Adam­zat ta­ry­hy­nyň äh­li döw­rün­de ki­tap yl­myň, bi­li­miň, me­de­ni­ýe­tiň we ru­hy gym­mat­lyk­la­ryň iň mö­hüm çeş­me­si bo­lup ge­lip­dir. Ki­tap di­ňe bir ka­gy­za ýa­zy­lan söz­le­riň ýy­gyn­dy­sy däl, eý­sem, aky­lyň, duý­gy­nyň we za­ma­na­nyň ylym de­re­je­si­niň je­mi­dir. Ki­tap adam­zat ösü­şi­niň äh­li tap­gyr­la­ryn­da mö­hüm orun eýe­le­ýär. Ki­ta­byň üs­ti bi­len adam­lar öň­ki ne­sil­le­riň tej­ri­be­si­ni, pä­hi­mi­ni we ru­hy baý­ly­gy­ny gel­jek ne­sil­le­re ýe­tir­ýär­ler. Şo­nuň üçin hem ki­tap adam­za­dyň iň be­lent dö­re­di­ji­lik baý­ly­gy­dyr.
Bi­lim – her bir jem­gy­ýe­tiň ösü­şi­niň we döw­re­bap­laş­ma­gy­nyň esa­sy güý­jü­dir. Bi­lim al­mak üçin bol­sa, il­kin­ji no­bat­da, ki­ta­ba ýüz­len­mek ze­rur­dyr. Ki­tap ar­ka­ly adam di­ňe mag­lu­mat edin­män, eý­sem, dü­şün­je­si­ni gi­ňeld­ýär, pi­kir­len­me­gi, dog­ry ne­ti­jä gel­me­gi öw­ren­ýär. Ki­tap ada­myň iç­ki dün­ýä­si­ne tä­sir ed­ýär, onuň ru­hy de­re­je­si­ni ýo­kar­lan­dyr­ýar.
Ki­tap me­de­ni­ýe­tiň hem mö­hüm bö­le­gi­dir. Her mil­le­tiň me­de­ni de­re­je­si ki­ta­ba bo­lan ga­raý­şy bi­len öl­çel­ýär. Ki­ta­byň üs­ti bi­len hal­kyň ta­ry­hy, däp-des­sur­la­ry, ah­lak ka­da­la­ry, dö­re­di­ji­lik sun­ga­ty we jem­gy­ýet­çi­lik pi­kir­le­ri ne­sil­ler­den ne­sil­le­re geç­ýär.
Ki­tap oka­mak şah­sy­ýe­tiň ke­ma­la gel­me­gin­de mö­hüm bo­lup, adam pi­kir­len­me­gi, göz öňü­ne ge­tir­me­gi, duý­ma­gy we dö­re­di­ji­lik­li bol­ma­gy ba­şar­ýar. Ki­tap ada­myň dil baý­ly­gy­ny art­dyr­ýar, söz­le­ýiş we ýa­zuw en­dik­le­ri­ni go­wu­lan­dyr­ýar. Dür­li maz­mun­ly ki­tap­lar – ta­ry­hy, yl­my, ede­bi, psi­ho­lo­gik ýa-da dur­muş te­ma­ly eser­ler oky­jy­nyň ru­hy ýag­da­ýy­na we dün­ýä­ga­raý­şy­na tä­sir ed­ýär.
Ýaş ne­sil­ler üçin ki­ta­byň or­ny has-da ulu­dyr. Okuw­çy­lar we ta­lyp­lar ki­tap ar­ka­ly di­ňe bir mag­lu­mat­la­ry özleşdir­män, eý­sem, dur­muş­da ýol­gör­ke­zi­ji pä­him­le­riň çeş­me­si­ni hem tap­ýar­lar. Şo­nuň üçin ýaş­la­ryň ki­tap oka­mak en­di­gi­ni ös­dür­mek jem­gy­ýet üçin mö­hüm we­zi­pe­dir. Ki­tap oka­mak en­di­gi­ni ki­çi ýaş­dan baş­lap ýo­la goý­mak, ýaş­la­ry elekt­ron se­riş­de­ler­den bi­lim al­mak üçin peý­da­lan­ma­ga ug­ruk­dyr­mak hä­zir­ki döw­rüň mö­hüm me­se­le­si­dir.
Geç­miş bi­len gel­je­giň ara­syn­da gur­lan akyl köp­rü­si bo­lan ki­tap­da ta­ry­hy wa­ka­lar, yl­my açyş­lar, fi­lo­so­fi­ki pi­kir­ler we dö­re­di­ji­lik sun­ga­ty­nyň iň gym­mat­ly nus­ga­la­ry sak­la­nyp, öz döw­rü­niň dü­şün­je­si­ni, me­de­ni de­re­je­si­ni we ösü­şi­ni gör­kez­ýän ki­tap­la­ry oka­mak döw­rüň ru­hu­na dü­şün­mek­dir.
Dün­ýä­niň meş­hur alym­la­ry, akyl­dar­la­ry we dö­re­di­ji­lik adam­la­ry ki­ta­by öz üs­tün­lik­le­ri­niň aça­ry ha­sap­lap­dyr­lar. Ki­tap di­ňe bir bi­li­miň çeş­me­si däl, eý­sem, ada­myň akyl hem ru­hy taý­dan ösü­şi­niň mö­hüm gu­ra­ly­dyr. Ki­tap oka­mak ada­myň jem­gy­ýe­te peý­da­ly şah­sy­ýet bol­mak ug­run­da äd­ýän mö­hüm ädi­mi­dir. Şo­nuň üçin hem ýaş ne­sil­ler­de ki­tap oka­ma­ga hö­wes dö­ret­me­li, ki­tap bi­len ýa­şa­ýan jem­gy­ýe­ti dö­ret­me­li. Çün­ki ki­tap adam­za­dyň iň ýa­kyn dos­tu­dyr.

Jemal MUHAMMEDOWA,
Türkmen döwlet medeniýet we sungat mekdebiniň kitaphanaçylyk işi bölüminiň mugallymy.

Gyzykly bolup bilerЕЩЕ ОТ АВТОРА