Halkara kosmos bekedinde iş alyp barýan rus kosmonawtlary şu ýylyň ilkinji açyk kosmosdaky ýörişine çykdylar. Russiýanyň kosmos agentligi (ROSCOSMOS) tarapyndan berlen beýanatda beketde iş alyp barýan Oleg Nowitskiý we Pýotr Dubrow stansiýanyň daşyna çykyp, stansiýanyň “Nauka” modulyna taýýarlanmagy we yzygiderli tehniki ideg işlerini ýerine ýetirmek üçin kosmos ýörişine başlandygyny mälim etdi. Kosmonawtlaryň stansiýanyň daşyna çykmagy “Poisk” modulynyň gapagynyň açylmagy bilen başlandy. Nowitskis we Dubrow “Poisk” modulynyň daşynda dürli tejribeleri geçirmek üçin enjamlar oturdýar. “Roscosmos” kosmonawtlaryň ýörişiniň jemi 6 sagat 50 minut boljakdygyny belledi. Olaryň hersi 4 gezek 5 minutlyk arakesme ederler.

Mundan ozal rus kosmonawtlar geçen ýylyň 18-nji noýabrynda kosmosda açyk asmana çykypdylar. Sagatda 26 müň kilometr tizlik bilen aýlanýan Kosmos bekediniň daşyna çykmak örän kyn iş bolup, oňa kosmos ýörişi hem diýilýär. Kosmonawtlar mahal-mahal tehniki işleri ýerine ýetirmek üçin bekediň daşyna çykmaly bolýarlar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА