Argentinanyň Merkezi banky 2026-njy ýylda geçiriljek futbol boýunça Dünýä çempionatyna bagyşlanan Maradonanyň geçiren golunyň suraty çekilen şaýylygy çykardy. Bu barada bankyň metbugat gullugy habar berdi.

Şaýylygyň arka tarapynda futbol meýdançasy we argentinaly hüjümçi Diego Maradonanyň 1986-njy ýyldaky Dünýä çempionatynyň çärýek finalynda Angliýanyň derwezesinden (2-1) gol geçirmezden öňki ylgawynyň ýoly görkezilýär. Argentinaly hüjümçi meýdançanyň merkezinden top bilen öňe gidip, ýeňiş getiren goluny saldy. Soňra Argentina finalda GFR-iň toparyny ýeňip (3-2) ýaryşyň ýeňijisi boldy.

Şaýylyk 925 probalyk kümüşden ýasalyp, simwoliki bahasy 10 dollardyr.

30-njy oktýabrda Maradonanyň doglan gününiň 65 ýyllygy bellenildi. 2026-njy ýyldaky dünýä çempionaty 11-nji iýundan 19-njy iýula çenli ABŞ-da, Meksikada we Kanadada geçiriler. Ilkinji gezek ýaryşa 48 ýygyndy topar gatnaşar.

Gyzykly bolup bilerЕЩЕ ОТ АВТОРА