Aziýa Kubogynda çempion üýtgemedi. 18-nji Aziýa Kubogynda ýer eýeleri Kataryň ýygyndysy bassyr 2-nji çempionlyk gazanyp, olar finalda Iordaniýanyň Akram Afifiň 22-nji, 73-nji hem-de 90+5-nji minutlarda penaltiden geçiren gollary bilen 3-1 hasabynda ýeňlişe sezewar etdi. Ilkinji gezek finala çykan Iordaniýanyň ýeke-täk goluny 67-nji minutda Al-Naimat derwezä girizdi.

Şeýlelikde, Kataryň ýygyndysy 3-1 hasabynda ýeňiş gazanyp, bassyr 2-nji çempionlygyny baýram etdi. Ýeňlişsiz çempionlyk gazanan Kataryň ýygyndysy Günorta Koreýanyň, Eýranyň, Saud Arabystanynyň hem-de Ýaponiýanyň ýygyndylaryndan soň çempionlygyny goran 5-nji ýygyndy boldy. Bassyr 2-nji çempionlygyny-da ýeňlişsiz gazanmagy başaran Kataryň ýygyndysynyň ýyldyzy Akram Afif çempionatyň iň ökde oýunçysy (MVP) diýlip saýlandy. 8 gol bilen geçiren 27 ýaşyndaky Afif ýaryşyň iň netijeli futbolçysy hem bolmagy başardy. Ol Aziýa Kubogynyň taryhynda finalda 3 gol geçiren ilkinji futbolçy boldy.

Final duşuşygynda hytaýly Ma Nin jürlewük çalyp, oýna 86 müň 492 janköýer tomaşa etdi.

Kataryň ýygyndysynyň derwezeçisi Meşaal Barşam çempionatyň iň ökde derwezeçisi diýlip saýlandy.

Gyzykly bolup bilerЕЩЕ ОТ АВТОРА