1918-nji ýylyň 16-njy fewralynda Litwa Taribasynyň (soňra ady Litwa Döwlet geňeşi diýlip üýtgedilýär) agzalary Litwanyň Garaşsyzlyk Aktyna gol çekdiler we Litwanyň demokratik ýörelgelere esaslanýan garaşsyz döwletdigini yglan etdiler. Bu geňeş 1917-nji ýylyň 18-23-nji sentýabry aralygynda geçirilen Wilnýus Konferensiýasyny gatnaşan dolandyryjy ýygnakdy. Geňeşiň agzalary dürli ýaşdaky, dürli gatlaklardaky, dürli wezipelerdäki adamlardan ybaratdy. Geňeşe Litwa halkynyň ýerine ýetiriji häkimiýeti berildi we garaşsyz Litwa döwletini döretmek tabşyryldy. Halkyň garaşsyzlyk ugrundaky arzuwy 1918-nji ýylda amala aşdy. Litwa ondan soňky ýyllarda garaşsyzlygyny ýitiren hem bolsa, 1990-njy ýylyň başlarynda gaýtadan garaşsyzlygyny dikeltdi. Şeýle-de bolsa, ýurduň milli güni – Garaşsyzlygyny dikelden güni 16-njy fewralda bellenilýär.

Gyzykly bolup bilerЕЩЕ ОТ АВТОРА