UEFA Ýewropa hem-de Konferensiýa Ligalarynda pleý-off tapgyrynyň 1-nji duşuşyklary geçirildi. Oýnalan oýunlaryň aglabasynda myhmançylykdaky toparlar ýeňiş bilen dolandylar.

Ýewropa Ligasynda “Ştutgart” myhmançylykda “Seltik” toparyny 4-1 hasabynda ýeňlişe sezewar etdi. Duşuşykda nemes klubunyň gollaryny El-Hannus (15, 28), Lewelling (57), Tomas (90+3) geçirdi.

Tälimçilige Witor Ferreirany bellän “Nottingam Forest” topary myhmançylykda portugaliýaly hünärmeniň ozal türgenleşdiren toparlaryndan “Fenerbahçeni” 3-0 hasabynda utdy. Iňlis klubunyň gollaryny Murillo (21), Igor Žesus (43) hem-de Gibbs-Waýt (50) derwezä girizdi.

“Bolonýa” myhmançylykda “Brann” toparyny, “Srwena Zwezda” topary-da “Lill” klubuny 1-0 hasaplar bilen ýeňmegi başardy.

Konferensiýa Ligasynda ýaryşyň esasy dalaşgärlerinden “Fiorentina” topary myhmançylykda Polşanyň “Ýagelloniýa Belostok” toparyny Ranieriniň, Mondragoranyň hem-de Pikkoliniň gollary esasynda 3-0 ýeňip, 1/8 finalyň bosagasyndan ilkinji ädimi ätdi.

Iki ýaryşyň hem jogap duşuşyklary 26-njy fewralda oýnalar.

 

Ýewropa Ligasy pleý-off tapgyrynyň 1-nji oýunlarynyň netijeleri:

Ludogores Razgrad – Ferenswaroş: 2-1

Panatinaikos – Wiktoriýa Plzen: 2-2

Dinamo Zagreb – Genk: 1-3

PAOK – Selta: 1-2

Seltik – Ştutgart: 1-4

Fenerbahçe – Nottingam Forest: 0-3

Brann – Bolonýa: 0-1

Lill – Srwena Zwezda: 0-1

 

Konferensiýa Ligasy pleý-off tapgyrynyň 1-nji oýunlarynyň netijeleri:

KuPS – Leh Poznan: 0-2

Noa – AZ: 1-0

Zrýinski Mostar – Kristal Palas: 1-1

Ýagelloniýa Belostok – Fiorentina: 0-3

Şkendiýa – Samsunspor: 0-1

Drita – Selýe: 2-3

Sigma Olomous – Lozanna-Sport: 1-1

Omoniýa – Riýeka: 0-1

Gyzykly bolup bilerЕЩЕ ОТ АВТОРА