Dünýä Kubogynyň saýlama tapgyrynyň çäginde “I” toparçada 1-nji orunda barýan Norwegiýanyň ýygyndysy öz meýdançasynda Moldowanyň ýygyndysyny 11-1 hasabynda ýeňlişe sezewar etdi. Norwegleriň gol ýagyşy 6-njy minutda başlap, 90+1-nji minutda tamamlandy. Duşuşykda ýyldyz hüjümçi Erling Holann 5 gol geçirip, 2 goluň pasyny berdi. 11-nji, 36-njy, 43-nji, 52-nji hem-de 83-nji minutlarda tapawutlanan Holannyň milli topardaky gollarynyň sany 45 oýunda 48-e ýetdi. Milli toparyňy düzüminde 8 oýundan bäri tapawutlanyp gelýän Holann şol duşuşyklarda 14 gol geçirdi. Duşuşykda Norwegiýanyň beýleki 6 golunyň 4-sini Telo Osgor (67, 76, 78 p, 90+1), Mýure (6) hem-de Edegor (45+1) derwezä girizdi. Myhmanlaryň ýeke-täk goluny-da 74-nji minutda Ostigor öz derwezesinden geçirdi. Norwegiýanyň ýygyndysy 5 oýunda 15 utuk bilen öňde barýar.

Gyzykly bolup bilerЕЩЕ ОТ АВТОРА