Ber­ka­rar döw­le­tiň tä­ze eý­ýa­my­nyň Galkynyşy döwründe ta­ry­hy öz­gert­me­le­ri baş­dan ge­çir­ýän ýur­du­myz äh­li ugur­lar­da uly üs­tün­lik­le­ri ga­zan­ýar. Hemişelik Bi­ta­rap­ly­gy­my­zyň 30 ýyl­ly­gy giň­den bel­le­nil­ýän Hal­ka­ra pa­ra­hat­çy­lyk we yna­nyş­mak ýy­lyn­da ýur­du­my­zyň hal­ka­ra ab­ra­ýy be­len­de gö­te­ril­ýär. Ýur­du­my­zyň he­mi­şe­lik Bitaraplyk hu­kuk de­re­je­si pa­ra­hat­çy­ly­gy, öza­ra dü­şü­niş­me­gi, dost-do­gan­lyk gat­na­şyk­la­ry­ny, yn­san­per­wer ýö­rel­ge­le­ri mun­dan beý­läk-de ber­kit­mä­ge giň ýol aç­ýar.
Ýur­du­my­zyň me­de­ni­ýet ul­ga­my­ny ös­dür­mek, türk­men hal­ky­nyň ru­hy gym­mat­lyk­la­ry­na esas­lan­ýan döw­let tag­ly­ma­ty­ny ke­ma­la ge­tir­mek hor­mat­ly Pre­zi­den­ti­mi­ziň alyp bar­ýan kö­pu­gur­ly sy­ýa­sa­ty­nyň ile­ri tu­tul­ýan ugur­la­ry­nyň bi­ri­dir. Öz­bo­luş­ly me­de­ni mi­ra­sy­myz hal­ky­my­zyň aýaw­ly sak­lap, ne­sil­den-nes­le ge­çi­rip gel­ýän gaý­ta­lan­ma­jak mad­dy we ru­hy gym­mat­lyk­la­ry­nyň bi­te­wi ul­ga­my­dyr.
Me­de­ni dip­lo­ma­ti­ýa ýur­du­my­zyň hal­ka­ra ab­ra­ýy­ny has-da art­dyr­ma­ga ýar­dam ber­mek bi­len, döwlet Baştutanymyzyň ne­ti­je­li hal­ka­ra hyz­mat­daş­ly­gy ös­dür­mä­ge gö­nük­di­ri­len da­şa­ry sy­ýa­sy stra­te­gi­ýa­sy­ny dur­mu­şa ge­çir­me­giň mö­hüm şer­ti hök­mün­de çy­kyş ed­ýär. Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de me­de­ni­ýet we sun­gat iş­gär­le­ri­niň tä­ze eser­le­ri dö­re­dip, wa­tan­daş­la­ry­my­zy tä­ze üs­tün­lik­le­re hem-de zäh­met ýe­ňiş­le­ri­ne ruh­lan­dyr­mak­la­ry üçin giň müm­kin­çi­lik­ler dö­re­dil­ýär. Sun­gat ul­ga­myn­da hem halk ha­ly­çy­la­ry, us­sat be­zeg we nak­gaş­lyk iş­le­ri hal­ka­ra de­re­je­sin­de yk­rar edil­ýär.
Türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gahryman Arkadagymyzyň baş­lyk­lyk et­me­gin­de 2024-nji ýy­lyň 24-nji sent­ýab­ryn­da ge­çi­ri­len Türk­me­nis­ta­nyň Halk Mas­la­ha­ty­nyň mej­li­sin­de ber­len tek­lip­le­re la­ýyk­lyk­da, me­de­ni dip­lo­ma­ti­ýa­ny ös­dür­me­giň 2026 – 2052-nji ýyl­lar üçin Stra­te­gi­ýa­sy we şu Stra­te­gi­ýa­ny ama­la aşyr­mak bo­ýun­ça ýe­ri­ne ýe­ti­ril­me­li çä­re­le­riň me­ýil­na­ma­sy tas­syk­la­nyl­dy.
Göz­ba­şy­ny müň­ýyl­lyk­lar­dan alyp gaýd­ýan şan-şöh­rat­ly türk­men me­de­ni­ýe­ti adam­za­dyň geç­mi­şi­ne iç­gin hem yl­my jäht­den göz aý­la­ma­ga, halk­la­ryň, me­de­ni­ýet­le­riň öza­ra gat­na­şy­gy­na dü­şün­mä­ge hem-de ola­ry ös­dür­mä­ge ýar­dam ber­ýär. Türk­me­nis­ta­nyň çä­gin­dä­ki ga­dy­my me­de­ni­ýet­le­riň ta­pyn­dy­la­ry, ta­ry­hy ga­la­lar, ýa­dy­gär­lik­ler top­lum­la­ry ýur­du­my­zyň ösen ylym-bi­li­mi, me­de­ni­ýe­ti­dir sun­ga­ty özün­de jem­le­ýän ga­dy­my me­kan bo­lan­dy­gy­ny do­ly su­but ed­ýär. Dün­ýä me­de­ni­ýe­ti­niň, tu­tuş adam­za­dyň aý­ryl­maz bö­le­gi bo­lan ta­ry­hy-me­de­ni, te­bi­gy gym­mat­lyk­la­ry gel­jek ne­sil­ler üçin go­rap sak­la­makda giň möç­ber­li iş­le­riň al­nyp ba­ryl­ma­gy mö­hüm ugur­dyr. Şeý­le iş­ler me­de­ni ugur­da­ky hal­ka­ra hyz­mat­daş­ly­gy mun­dan beý­läk-de üs­tün­lik­li do­wam et­dir­mä­ge, mil­li gym­mat­lyk­la­ry wa­gyz et­mä­ge, äh­lu­mu­my aba­dan­çy­ly­gy üp­jün ed­ýän me­de­ni-yn­san­per­wer dia­lo­gy çuň­laş­dyr­ma­ga gö­nük­di­ri­len giň ge­rim­li iş­le­re ba­dal­ga bo­lup çy­kyş ed­ýär.

Güljemile ŞAMYRADOWA,
Aşgabat şäher häkimliginiň «Bagt köşgi» toý dabaralary merkeziniň medeni-usulyýet merkeziniň usulyýetçi maslahatçysy.

Gyzykly bolup bilerЕЩЕ ОТ АВТОРА