Italiýanyň çempionatynda 10-njy tapgyrda “Napoli” bilen “Komonyň” arasyndaky oýunda hasap açylmady. Bu “Serie A”-da şu möwsümde golsuz hasaba alnan 14-nji duşuşyk boldy.

Tälimçilige Luçano Spallettini wezipä bellän “Ýuwentus” topary myhmançylykda “Kremonezeni” 2-1 hasabynda ýeňip, çempionatda 5 oýundan soň ilkinji ýeňşini gazandy.

Tapgyryň merkezi duşuşygynda “Milan” öz meýdançasynda “Romadan” Pawlowiçiň 39-njy minutda geçiren ýeke-täk goly bilen ýeňşini baýram etdi. Duşuşygyň 82-nji minutynda romaly Dibalanyň ýerine ýetiren 11 metrlik jerime urgusyny derwezeçi Menýan sowmagy başardy.

Myhmançylykda Zaniolonyň ýeke-täk goly esasynda “Udinezeden” asgyn gelen “Atalanta” topary şu möwsümde ilkinji gezek ýeňlişe sezewar boldy. Şunlukda, “Serie A”-da ýeňlişsiz topar galmady.

Myhmançylykda “Werona” bilen duşuşan “Inter” 90-njy minutdan soň Frezeniň awtogoly bilen 3 utuk gazanmagy başardy.

Patrik Wieiranyň topardan gitmeginden soň “Jenoa” topary myhmançylykda “Sassuolony” 2-1 hasabynda ýeňip, möwsümdäki ilkinji ýeňşini gazandy.

10-njy tapgyryň netijeleri:

Udineze – Atalanta: 1-0 (Zaniolo 40),

Napoli – Komo: 0-0,

Kremoneze – Ýuwentus: 1-2 (Wardi 83 – Kostiç 2, Kambiazo 68),

Werona – Inter: 1-2 (Žiowane 40 – Zelinski 16, Freze 90+4 ö.d.),

Torino – Pisa: 2-2 (Simeone 42, Adams 45+3 – Moreo 13, 29 p),

Fiorentina – Leççe: 0-1 (Berişa 23),

Parma – Bolonýa: 1-3 (Bernabe 1 – Kastro 17, 68, Miranda 90+2),

Milan – Roma: 1-0 (Pawlowiç 39),

Sassuolo – Jenoa: 1-2 (Berardi 47 – Malinowski 18, Estigor 90+3),

Lasio – Kaliari: 2-0 (Isaksen 66, Zakkanýi 90+1)

Gyzykly bolup bilerЕЩЕ ОТ АВТОРА