Ýaponiýanyň Okada muzeýi meşhur “Kanagawede uly tolkun” grawýurasyny auksiona çykarar. Bu barada «Коммерсантъ» habar berýär.

Grawýura XIX asyrda ýapon suratkeşi Katsuşika Hokusaý tarapyndan döredildi we “Fudzi dagynyň otuz alty görnüşi” seriýasynyň bir bölegidir. Ol ýapon sungatynyň iň köp çap edilen eserleriniň biri hasaplanýar.

«Okada» muzeýinde Hokusaýyň döreden hakyky işleriniň biri saklanýar. Grawýuranyň beýleki görnüşlerini Tokio Milli muzeýinde, Nýu-Ýorkdaky Metropoliten sungat muzeýinde we Londondaky Britaniýa muzeýinde görmek bolýar.

Grawýura 22-nji noýabrda Gonkongda «Sotheby’s» auksionynda Aziýanyň 125 sungat eserleriniň arasynda satylar. Bilermenler bu kolleksiýanyň azyndan 50 million dollara satyljakdygyny çaklaýarlar.

Gyzykly bolup bilerЕЩЕ ОТ АВТОРА