Hor­mat­ly Pre­zi­den­ti­mi­ziň ýur­du­my­zyň oba ho­ja­ly­gy­ny ös­dür­mek ba­bat­da­ky taý­syz ta­gal­la­la­ry­nyň ne­ti­je­sin­de, ene top­rak­dan bol ha­syl al­mak üçin dö­re­dil­ýän müm­kin­çi­lik­ler­den ýer­lik­li peý­da­lan­ma­ga giň müm­kin­çi­lik­ler dö­re­dil­ýär. Oba ho­ja­ly­gy mil­li yk­dy­sa­dy­ýe­ti­mi­ziň mö­hüm pu­dak­la­ry­nyň bi­ri­dir. Ýur­du­my­zyň oba ho­ja­lyk önüm­le­ri­ni ön­dü­ri­ji­le­ri­ne hem­me­ta­rap­la­ýyn gol­daw ber­me­gi ugur edin­ýän oý­la­ny­şyk­ly stra­te­gi­ýa bu top­lu­myň ok­gun­ly ös­me­gi­ni şert­len­dir­ýär. Şun­da oba ho­ja­ly­gy­nyň dü­züm­le­ýin döw­re­bap­laş­dy­ryl­ma­gy­ny üp­jün et­mek, pu­da­gyň dü­şe­wünt­li­li­gi­ni art­dyr­mak, oba ýer­le­rin­de tä­ze yk­dy­sa­dy gat­na­şyk­la­ry ke­ma­la ge­tir­mek, dür­li ho­ja­lyk dü­züm­le­ri­niň ara­syn­da bäs­deş­li­ge ukyp­ly gur­şa­wy dö­ret­mek, ýer-suw se­riş­de­le­ri­ni re­je­li peý­da­lan­mak, daş­ky gur­şa­wy go­ra­mak, oba ho­ja­lyk yl­my­ny hem-de seç­gi­çi­li­gi ös­dür­mek, in­no­wa­si­ýa­la­ry, iň tä­ze yl­my-teh­ni­ki iş­läp taý­ýar­la­ma­la­ry, do­lan­dy­ry­şyň, ba­zar gat­na­şyk­la­ry­nyň öň­de­ba­ry­jy usul­la­ry­ny giň­den or­naş­dyr­mak, oba ýer­le­rin­de dur­muş me­se­le­le­ri­ni ne­ti­je­li çöz­mek esa­sy ugur­la­ryň ha­ta­ryn­da dur­ýar. Şu nuk­daý­na­zar­dan 2023-nji ýy­lyň jem­le­ri­ne ba­gyş­la­nan Mi­nistr­ler Ka­bi­ne­ti­niň gi­ňiş­le­ýin mej­li­si has-da uly äh­mi­ýe­te eýe bol­dy. Ar­ka­dag­ly Gah­ry­man Ser­da­ry­myz oba ho­ja­lyk pu­da­gy­ny has-da ös­dür­mek ba­bat­da mö­hüm res­mi­na­ma­la­ra gol çek­di. Şo­ňa la­ýyk­lyk­da, oba ho­ja­lyk ekin­le­ri­niň ha­syl­ly­ly­gy­ny ýo­kar­lan­dyr­mak, mal­dar­çy­ly­gy we guş­çu­ly­gy ös­dür­mek, ýo­ka­ry hil­li oba ho­ja­lyk önüm­le­ri­ni ön­dür­ýän hä­zir­ki za­man önüm­çi­lik­le­ri dö­ret­mek, önüm­çi­li­ge hä­zir­ki za­man teh­no­lo­gi­ýa­la­ry­ny or­naş­dyr­mak mak­sa­dy bi­len, Türk­me­nis­ta­nyň Oba ho­ja­lyk mi­nistr­li­gin­den bö­lü­nip aý­ryl­ma­gy ar­ka­ly, «Türk­men­gal­laö­nüm­le­ri» döw­let bir­le­şi­gi, Türk­me­nis­ta­nyň Azyk se­na­ga­ty döw­let bir­le­şi­gi, Türk­me­nis­ta­nyň Mal­dar­çy­lyk we guş­çu­lyk se­na­ga­ty döw­let bir­le­şi­gi, «Türk­men­pag­ta» döw­let kon­ser­ni hem-de «Türk­me­no­ba­hyz­mat» döw­let bir­le­şi­gi dö­re­dil­di. Oba ho­ja­lyk mi­nistr­li­gi­niň we pu­dak­la­ýyn do­lan­dy­ryş eda­ra­la­ry­nyň dö­re­dil­me­gi ýur­du­my­zyň oba ho­ja­lyk pu­da­gy­nyň işi­ni mun­dan beý­läk-de kä­mil­leş­dir­mek­de mö­hüm ädim bo­lar.
Pu­da­gy ös­dür­mek­de Oba mil­li mak­sat­na­ma­sy­na-da aý­ra­tyn orun de­giş­li­dir. Oňa la­ýyk­lyk­da, ýur­du­my­zyň äh­li we­la­ýat­la­ryn­da azyk, guş­çu­lyk, et we süýt önüm­çi­lik kär­ha­na­la­ry­nyň se­na­gat kuw­wat­lyk­la­ry­ny art­dyr­mak üçin şert­ler dö­re­dil­ýär. Oba ho­ja­ly­gy­ny yk­dy­sa­dy­ýe­tiň ýo­ka­ry gir­de­ji­li pu­da­gy­na öwür­mek üçin bar bo­lan müm­kin­çi­lik­ler ne­ti­je­li peý­da­la­nyl­ýar we bu ugur­da ka­nun­çy­lyk bin­ýa­dy­ny kä­mil­leş­dir­mek ug­run­da de­giş­li iş­ler al­nyp ba­ryl­ýar. Şo­ňa la­ýyk­lyk­da, ýy­lyň ýy­ly­na pag­ta­nyň hem-de bug­da­ýyň sa­tyn alyş nyrh­la­ry ýo­kar­lan­dy­ryl­ýar. Tä­ze nyrh­na­ma la­ýyk­lyk­da, bug­da­ýyň bir ton­na­sy­nyň döw­let sa­tyn alyş ba­ha­sy 2 müň ma­nat möç­ber­de, nah pag­ta­nyň bir ton­na­sy üçin döw­let sa­tyn alyş ba­ha­la­ry ýy­gy­myň baş­lan­ýan gü­nün­den 15-nji okt­ýab­ra çen­li 5 müň ma­nat, 15-nji okt­ýabr­dan 15-nji no­ýab­ra çen­li 4 müň 770 ma­nat, 15-nji no­ýabr­dan ýy­gy­myň ta­mam­lan­ýan gü­nü­ne çen­li 4 müň 550 ma­nat möç­ber­de, ýü­pek pag­ta­nyň bir ton­na­sy üçin döw­let sa­tyn alyş ba­ha­la­ry ýy­gy­myň baş­lan­ýan gü­nün­den 15-nji okt­ýab­ra çen­li 6 müň 700 ma­nat, 15-nji okt­ýabr­dan 15-nji no­ýab­ra çen­li 6 müň 400 ma­nat, 15-nji no­ýabr­dan ýy­gy­myň ta­mam­lan­ýan gü­nü­ne çen­li 6 müň 100 ma­nat möç­ber­de bel­le­nil­di.
Şeý­le ýe­ňil­lik­ler ýur­du­myz­da pag­ta ös­dü­rip ýe­tiş­dir­me­giň yl­my taý­dan esas­lan­dy­ry­lan usul­la­ry­nyň or­naş­dy­ryl­ma­gy­na aý­ra­tyn äh­mi­ýet be­ril­ýär. Şu­nuň bi­len bir ha­tar­da, go­wa­ça­nyň ir ösüp ýe­tiş­me­gi, ha­syl­ly­ly­gy we sü­ýü­mi­niň ýo­ka­ry hi­li bi­len ta­pa­wut­lan­ýan tä­ze ýer­li gör­nüş­le­ri­ni dö­ret­mek ug­run­da­ky iş­le­riň dep­gi­ni güýç­len­di­riler.
Umu­man, oba ho­ja­lyk pu­da­gyn­da-da düýp­li öz­gert­me­ler ama­la aşy­ryl­ýar. Eder­men daý­han­la­ry­myz bug­da­ýyň hem pag­ta­nyň, şeý­le-de beý­le­ki oba ho­ja­lyk ekin­le­ri­niň bol ha­sy­ly­ny ýyg­nap, Wa­tan har­ma­ny­ny beý­geld­ýär­ler. Gel­jek­de-de daý­han­la­ry­my­zy yk­dy­sa­dy taý­dan hö­wes­len­dir­mek mak­sa­dy bi­len, pu­da­gyň mad­dy-en­jam­la­ýyn bin­ýa­dy has-da ber­ki­di­ler.

Jennet GARAÝEWA,
Döwletmämmet Azady adyndaky Türkmen milli dünýä dilleri institutynyň talyby.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА