Türki döwletleriň matematika guramalarynyň birleşmeginde sanly ulgam arkaly ikinji halkara TURAN matematika olimpiadasy geçiriler. Mekdep okuwçylarynyň arasynda geçirilýän olimpiadanyň maksady dost-doganlygyň berkemegi, dünýäde çagalaryň bilelikde bilim almagydyr. Guramaçy topar Türkiýe, Azerbaýjan, Täjigistan, Özbegistan, Germaniýa, Angliýa we birnäçe döwletden, şol sanda ýurdumyzyň mekdep okuwçylarynyň arasynda sanly ulgam arkaly geçirilýän nobatdaky halkara matematika olimpiadasyna ýazylyşyk 16-njy awgusta çenli dowam edýär.
Olimpiada 22-nji we 26-njy awgust aralygynda ýerli guramaçy wekiller tarapyndan geçiriler. Okuwçylar üç kategoriýadan bäsleşerler. Kiçi synp kategoriýa 7 ýaşdan 12 ýaş aralygyndaky okuwçylar, orta synp kategoriýa 13 ýaşdan 15 ýaş aralygyndaky okuwçylar we uly synp kategoriýa 16 ýaşdan 19 ýaş aralygyndaky okuwçylar gatnaşyp bilerler.
Bäsleşigiň birinji güni 22-nji awgustda sagat 14:30-da ýekeleýin tapgyrda geçiriler. Ikinji güni topar bäsleşigi her topar dört okuwçydan olaryň içinden biri hem topar ýolbaşçy saýlanmalydyr. Topar bäsleşik hem ýekeleýin bäsleşik ýaly üç kategoriýa boýunça aýratyn bäsleşerler. Üçülenji güni ýekeleýin bäsleşigiň başlangyç netijeleri sanly ulgam arkaly aýan bolar. Bu ýerde alan netijeleri bilen ylalaşmaýan okuwçylaryň arz-şikaýatlaryna sanly ulgam arkaly täzeden seljeriler. Bäsleşigiň dördünji güni hem topar bäsleşigiň başlangyç netijeleri sanly ulgam arkaly aýan bolar. Ahyrky bäsleşigiň ýapylyş güni doly netijeler sanly ulgam arkaly göni ýaýlymda aýan bolar. Ýapylyş güni dünýäniň dürli künjeginden matematika olimpiada guraýjylar we professor-mugallymlar okuwçylara sanly ulgam arkaly gutlarlar.

Gyzykly bolup bilerЕЩЕ ОТ АВТОРА