gaz­tur­bi­na­la­ryň üçü­si otur­dyl­dy.
Tä­ze des­ga­nyň ula­n­ma­ga be­ril­me­gi bi­len, ýur­du­my­zyň ener­go­ul­ga­my­nyň bel­le­nen kuw­wat­ly­ly­gy ýe­ne-de 432 me­ga­wat ar­tar, öň­den he­re­ket ed­ýän Le­bap döw­let elekt­rik stan­si­ýa­sy­nyň kuw­wat­ly­ly­gy bol­sa 581,2 me­ga­wa­ta deň bo­lar. Le­bap we­la­ýa­ty­nyň sarp edi­ji­le­ri­niň ener­gi­ýa üp­jün­çi­li­gi­niň yg­ty­bar­ly­ly­gy ar­tar. Mer­ke­zi Azi­ýa ýurt­la­ry­na, şol san­da Öz­be­gis­ta­na, Gyr­gyz Res­pub­li­ka­sy­na we Ow­ga­nys­ta­na elekt­rik ener­gi­ýa­sy­nyň ibe­ri­li­şi­niň möç­be­ri­ni art­dyr­ma­ga müm­kin­çi­lik dörär.
Ça­ga­lar aý­dym-saz bäs­le­şi­gi
5-nji sent­ýabr­da Türk­me­nis­ta­nyň Ga­raş­syz­ly­gy­nyň 30 ýyl­ly­gy­na ba­gyş­la­nan ze­hin­li ça­ga­la­ryň ara­syn­da «Ga­raş­syz­ly­gyň mer­jen dä­ne­le­ri» aý­dym-saz bäs­le­şi­gi­niň jem­leý­ji tap­gy­ry­na gat­na­şy­jy­la­ryň kon­ser­ti Now­ruz ýaý­la­syn­da­ky «Türk­me­niň ak öýi» bi­na­syn­da ge­çi­ril­di.
Türk­me­nis­ta­nyň Pre­zi­den­ti­niň baý­ra­gy­ny al­mak ug­run­da gu­ral­ýan «Türk­me­niň Al­tyn asy­ry» bäs­le­şi­gi­niň çäk­le­rin­de her ýyl ge­çi­ril­ýän ze­hin­li ça­ga­la­ryň fes­ti­wa­ly ösüp gel­ýän nes­liň dö­re­di­ji­lik ba­şar­nyk­la­ry­ny ýü­ze çy­kar­ma­ga hem-de gol­da­ma­ga, çe­per hö­wes­jeň­li­gi ös­dür­mä­ge, mil­li saz me­de­ni­ýe­ti­niň ýö­rel­ge­le­ri­niň do­wa­mat­ly­ly­gy­ny ber­kit­mä­ge ýar­dam ber­ýär.
Şu ýy­lyň «Türk­me­nis­tan – pa­ra­hat­çy­ly­gyň we yna­nyş­ma­gyň Wa­ta­ny» şy­ga­ry dö­re­di­ji­lik göz­den ge­çi­ri­li­şi­ne aý­ra­tyn ru­hu­be­lent­lik ber­di. Ýa­şa­jyk aý­dym­çy­lar be­dew ba­dy bi­len ösü­şiň be­lent­lik­le­ri­ne ta­rap öňe bar­ýan eziz Wa­ta­ny­my­zy, zäh­met­sö­ýer hal­ky­my­zy, türk­men top­ra­gy­nyň aja­ýyp gö­zel­li­gi­ni wasp et­di­ler. Kör­pe­le­riň ýe­ri­ne ýe­ti­ren aý­dym-saz­la­ry wi­deo­şe­kil­ler bi­len saz­laş­dy hem-de sah­na­da ýa­şa­jyk türk­me­nis­tan­ly­la­ra bagt­ly ça­ga­ly­gy peş­geş be­ren be­ýik döw­le­tiň keş­bi­ni jan­lan­dyr­dy.
To­ma­şa­çy­la­ryň el çar­pyş­ma­la­ry bi­len, iň go­wy we ze­hin­li ýe­ri­ne ýe­ti­ri­ji­le­riň, ýe­ňi­ji­le­riň at­la­ry yg­lan edil­di.
Hor­mat­ly Pre­zi­den­ti­mi­ziň adyn­dan ola­ra gym­mat ba­ha­ly baý­rak­lar hem-de bäs­le­şi­giň ýe­ňi­ji­le­ri­niň dip­lom­la­ry, bäs­le­şi­ge gat­na­şy­jy­la­ryň äh­li­si­ne ýa­dy­gär­lik sow­gat­la­r gow­şu­ryl­dy.

«Ýaň­lan, Di­ýa­rym!» te­le­bäs­le­şi­gi
8-nji sent­ýabr­da paý­tag­ty­my­zyň «Aş­ga­bat» aý­dym-saz mer­ke­zin­de ýaş aý­dym­çy­la­ryň ara­syn­da ge­çi­ril­ýän «Ýaň­lan, Di­ýa­rym!» te­le­bäs­le­şi­gi­niň jem­leý­ji tap­gy­ry bol­dy.
Her ýyl bu dö­re­di­ji­lik bäs­le­şi­gi Türk­me­nis­ta­nyň
Prezi­den­ti­niň­ yg­lan eden «Türk­me­niň Al­tyn asy­ry» bäs­le­şi­gi­niň çäkle­rin­de ge­çi­ril­ýär. Türk­men ýaş­la­ry­nyň aý­dyň hem-de kö­pö­wüş­gin­li ze­hin­le­ri­niň göz­den ge­çi­ri­li­şi Türk­me­nis­ta­nyň Me­de­ni­ýet mi­nistr­li­gi, Te­le­wi­de­ni­ýe, ra­dio­gep­le­şik­ler we ki­ne­ma­tog­ra­fi­ýa ba­ra­da­ky döw­let ko­mi­te­ti, we­la­ýat­la­ryň we Aş­ga­bat şä­he­ri­niň hä­kim­lik­le­ri ta­ra­pyn­dan gu­ral­dy.
«Ýaň­lan, Di­ýa­rym!» te­le­bäs­le­şi­gi­niň jem­leý­ji kon­ser­tin­de ýur­du­my­zyň äh­li we­la­ýat­la­ryn­dan we paý­tag­ty­myz­dan ge­len dür­li dö­re­di­ji­lik to­par­la­ry­nyň aý­dym­çy­la­ry, ýo­ka­ry okuw mek­dep­le­ri­niň ta­lyp­la­ry, me­de­ni­ýet iş­gär­le­ri gat­naşdy­lar.
Paý­tag­ty­my­zyň «Aş­ga­bat» aý­dym-saz mer­ke­zi­niň am­fi­te­at­ryn­da eziz Di­ýa­ry­my­zy, tä­ze ta­ry­hy eý­ýa­myň ägirt uly üs­tün­lik­le­ri­ni, mäh­ri­ban top­ra­gy­my­zyň gö­zel­li­gi­ni wasp ed­ýän halk we est­ra­da aý­dym­la­ry uly joş­gun hem-de ru­hube­lent­lik bi­len ýaň­lan­dy. Aý­dym­çy­lar nus­ga­wy şa­hyr­la­ry­my­zyň söz­le­ri­ne gör­nük­li türk­men kom­po­zi­tor­la­ry­nyň döre­den, şeý­le hem hä­zir­ki za­man kom­po­zi­tor­la­ry­nyň aý­dym­la­ry­na tä­ze äheň ber­mä­ge ça­lyş­dy­lar. Bu aý­dym­lar­da ga­dy­my mu­kam­lar hä­zir­ki döw­rüň heň­le­ri bi­len saz­la­şyk­ly ut­gaş­dy.
Ýe­ňi­ji­ler dip­lom­la­ra we baý­rak­la­ra my­na­syp bol­du­lar.

Tä­ze ýa­şa­ýyş jaý­la­ry
9-njy sent­ýabr­da Änew şä­he­rin­de Ahal we­la­ýa­ty­nyň Döw­let aras­sa­çy­lyk gul­lu­gy­nyň bu­ýur­ma­sy bo­ýun­ça gur­lan ýo­ka­ry amat­lyk­ly dört gat­ly tä­ze ýa­şa­ýyş jaý­la­ry­nyň iki­si ulan­ma­ga be­ril­di.
Bi­na­la­ry gu­ran «Sa­ha­bat gur­lu­şyk» hu­su­sy kär­ha­na­sy­nyň baş in­že­ne­ri Döw­let Hom­ma­dow iki ýyl­da do­kuz müň ine­dör­dül met­re go­laý jaý­la­ryň gur­lan­dy­gy­ny bel­le­di. «Sa­ha­bat gur­lu­şyk» HK jaý­la­ryň tas­la­ma­sy­ny taý­ýar­lan­da we ola­ry bi­na eden­de pu­dak­da ga­za­ny­lan ýer­li hem-de dün­ýä tej­ri­be­sin­den peý­da­lan­ýar.
Otag­la­ry amat­ly ýer­leş­di­ri­len tä­ze jaý­lar­da döw­re­bap ga­py­lar we pen­ji­re­ler otur­dy­lan, oňaý­ly me­bel­ler bar.
Kuw­wat­ly­ly­gy 630 ki­lo­wat bolan trans­for­ma­tor be­ket­le­ri jaý­la­ry elekt­rik ener­gi­ýa­sy bi­len üz­nük­siz üp­jün eder.

Döw­re­bap se­ýil­gäh we ýe­ras­ty ge­çel­ge­ler
15-nji sent­ýabr­da paý­tag­ty­myz­da döw­re­bap se­ýil­gä­hiň hem-de ýe­ras­ty ge­çel­ge­le­riň açy­lyş da­ba­ra­sy bol­dy. Aş­ga­bat şä­he­ri­niň A.Ny­ýa­zow şa­ýo­ly bi­len Ho­ja Ah­met Ýa­sa­wy kö­çe­si­niň de­mir­ga­zyk-gün­ba­tar ta­ra­pyn­da ýer­leş­ýän döw­re­bap se­ýil­gä­hiň hem-de Aş­ga­bat şä­he­ri­niň A.Ny­ýa­zow şa­ýo­ly bi­len Ho­ja Ah­met Ýa­sa­wy kö­çe­sin­de gur­lan ýe­ras­ty ge­çel­ge­le­riň tas­la­ma­la­ry­nyň dur­mu­şa ge­çi­ril­me­gi bi­len aja­ýyp paý­tag­ty­my­zyň şä­her­gur­lu­şyk keş­bi­niň owa­dan des­ga­la­ry­nyň ha­ta­ry art­dy.
Tä­ze, döw­re­bap se­ýil­gä­hiň eýe­le­ýän meý­da­ny 10 gek­ta­ra go­laý bo­lup, onuň mer­ke­zi bö­le­gin­de Oguz ha­nyň ýyl­dy­zy şe­ki­lin­de ýer­leş­di­ri­len suw çüw­dü­rim­ler top­lu­my bi­na edil­di. Bu ýer­de suw çüw­dü­rim­le­rin­den baş­ga-da, suw how­dan­la­ry, bas­syr­ma­lar, dynç alar ýa­ly ýer­ler gur­nal­dy, yşyk­lan­dy­ryş sü­tün­le­ri di­kil­di. Uzyn­ly­gy 320, ini 310 met­re deň bo­lan döw­re­bap se­ýil­gäh­de eki­len bag­lar, dür­li gül­ler hem-de dö­re­di­len gök ot­ly ýer­ler suw çüw­dü­rim­le­ri bi­len umu­my saz­la­şy­gy eme­le ge­ti­rip, bu ýe­riň ho­wa­sy­nyň tä­miz bol­ma­gy­ny üp­jün ed­ýär. Mu­nuň özi te­bi­gy gö­zel­li­giň aja­ýyp öwüş­gin­le­ri bi­len ut­ga­şyp, se­ýil­gäh zo­la­gy­nyň gör­kü­ne görk goş­ýar.
Ýe­ras­ty ge­çel­ge­le­riň ýer bö­le­gi­niň umu­my meý­da­ny 6 müň 270 ine­dör­dül met­re ba­ra­bar­dyr. Je­mi 4 sa­ny ýe­ras­ty ge­çel­ge­de dü­kan­la­ryň en­çe­me­si ýer­leş­di­ril­di. Şeý­le hem du­ral­ga­lar gu­rul­dy.

Döw­let mün­be­ri
16-njy sent­ýabr­da hor­mat­ly Pre­zi­den­ti­mi­ziň gat­naş­ma­gyn­da Kö­pet­dag şa­ýo­lu­nyň ug­run­da bi­na edi­len tä­ze Döw­let mün­be­ri­niň top­lu­my açyl­dy.
Tä­ze des­ga­nyň aja­ýyp keş­bin­de mil­li bi­na­gär­li­giň iň go­wy däp­le­ri hem-de hä­zir­ki za­ma­nyň bi­na­gär­lik çöz­güt­le­ri aja­ýyp saz­la­şy­gy eme­le ge­tir­ýär.
Bu top­lum ka­şaň­ly­gy bi­len haý­ran gal­dyr­ýar. Onuň umu­my meý­da­ny 20 müň 450 ine­dör­dül met­re ba­ra­bar­dyr, gra­nit we ak mer­mer bi­len ör­tü­len bu top­lum üs­ti güm­mez­li iki gat­ly bi­na­ny, Pre­zi­dent mün­be­ri­ni hem-de myh­man­lar üçin ni­ýet­le­nen 2 müň orun­lyk mün­be­ri öz içi­ne al­ýar.
Bu ýer­de da­ba­ra­lar üçin ni­ýet­le­nen, mer­mer bi­len be­ze­len giň holl, myh­man­la­ry ka­bul et­mek hem-de da­ba­ra­ly çä­re­le­ri ge­çir­mek üçin ni­ýet­le­nen zal­lar bar. Be­zeg­ler­de ula­ny­lan mil­li öwüş­gin­ler hem-de hyz­mat ediş zo­la­gy bu des­ga­la­ryň ta­pa­wut­ly aý­ra­tyn­ly­gy bo­lup dur­ýar.
Ýö­ri­te en­jam­lar, san­ly teh­no­lo­gi­ýa­lar bi­len üp­jün edi­len tä­ze top­lum­da köp­çü­lik­le­ýin çä­re­le­ri ge­çir­mek hem-de ola­ry on­laýn gör­nüş­de şöh­le­len­dir­mek üçin äh­li şert­ler dö­re­di­lip­dir.
Mün­be­riň öňün­de gra­nit da­şy bi­len ör­tü­len meý­dan­ça ýer­leş­ýär. On­da da­ba­ra­ly har­by ýö­riş­ler hem-de yk­dy­sa­dy­ýe­ti­mi­ziň pu­dak­la­ry­nyň we dur­muş top­lu­my­nyň ga­zan­ýan üs­tün­lik­le­ri­niň göz­den ge­çi­ri­li­şi, şol san­da Türk­me­nis­ta­nyň Ga­raş­syz­lyk gü­ni my­na­sy­bet­li baý­ram­çy­lyk çä­re­le­ri ge­çi­ri­ler.
Şeý­le hem mün­be­re gel­ýän üç ki­lo­met­re go­laý ýol çe­kil­di. Onuň ýa­na­şyk ýer­le­ri aba­dan­laş­dy­ryl­dy, dür­li gör­nüş­li bag na­hal­la­ry otur­dyl­dy, be­zeg gül­le­ri ekil­di, ýan­ýo­da çe­kil­di we öz­bo­luş­ly yşyk­lan­dy­ryş ul­ga­my or­naş­dy­ryl­dy.
Mä­lim bol­şy ýa­ly, hä­zir­ki dö­wür­de hem ahal­te­ke be­dew­le­ri äh­li mil­li baý­ram­çy­lyk­la­ryň be­ze­gi­dir. Be­dew­ler türk­men­le­riň we­pa­ly ýol­da­şy­na, Wa­ta­ny­my­zyň ta­ry­hy­nyň we iň tä­ze eý­ýa­myň öz­bo­luş­ly ny­şa­ny­na öw­rül­di. Mu­nuň özi tä­ze Döw­let mün­be­ri­niň top­lu­my­nyň tas­la­ma­syn­da hem göz öňün­de tu­tu­lyp­dyr.
Bu ýer­de Mer­ke­zi Azi­ýa­da iň uly 120 metr­lik LED ek­ra­ny hem-de 8 sa­ny 30 metr­lik maç­ta­lar otur­dyl­dy. Mun­dan baş­ga-da, mer­ke­zi bi­na­nyň gü­nor­ta ta­ra­pyn­da di­ku­çar meý­dan­ça­sy, aw­to­du­ral­ga­lar we beý­le­ki des­ga­lar gu­rul­dy.