Özbegistanyň Prezidenti Şawkat Mirziýoýew 23-25-nji ýanwar aralygynda Hytaýa döwlet saparyny amala aşyrar. Özbegistanyň Prezidentiniň metbugat gullugynyň maglumatlaryna görä, Hytaý Halk Respublikasynyň Başlygy Si Szinpin Şawkat Mirziýoýewi Hytaýa çagyrdy.
Mirziýoýewiň Pekinde bolan döwründe ýokary derejeli gepleşikler we birnäçe ikitaraplaýyn duşuşyklar meýilleşdirilýär.
Gün tertibine köp ugurly strategik hyzmatdaşlyga gönükdirilen özbek-hytaý gatnaşyklaryny pugtalandyrmak, şeýle-de giň gerimli özara hyzmatdaşlygy ösdürmek meseleleri ileri tutulýar.
Şeýle hem döwlet Baştutany Hytaýyň sebitleriniň birine baryp görer we Hytaýyň öňdebaryjy kompaniýalarynyň, bank we maliýe guramalarynyň ýolbaşçylary bilen duşuşyklary geçirer.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА