«Moskwa-Siti»-niň söwda merkezinde 338 metrden gowrak belentlikdäki seýilgähli “One” atly täze gökdirän peýda bolar. Bu Ýewropanyň iň beýik ýaşyl zolagy bolar. “One” diňiniň täzelenen konsepsiýasynda 85-nji gatda “Sky Garden” seýilgähiniň gurulmagyny göz öňünde tutulýar.
Ilki binanyň 410 metre ýetjekdigi çak edilýärdi, ýöne beýikligi 379,1 metre sazlandy. Gurluşyk 2025-nji ýylyň ahyryna çenli başlap, 2030-njy ýylda tamamlanar. “Sky Garden” 338,3 metr beýiklikde ýerleşer we takmynan 1000 inedördül metr meýdany eýelär. Seýilgäh binanyň ýaşaýjylary üçin tölegsiz bolar.
“One” diňiniň 90 gaty bolar, binanyň umumy meýdany 294,3 müň inedördül metre deň bolar. Aşaky gatlaklarda (5-nji gatdan 30-njy gat) umumy meýdany 40 müň inedördül metr bolan ofisler ýerleşer. Taslamanyň ýaşaýyş böleginde 1417 öý, şol sanda iki gatly penthauslaryň bolmagy meýilleşdirilýär.

Gyzykly bolup bilerЕЩЕ ОТ АВТОРА