“Huawei” kompaniýasy beden temperaturasyny ölçeýän smartfon öndürdi. “Honor Play 4 Pro” smartfonyny maňlaýyňa we bilegiňe tutup, bedeniň temperaturasyny ölçäp bolýar. Enjamyň infragyzyl sensory gyzgynlygy ölçemäge mümkinçilik berýär. Ilkinji nobatda, hytaý bazarynda müşderilere ýetiriljek telefony jaň edilýän pursatynda hem termometr hökmünde ulanyp bolýar. Gyzgynlyk ölçeýän sensor yzky kamerasynyň ýanynda ýerleşdirilipdir. Bu sensor 20°C sowukdan 100°C gyzgynlyga çenli aralykdaky temperaturany ölçemäge mümkinçilik berýär. Ýokary tehniki aýratynlyklar bilen üpjün edilen telefonyň 64 megapikselli esasy kamerasy, “Full HD Plus” 6,81 dýuýmlyk ekrany bar.

Bu modeliň arzan nusgasy bolan “Honor Play 4” hem birwagtda çykarylar. Iki telefonyň hem 5G aýratynlygy bolup, “Android 10” ulgamynda işleýär.

Umida Abdyýewa,

Türkmen oba hojalyk institutynyň mugallymy

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА