Hytaý amerikan salgyt nyrhlarynyň esasy nyşany bolmagynda galsa-da, ýurt 2025-nji ýylda Afrika, Günorta-Gündogar Aziýa we Ýewropa ýurtlary bilen söwda gatnaşyklaryny has-da giňeltdi. Hytaý özüniň global eksport lideri statusyny barha berkitýär. ABŞ bolsa, ykdysady taýdan öz-özüni üpjün etmek meselesine has köp ünsüni jemleýär.
Bütindünýä Söwda Guramasynyň maglumatlaryna görä, Hytaýyň eksporty 2024-nji ýylda 6% ýokarlanyp, 3,6 trillion dollara ýetdi we ABŞ bilen aratapawudyny hasam giňeltdi. Häzirki wagtda global eksport konteýnerleriniň 36 göteriminde hytaý harytlary bar. Şeýle hem Hytaý 2025-nji ýylda Latyn Amerikasy, Afrika we Aziýa bazarlaryna harytlaryny rekord derejede ibermäge taýýarlanýar.
ABŞ dünýäde ikinji iň uly eksport ediji ýurt bolmagynda galyp, geçen ýyl ýurduň eksport mukdary 2,1 trillion dollara deň boldy. 2025-nji ýylyň ýanwar-iýul aýlary aralygynda amerikan harytlaryna bolan islegiň, takmynan, 30 göterimi Kanadanyň we Meksikanyň paýyna düşdi.
Üçünji ýerde Germaniýa gelip, onuň eksport möçberi 1,7 trillion dollara deň bolup, geçen ýyldakydan 1% azdyr. Dördünji orunda bolsa, 921 milliard dollarlyk eksport bilen Niderlandlar bar.
Eksportyň iň çalt ösüşi Wýetnamda, Gonkongda we Fransiýada hasaba alyndy – degişlilikde +14%, +12% we +11%. Wýetnamyň ösüşi, esasan, global üpjünçilik zynjyrlarynyň üýtgedip gurulmagy netijesinde nebitiň, kofeniň we tüwiniň işjeň eksporty bilen şertlendirildi.

Gyzykly bolup bilerЕЩЕ ОТ АВТОРА