Keniýanyň Makueni sebitindäki Mukuku atly oba kosmosdan halka şekilli demir bölegi gaçdy. Ýurduň Kosmos agentligi agramy 500 kilogram, diametri 2,5 metre barabar bolan metal böleginiň hiç kime zeper ýetirmändigi mälim etdi. Agentligiň bilermenleri bu jisimiň raketanyň bir bölegi bolup biljekdigini belleýärler. Agentlik jisimiň haýsy ýurda ýa-da gurama degişlidigini anyklamak üçin onuň öwreniljekdigini mälim etdi.
Adatça kosmos giňişligindäki dürli antennalar we emeli hemralar ulanyşdan galandan soňra öz ugruny ýitirip, Ýeriň atmosferasyna girýärler. Has ululary bolsa, gözegçilikli ýagdaýda ýaşaýşyň ýok ýeri bolan ummanlaryň uzak ýerlerine düşürilýär. Islendik asman jisimi ýa-da adam eli bilen döredilen jisim atmosfera gireninden kislorod bilen galtaşyp ýanýar we pytraýar. Emma kähalatlarda atmosfera giren jisim Ýere çenli ýetip bilýär.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА