Şu ýy­lyň «Ga­raş­syz, ba­ky Bi­ta­rap Türk­me­nis­tan – be­dew bat­ly at-my­ra­dyň me­ka­ny» ady bi­len yg­lan edil­me­gi ýur­du­myz üçin ta­ry­hy gym­mat­lyk­la­ry, mil­li buý­san­jy we gel­je­ge yna­my özün­de jem­le­ýär. Bu şy­gar Ga­raş­syz­ly­gyň mi­ze­mez esas­la­ry­ny, ba­ky Bi­ta­rap­ly­gyň pa­ra­hat­çy­lyk dö­re­di­ji sy­ýa­sa­ty­ny we türk­men hal­ky­nyň müň­ýyl­lyk­lar­dan bä­ri do­wam edip gel­ýän at­çy­lyk me­de­ni­ýe­ti­ni wasp ed­ýär.
Şu ýy­lyň do­wa­myn­da mil­li mi­ra­sy go­rap sak­la­mak, at­çy­lyk sun­ga­ty­ny ös­dür­mek, be­dew at­la­ryň şan-şöh­ra­ty­ny dün­ýä ýaý­mak bi­len bag­ly çä­re­le­riň giň ge­rim­de ge­çi­ril­me­gi göz öňün­de tu­tul­ýar. Şeý­le hem ýaş ne­sil­de wa­tan­sö­ýü­ji­li­gi, mil­li gym­mat­lyk­la­ra hor­mat goý­ma­gy we zäh­met­sö­ýer­li­gi ter­bi­ýe­le­mek esa­sy mak­sat­la­ryň bi­ri­dir. Bu ugur­da ýur­du­my­zyň ki­tap­ha­na işi­niň we­kil­le­ri hem öz my­na­syp go­şan­dy­ny goş­mak ug­run­da yhlasly zähmet çekýärler.
Türk­me­nis­ta­nyň Döw­let me­de­ni­ýet mer­ke­zi­niň Döw­let ki­tap­ha­na­sy bi­len Aş­ga­bat şä­her me­de­ni­ýet mü­dir­li­gi­niň mer­kez­leş­di­ri­len ki­tap­ha­na­lar
ul­ga­my­nyň ki­tap­ha­na iş­gär­le­ri Gahryman Arkadagymyzyň «At­da we­pa-da bar, sa­pa-da», «Ga­nat­ly be­dew­ler», «Ga­da­my bat­ly be­dew» at­ly aja­ýyp eser­le­rin­den tä­sir­li söh­bet­deş­lik­ler gu­ra­ýar­lar. Bu eser­ler mil­li buý­san­jy­myz bo­lan be­dew­le­ri­mi­ziň müň­ýyl­lyk­la­ryň do­wa­myn­da be­ýik sun­gat hök­mün­de ke­ma­la gel­şi, gy­lyk-hä­si­ýet­le­ri ba­ra­da gym­mat­ly mag­lu­mat­la­ryň çeş­me­si bo­lup, türk­men hal­ky­nyň buý­sanç­ly ba­şy­ny gö­ge ýe­tir­di.
Ki­tap adam­zat me­de­ni­ýe­ti­niň, yl­my ösü­şiň we ru­hy baý­ly­gyň esa­sy çeş­me­le­ri­niň bi­ri­dir. Ki­tap­ha­na­lar bol­sa bu gym­mat­ly mi­ra­sy ne­sil­den-nes­le ýe­tir­ýän mö­hüm bi­lim we me­de­ni mer­kez­ler bo­lup dur­ýar. Hä­zir­ki dö­wür­de ki­tap­ha­na işi­ni kä­mil­leş­dir­mek, aý­ra­tyn-da ça­ga­la­ryň ki­tap oka­ma­ga bo­lan hö­we­si­ni art­dyr­mak döw­let sy­ýa­sa­ty­nyň mö­hüm ugur­la­ry­nyň bi­ri­dir.
Ki­tap­ha­na işi jem­gy­ýe­tiň aň-bi­lim de­re­je­si­ni ýo­kar­lan­dyr­mak­da aý­ra­tyn or­na eýe­dir. Döw­re­bap ki­tap­ha­na­lar di­ňe bir ki­tap sak­lan­ýan ýer bol­man, eý­sem, okuw, ter­bi­ýe, yl­my-bar­lag we me­de­ni çä­re­le­riň ge­çi­ril­ýän ýerine öw­rül­ýär. Ki­tap­ha­na­lar­da san­ly ul­gam­yň or­naş­dy­ryl­ma­gy, elekt­ron ka­ta­log­la­ryň dö­re­dil­me­gi we oky­jy­la­ra döw­re­bap hyz­mat­la­ryň hö­dür­len­me­gi bu ul­gam­da al­nyp ba­ryl­ýan iş­le­riň ne­ti­je­li­li­gi­ni ýo­kar­lan­dyr­ýar.
Ça­ga­lar ki­tap­ha­na­la­ry ýaş nes­liň aň-dü­şün­je­si­niň ke­ma­la gel­me­gin­de aý­ra­tyn äh­mi­ýe­te eýe­dir. Ça­ga­lar üçin ni­ýet­le­nen ki­tap­ha­na­lar­da ola­ryň ýaş aý­ra­tyn­lyk­la­ry­na la­ýyk ki­tap­lar, er­te­ki­ler, yl­my-köpçülikleýin ne­şir­ler we ter­bi­ýe­çi­lik äh­mi­ýet­li eser­ler jem­len­ýär. Şeý­le hem ki­tap oka­mak çä­re­le­ri, dö­re­di­ji­lik du­şu­şyk­la­ry, ede­bi bäs­le­şik­ler we ter­bi­ýe­çi­lik söh­bet­deş­lik­le­ri yzy­gi­der­li ge­çi­ril­ýär.
Ça­ga­la­ryň pi­kir­le­niş uky­by­nyň, söz baý­ly­gy­nyň we dö­re­di­ji­lik ba­şar­nyk­la­ry­nyň ös­me­gi­ne ýar­dam ber­ýän ki­tap­ha­na­la­ryň işi­ni ös­dür­mek, mad­dy-en­jam­la­ýyn bin­ýa­dy­ny ber­kit­mek we hü­när­men ki­tap­ha­na­çy­la­ry taý­ýar­la­mak mö­hüm we­zi­pe­le­riň bi­ri­dir. Ýurdumyzda ki­tap­ha­na işi­niň kä­mil­leş­di­ril­me­gi we ça­ga­lar ki­tap­ha­na­la­ry­na aý­ra­tyn üns be­ril­me­gi bi­lim­li, wa­tan­sö­ýü­ji we ru­hy taý­dan baý nes­li ter­bi­ýe­le­mä­ge gö­nük­di­ri­len mö­hüm ädim bo­lup dur­ýar.

Uzukjemal SAPAROWA,
Merkezleşdirilen kitaphanalar ulgamynyň Nury Baýramow adyndaky kitaphana şahamçasynyň şahamça müdiri.

Gyzykly bolup bilerЕЩЕ ОТ АВТОРА