Hytaýda çaga dogluşy 2021-nji ýylyň dowamynda azalmagyny dowam etdirdi. Ýurduň Milli statistika edarasynyň maglumatlaryna görä, geçen ýyl çaga dogluşy 0,075 (müňden 7,52) bolupdyr. Bu bolsa, 1949-njy ýyldan bärdäki iň pes görkeziji hasaplanýar. 2021-nji ýylda 10 million 620 müň çaga doglupdyr. Bu görkeziji ozalky ýyldakydan 2 million sany az. 2020-nji ýylda 12 million çaga doglan eken.

Ýurduň häkimiýetleri 2016-njy ýylda ilatyň garramagynyň we azalmagynyň öňüni almak maksady bilen birnäçe ýyldan bäri dowam edip gelýän “bir çaga” düzgünini  ýatyrypdy. Şondan bäri maşgalalara ikinji çaga hem rugsat edilýärdi. Geçen ýyl bolsa, üçünji çaga hem rugsat edýän kanun güýje girizildi. Şeýle hem maşgalalaryň çaga üçin çykdajylaryny azaltmaga degişli käbir çäreler görlüpdi. Emma, muňa garamazdan, çaga dogluşy artmady.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА