«Hal­ka­ra pa­ra­hat­çy­lyk we yna­nyş­mak ýy­ly» diý­lip at­lan­dy­ry­lan üs­tü­miz­dä­ki ýy­la ga­dam ba­san türk­men ili hor­mat­ly Pre­zi­den­ti­mi­ziň baş­tu­tan­ly­gyn­da has-da aba­dan gel­je­gi­ne bar­ýar. Mil­li yk­dy­sa­dy­ýe­ti­mi­ziň äh­li ugur­la­ryn­da uly öz­gert­me­ler dur­mu­şa ge­çi­ri­lip, üs­tün­lik­li ne­ti­je­ler ga­za­nyl­ýar. Bu ösüş­le­riň her bi­ri Gah­ry­man Ar­ka­da­gy­my­zyň döw­let­li baş­lan­gyç­la­ry­ny, be­ýik iş­le­ri­ni do­wam ed­ýän, ola­ra ro­waç­lyk ber­ýän Ar­ka­dag­ly Gah­ry­man Ser­da­ry­my­zyň baş­tu­tan­ly­gyn­da dur­mu­şa ge­çi­ril­ýän be­lent mak­sat­lar­dyr. Şeý­le öňe­gi­diş­li­giň ga­za­nyl­ma­gyn­da gur­lu­şyk we se­na­gat pu­da­gy­nyň hem my­na­syp pa­ýy bar. Çün­ki, mil­li yk­dy­sa­dy­ýe­tiň ösüş­le­ri­ni se­na­gat­laş­dyr­mak­dan üz­ňe göz öňü­ne ge­tir­mek müm­kin däl. Mil­li yk­dy­sa­dy­ýet bol­sa ýur­duň kuw­wat­ly­ly­gy­ny we dur­nuk­ly ösü­şi­ni üp­jün ed­ýär. Ýur­du­my­zyň ösen se­na­gat­ly ýur­da öw­rül­me­gin­de gur­lu­şyk se­na­ga­ty­ny ös­dür­mek ile­ri tu­tul­ýan ugur­la­ryň bi­ri bo­lup dur­ýar. Şo­nuň üçin hem Gahryman Arkadagymyzyň, Ar­ka­dag­ly Gah­ry­man Ser­da­ry­my­zyň taý­syz ta­gal­la­la­ry ne­ti­je­sin­de ýur­du­my­zyň gur­lu­şyk se­na­ga­ty­nyň bäs­deş­li­ge ukyp­ly­ly­gy­ny ýo­kar­lan­dyr­mak, önüm­çi­lik we yl­my-teh­ni­ki kuw­wa­ty­ny art­dyr­mak, ýer­li çig mal­dan taý­ýar­la­nyl­ýan gur­lu­şyk se­riş­de­le­ri­niň gör­nüş­le­ri­ni kö­pelt­mek, da­şa­ry ýurt­lar­dan ge­ti­ril­ýän ha­ryt­la­ryň or­nu­ny tut­ýan ýer­li önüm­le­riň ön­dü­ri­li­şi­ni art­dyr­mak ýa­ly wa­jyp we­zi­pe­ler üs­tün­lik­li çö­zül­ýär.
Ugur­daş kär­ha­na­la­ryň ara­syn­da öň­de­ba­ry­jy­la­ryň bi­ri ha­sap­lan­ýan dü­züm­le­riň bi­ri hem ge­çen 2024-nji ýy­ly ýo­ka­ry gör­ke­zi­ji­ler bi­len ta­mam­lan Türk­me­nis­ta­nyň Se­na­gat we gur­lu­şyk önüm­çi­li­gi mi­nistr­li­gi­niň Da­şo­guz şä­he­ri­niň «De­mir­be­to­nö­nüm­le­ri» za­wo­dy­dyr. «Pä­him-paý­has um­ma­ny Mag­tym­gu­ly Py­ra­gy» ýy­ly­nyň önüm­çi­lik gör­ke­zi­ji­le­ri­ne na­zar aý­la­nyň­da hem mu­ňa göz ýe­tir­mek bol­ýar. Ýur­du­my­zyň iri se­na­gat kär­ha­na­la­ry­nyň bi­ri bo­lan bu za­wo­dyň 2015-nji ýyl­da dur­ky tä­ze­le­nip, hä­zir­ki­za­man in­no­wa­si­on en­jam­lar or­naş­dy­ryl­dy. Şo­nuň ne­ti­je­sin­de dün­ýä ül­ňü­le­ri­ne ga­bat gel­ýän, gur­lu­şyk­da ula­nyl­ýan de­mir-be­ton önüm­le­ri ön­dü­ri­lip baş­lan­dy. Şeý­le­lik­de, ön­dü­ril­ýän önüm­ler muk­dar taý­dan ar­typ, hil taý­dan has ýo­ka­ry de­re­je­le­re çyk­dy.
Önüm­çi­lik kuw­wa­ty ýyl­da 50 müň kub metr gur­na­ma de­mir-be­ton önüm­le­ri bo­lan za­wod­da hä­zir­ki wagt­da gu­wan­dy­ry­jy ne­ti­je­ler ga­za­nyl­ýar. Kär­ha­na me­ýil­leş­di­ri­len iş­le­ri her aý­da äh­li yk­dy­sa­dy gör­ke­zi­ji­ler bo­ýun­ça möh­le­tin­den has öň ýe­ri­ne ýe­tir­ýär. Bu iri kär­ha­na­da ön­dü­ril­ýän önüm­ler: bi­na­nyň daş­ky we iç­ki di­war­la­ry üçin ni­ýet­le­nen be­ton önüm­ler, bas­syr­ma­lar, aý­na­lar­dyr ga­py­lar üçin ni­ýet­le­nen be­ton bi­rik­di­ri­ji­ler, eko­lo­gi­ýa taý­dan aras­sa, howp­suz de­mir­be­ton önüm­le­ri gu­rul­ýan köp gat­ly ýa­şa­ýyş jaý­la­ry­nyň we beý­le­ki bi­na­la­ryň gur­lu­şyk­la­ry­na yzy­gi­der­li ug­ra­dyl­ýar. Işi­ne ez­ber, tej­ri­be­li hü­när­men­ler bö­lüm­ler­de otur­dy­lan kuw­wat­ly en­jam­la­ryň yg­ty­bar­ly ula­nyl­ma­gy, önüm­le­riň hi­li­niň ýo­ka­ry bol­ma­gy üçin yh­las­ly zäh­met çek­ýär­ler. Şeý­le bo­lan­soň, ge­çen ýyl­da 36 müň kub metr de­mir-be­ton önüm­le­ri­ni ön­dür­me­gi göz öňün­de tu­tup, ony 36 müň 632 kub metr edip ýe­ri­ne ýe­ti­ren kär­ha­na­nyň önüm­le­ri­ne is­leg örän uly. Geçen ýyl kär­ha­na önüm ön­dür­mek bo­ýun­ça me­ýil­na­ma­ny 104,6 gö­te­rim, öň­ki ýy­lyň de­giş­li döw­ri bi­len de­ňeş­di­ri­len­de 105,5 gö­te­rim ýe­ri­ne ýe­tir­di.
2016-njy ýyl­dan bä­ri kär­ha­na­da gur­lu­şyk bö­lü­mi hem he­re­ket edip, za­wo­dyň gur­lu­şyk-gur­na­ma önüm­le­ri­ ýa­şa­ýyş jaý­la­ryn­da, önüm­çi­lik bi­na­la­ryn­da ula­nyl­ýar. Gur­lu­şyk­çy­lar Wa­tan go­rag­çy­la­ry­nyň gü­nü­niň öňü­sy­ra­syn­da eda­ra bi­na­sy­ny we ýa­şa­ýyş ja­ýy­ny gu­rup, ulan­ma­ga tab­şyr­dy­lar. Da­şo­guz şä­he­ri­niň Oguz­han kö­çe­sin­de Aw­to­tür­gen­le­şik mek­de­bi­niň gur­lu­şy­gy, Şa­ga­dam hem-de Oraz­gel­di Är­sa­ry­ýew adyn­da­ky kö­çe­le­riň ug­run­da, de­giş­li­lik­de, 1 sa­ny 4 gat­ly, 24 öý­li, 1 sa­ny 4 gat­ly 16 öý­li ýa­şa­ýyş jaý­la­ry­nyň gur­lu­şy­gy ta­mam­laý­jy tap­gyr­da al­nyp ba­ryl­ýar. Şeý­le hem Da­şo­guz şä­he­ri­niň N.An­da­lyp adyn­da­ky kö­çä­niň ug­run­da 1 sa­ny 4 gat­ly, 48 öý­li iri pa­nel­li ýa­şa­ýyş ja­ýy­nyň, we­la­ýa­tyň Şa­bat et­ra­by­nyň Güm­rük no­ka­dy­nyň Aw­to­mo­bil gö­zeg­çi­lik-ge­çi­riş ýe­rin­de gu­rul­ýan ka­ran­tin mer­ke­zi­niň, Da­şo­guz şä­he­ri­niň we Şa­bat et­ra­by­nyň çä­gin­de bir­nä­çe ýe­ňil­lik­li kar­zyň ha­sa­by­na ipo­te­ka ýa­şa­ýyş jaý­la­ry­nyň gur­lu­şyk­la­ry güýç­li dep­gin­de al­nyp ba­ryl­ýar. Za­wo­dyň gur­lu­şyk­çy­la­ry gur­lu­şyk-gur­na­ma iş­le­ri bo­ýun­ça ge­çen ýy­lyň me­ýil­na­ma­sy­ny hem 116,5 gö­te­rim ýe­ri­ne ýe­tir­di­ler.
Kär­ha­na­da kär­deş­ler ar­ka­la­şy­gy­nyň ag­za­la­ry­nyň 350-ä go­la­ýy ag­zy­bir­lik­li zäh­met çek­ýär. Kär­deş­ler ar­ka­la­şyk­la­ry­nyň il­kin­ji gu­ra­ma­sy hem iş­gär­le­riň ön­dü­ri­ji­lik­li iş­le­mek­le­ri üçiň äh­li amat­lyk­la­ryň, howp­suz iş we oňat dynç alyş şert­le­ri­niň dö­re­dil­me­gi üçin de­giş­li iş­le­ri alyp bar­ýar. Zäh­me­ti go­ra­mak we teh­ni­ki howp­suz­lyk okuw­la­ry gu­ral­ýar. De­giş­li ter­tip­de ýö­ri­te ge­ýim, aýak­gap we go­rag se­riş­de­le­ri bi­len mugt üp­jün edil­ýär. Ýe­ri ge­len­de bel­le­sek, za­wod­da iş­çi-hü­när­men­le­riň ýa­şa­ýyş jaý üp­jün­çi­li­gi­ni go­wu­lan­dyr­mak ba­bat­da hem uly ala­da­lar edil­ýär. Da­şo­guz şä­he­ri­niň gö­zel kün­je­gin­de gur­lup, ula­nyl­ma­ga ber­len döw­re­bap ýa­şa­ýyş jaý top­lu­myn­dan za­wo­dyň bu­ýur­ma­sy esa­sa­syn­da 2 sa­ny 4 gat­ly 24 öý­li ýa­şa­ýyş ja­ýy gu­rul­dy. Bi­ta­rap­lyk baý­ra­my­nyň 29 ýyl­ly­gy­nyň ulu­dan bel­le­nil­ýän gün­le­rin­de 48 sa­ny bag­ty­ýar maş­ga­la jaý toý­la­ry­ny toý­la­dy­lar.
Eziz Wa­ta­ny­my­zyň üm­zü­gi öňe iler­läp, dur­mu­şy­myz gül-reý­ha­na bes­le­nen bos­san­ly­gy ýat­lad­ýar. Asu­da­lyk, je­bis­lik, Bi­ta­rap Türk­me­nis­ta­ny dün­ýä­de nus­ga­lyk ýur­da öwür­mek ug­run­da çe­kil­ýän ag­zy­bir­lik­li zäh­met dur­mu­şy­my­zy öz­ger­dip, kal­by­myz­da eg­sil­mez buý­sanç duý­gu­sy­ny joş­dur­ýar. Şo­nuň üçin hem ýur­du­myz­da zäh­met adam­sy hak­da edil­ýän ala­da­la­ra göw­ni gal­ky­nan za­wo­dyň iş­çi-hü­när­men­le­ri Hal­ka­ra pa­ra­hat­çy­lyk we yna­nyş­mak ýy­ly­ny ýo­ka­ry önüm­çi­lik gör­ke­zi­ji­le­ri­ne bes­le­me­gi mak­sat edin­ýär­ler.
Goý, asu­da ýur­du­myz­da ýe­til­ýän şöh­rat­ly men­zil­ler he­mi­şe do­wa­mat-do­wam bol­sun! Hor­mat­ly Pre­zi­den­ti­mi­ziň, Gah­ry­man Ar­ka­da­gy­my­zyň jan­la­ry sag, ömür­le­ri uzak, be­lent baş­la­ry aman bol­sun!

Ju­ma­gül Ho­ja­ýe­wa,
Türkmenistanyň Kärdeşler arkalaşyklarynyň Daşoguz welaýat birleşmesiniň pudaklar boýunça utgaşdyryjysy, Türkmenistanyň ussat mugallymy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА