Bal­ti­ka deň­zi­niň ke­na­ryn­da ýer­leş­ýän Şwe­si­ýa­nyň Hel­le­wik şä­her­çe­si hä­zir­ki wagt­da hem­mä­niň üns mer­ke­zin­de. Ila­ty 1,5 mü­ňe hem ýet­me­ýän şä­her­çe mun­dan öň ba­lyk­çy­lyk pu­da­gy bi­len bel­li­di. Ýö­ne hä­zir­ki wagt­da şä­her­çe fut­bol klu­by bi­le­nem meş­hur­lyk ga­za­nyp baş­la­dy. «Mýallb­ýu AIF» to­pa­ry­nyň Şwe­si­ýa­nyň çem­pio­na­ty «Allsvens­kan»-da il­kin­ji ge­zek çem­pi­on­lyk ga­zan­ma­gy şä­her­çä­niň ab­ra­ýy­ny ar­şa gal­dyr­dy.
Çem­pio­na­tyň 27-nji tap­gy­ryn­da ýur­duň öň­de­ba­ry­jy to­par­la­ryn­dan «Gýo­te­bor­gy» 2–0 ha­sa­byn­da ýe­ňip, ta­ry­hy çem­pi­on­lyk ga­za­nan «Mýallb­ýu» to­pa­ry 20 oýun­dan bä­ri ýe­ňil­män gel­ýär. Çem­pio­nat ýe­ne-de 2 tap­gyr­dan soň ta­mam­la­nar. Şol ga­lan 2 oýun­da-da to­par ýe­ňil­me­se, on­da olar çem­pio­na­ty 1 ýeň­liş bi­len ta­mam­lar­. Bil­şi­ňiz ýa­ly, Şwe­si­ýa­nyň çem­pio­na­ty ka­len­dar se­ne­na­ma­sy bo­ýun­ça bir ýy­lyň do­wa­myn­da ge­çi­ril­ýär. My­sal üçin, şu ýyl çem­pio­na­tyň 101-nji möw­sü­mi bo­lup, ol şu ýy­lyň mar­tyn­da baş­la­dy we no­ýabr aýy­nyň il­kin­ji on gün­lü­gin­de-de ta­mam­la­nar. Ýag­ny çem­pio­nat gyş­da ge­çi­ril­me­ýär. Ýew­ro­pa­da çem­pio­nat­la­ry gyş­da ge­çi­ril­me­ýän 6–7 sa­ny ýurt bo­lup, şo­la­ryň bi­ri-de Şwe­si­ýa­dyr.
Ila­ty­nyň ag­ram­ly bö­le­gi ba­lyk­çy­lyk bi­len meş­gul­lan­ýan ki­çeň­räk şä­her­çä­niň bu klu­by 1939-njy ýy­lyň 1-nji ap­re­lin­de esas­lan­dy­ryl­ýar. Şä­her­çe ýur­duň 25 we­la­ýa­ty­nyň bi­ri bo­lan Gü­nor­ta Şwe­si­ýa­da ýer­leş­ýän Ble­kin­ge we­la­ýa­ty­nyň çä­gin­de­dir. Iki to­pa­ryň bir­leş­me­gi bi­len «Mýallb­ýu AIF» ady­ny alan klub uzak ýyl­lap, hiç ki­miň ün­sü­ni çek­män aşa­ky li­ga­lar­da çy­kyş ed­ýär. 1980-nji ýyl­la­ryň ba­şyn­da iň ýo­ka­ry li­ga çyk­sa-da, bu ýer­de uzak gal­mak ba­şart­ma­ýar. 1985-nji ýyl­da aşa­ky li­ga düş­en to­pa­ryň tä­ze­den «Allsvens­kan»-a çyk­ma­gy üçin çär­ýek asyr ge­rek bol­ýar. To­par 2009-njy ýyl­da Şwe­si­ýa­nyň iň ýo­ka­ry li­ga­sy­na do­lan­yp, 5 ýyl­lyk gö­reş­den soň ýe­ne-de aşa­ky li­ga­lar­da oý­nap baş­la­ýar. 2016-njy ýyl­da klub ma­li­ýe ba­bat­da kyn­çy­lyk çek­ýär. Ýö­ne ýer­li işe­wür Mag­nus Emeu­syň ta­gal­la­sy­nyň ne­ti­je­sin­de klub şol kyn­çy­ly­gy ýe­ňip geç­ýär.


To­pa­ryň tä­lim­çi­si Anders Torstensson: — Hiç hi­li ber­gi­siz, yg­ty­bar­ly ädim­ler bi­len öňe ýö­re­dik. Biz, esa­san, oýun­çy­la­ry­my­zy ýaş­lyk­dan tür­gen­leş­di­rip, ola­ry özü­miz ke­ma­la ge­tir­dik. Ne­ti­je­de, ta­ry­hy ýeň­şe ýet­mek bi­ze ba­şart­dy — di­ýip, bel­läp geç­ýär. 2015-nji ýyl­da 2-nji li­ga­dan aşa­ky li­ga dü­şen to­par bu ýer­de 3 möw­süm çy­kyş ed­ýär. 2019-njy ýyl­da 2-nji li­ga, 2020-nji ýyl­da bol­sa ýo­ka­ry li­ga gaý­dyp gel­ýär.
To­pa­ryň tej­ri­be­li ýa­rym­go­rag­çy­la­ryn­dan Wik­tor Gus­taf­son klu­buň ýe­ten ta­ry­hy sep­gi­di bi­len bag­la­ny­şyk­ly: — Ha­ky­kat­da­nam şeý­le­di­gi­ne ynan­mak kyn. Ir­den tu­ra­nym­da sa­na­wa gaý­ta-gaý­ta se­re­dip, öz-özü­me bu bir düýş diý­ýär­dim — di­ýip, gür­rüň ber­ýär. Gus­taf­son 2018-nji ýyl­da klu­buň dü­zü­mi­ne go­şu­lan­da, to­par 3-nji li­ga­da çy­kyş ed­ýär­di. Ol: — Şol dö­wür­ler­de çem­pi­on­lyg-a aňyr­da dur­sun, 2-nji li­ga çyk­ma­gam ýet­dir­me­ýän ar­zuw­dy. Men to­pa­ra ge­le­nim­de 3-nji li­ga­da­dyk, mak­sa­dy­myz 2-nji li­ga çyk­mak­dy. In­di bol­sa çem­pi­on. Ki­miň kel­le­si­ne ge­ler­di — di­ýip, Gus­ta­fso­nyň özi hem çem­pi­on­ly­ga geň gal­ýar.
2023-nji ýyl­da klub ýur­duň ku­bok ýa­ry­şy­nyň fi­na­ly­na çy­kyp, uly ba­şar­nyk gör­kez­ýär. Fi­nal­da «BK Ha­ken» to­pa­ryn­dan as­gyn gel­se-de, bu üs­tün­li­gi gel­jek­ki çem­pi­on­ly­gyň buş­luk­çy­sy hök­mün­de gör­ýän­ler hem bol­ýar.


To­par ýer­li du­şu­şyk­la­ry­ny Bal­ti­ka deň­zi­ni etek­läp otu­ran «Strandval­len» sta­dio­nyn­da ge­çir­ýär. 7 müň 500 orun­lyk sta­di­on­da to­pa­ry­nyň äh­li du­şu­şyk­la­ry­na to­ma­şa ed­ýän jan­kö­ýer­ler­den Her­man Olean­der öz klu­by ba­ra­da: — Bu ýer­de ýa­şa­ýan­la­ryň äh­li­si bi­le­lik­de ulal­dy. To­par­da­ky äh­li fut­bol­çy­la­ry go­wy ta­na­ýa­rys. Kö­pü­si bi­ziň ýa­kyn­la­ry­myz bo­lup dur­ýar. Biz bu ba­şar­ny­ga bi­le­lik­de ýet­dik. Şä­her­çä­miz üçin iň uly wa­ka we mu­nuň şa­ýa­dy bol­mak bi­ziň üçin ul­la­kan bagt, be­gen­ji­mi­ziň çä­gi ýok – di­ýip, gür­rüň ber­ýär.
Ta­ry­hy çem­pi­on­lyk ga­za­nan klu­buň fut­bol­çy­la­ry­nyň trans­fer ba­za­ryn­da­ky umu­my gym­ma­ty 16 mil­li­on ýew­ro deň. To­pa­ryň iň gym­mat­ly fut­bol­çy­sy gam­bi­ýa­ly Ab­du­lie Man­neh bo­lup, onuň trans­fer ba­za­ryn­da­ky ba­ha­sy 2 mil­li­on ýew­ro­dyr. To­par ge­çen to­mus­da oýun­çy trans­fe­ri­ne 1,1 mil­li­on ýew­ro harç­la­p, klub­dan ug­ra­dan fut­bol­çy­la­ryn­da­nam 3 mil­li­on ýew­ro ga­zan­dy. Man­neh bi­len bir ha­tar­da, Her­man Ýo­hans­son, El­li­ot Stroud ýa­ly fut­bol­çy­lar ge­çi­ren gol­la­ry hem-de eden asist­le­ri bi­len çem­pi­on­ly­ga uly go­şant goş­ýar­lar.


Şol bir wag­tyň özün­de mek­dep­de ýol­baş­çy­lyk hem ed­ýän to­pa­ryň tä­lim­çi­si Torstensson klu­buň çem­pi­on­ly­gy­nyň şwed fut­bo­ly­nyň ta­ry­hyn­da­ky iň uly ga­ra­şyl­ma­dyk ne­ti­je­si di­ýip bel­le­ýär. Ol: — As­lyn­da, oýun­dan soň met­bu­gat ýyg­na­gy­ny ge­çir­mek üçin iba­ly ýe­ri­miz, üs­ti ýa­pyk des­ga­myz hem ýok. Ýö­ne bi­ziň iň uly des­ga­myz şu ýer­de — di­ýip, be­ren in­terw­ýu­syn­da ýü­re­gi­ni gör­kez­ýär.
«Mýallb­ýu» to­pa­ry­nyň kö­ne bäs­de­şi go­laý şä­her­le­riň bi­ri bo­lan Kal­mar şä­he­ri­niň ady­bir to­pa­ry ha­sap­lan­ýar. «Mýallb­ýu» to­pa­ry bi­len «Kal­mar FF» to­pa­ry­nyň ara­syn­da­ky du­şu­şyk­la­ra Gü­nor­ta ke­nar der­bi­si hem di­ýil­ýär. Ýö­ne soň­ky ýyl­lar­da «Mýallb­ýu» ýur­duň beý­le­ki öň­de­ba­ry­jy to­par­la­ryn­dan «Mal­mö», «Gýo­te­borg» hem-de AIK klub­la­ry bi­len bäs­deş­li­gi ýo­kar­lan­ýar.
Sa­ry-ga­ra reňk­li köý­nek­çe­de çy­kyş ed­ýän «Mýallb­ýu» to­pa­ry gel­jek möw­süm­de UEFA Çem­pi­on­lar Li­ga­sy­na 2-nji saý­la­ma tap­gyr­dan baş­lap gat­na­şar. Ýag­ny öňün­dä­ki 3 to­pa­ry ýe­ňen ýag­da­ýyn­da lä­heň­le­riň li­ga­syn­da çy­kyş eder.

Gazetiň sport synçysy

Gyzykly bolup bilerЕЩЕ ОТ АВТОРА