Ber­ka­rar döw­le­tiň tä­ze eý­ýa­my­nyň Galkynyşy döwründe döw­let sy­ýa­sa­ty­nyň ile­ri tu­tul­ýan ugur­la­ry­nyň bi­ri bo­lan ila­tyň sag­ly­gy­ny go­ra­mak iş­le­ri üs­tün­lik­li ama­la aşy­ryl­ýar. «Wa­tan di­ňe hal­ky bi­len Wa­tan­dyr! Döw­let di­ňe hal­ky bi­len döw­let­dir!» diý­ýän hormatly Prezidentimiziň pa­ra­sat­ly baş­tu­tan­ly­gyn­da jem­gy­ýe­tiň we döw­le­tiň iň ýo­ka­ry gym­mat­ly­gy bo­lan ada­myň sag­ly­gy­ny go­ra­mak, jem­gy­ýe­ti­miz­de sag­dyn dur­muş ýö­rel­ge­le­ri­ni or­naş­dyr­mak, ýur­du­my­zyň sag­ly­gy go­ra­ýyş ul­ga­my­ny ösen döw­let­le­riň de­re­je­si­ne çy­kar­mak, ýo­ka­ry luk­man­çy­lyk hyz­mat­la­ry­ny ke­pil­len­dir­ýän mil­li sag­ly­gy go­ra­ýyş ul­ga­my­ny dö­ret­mek ug­run­da ägirt uly iş­ler dur­mu­şa ge­çi­ril­ýär.

1995-nji ýy­lyň 21-nji iýu­lyn­da ka­bul edi­len «Sag­lyk» Döw­let mak­sat­na­ma­sy sag­ly­gy go­ra­ýyş hyz­mat­la­ry­nyň tä­ze usul­la­ry­nyň öz­leş­di­ril­me­gi­ne ta­rap ýol aç­dy. Maş­ga­la luk­man­çy­ly­gy­nyň dur­mu­şa or­naş­dy­ryl­ma­gy bi­len adam­la­ra ýa­şa­ýan ýe­ri bo­ýun­ça hyz­mat et­mä­ge oňaý­ly şert­ler dö­re­di. Mu­nuň özi luk­man­çy­lyk iş­gär­le­ri­niň ilat bi­len ýa­kyn ara­gat­na­şyk­da bo­lup, her bir ada­myň, maş­ga­la­nyň be­den, ru­hy sag­ly­gy­ny öw­ren­mä­ge hem-de mu­nuň ne­ti­je­sin­de nä­sag­la­ry, haý­sy­dyr bir ke­se­liň dö­re­me­gi­ne tö­wek­gel­lik bar bo­lan ra­ýat­la­ry öz wag­tyn­da ýü­ze çy­kar­ma­ga, ke­sel­le­ri ir­ki döw­rün­de anyk­lap, be­jer­mä­ge müm­kin­çi­lik ber­di.

«Sag­lyk» Döw­let mak­sat­na­ma­sy­na la­ýyk­lyk­da, sag­ly­gy go­ra­mak işi­ni hä­zir­ki döw­rüň ta­lap­la­ry­na esas­la­nyp gu­ra­mak wa­jyp bo­lup dur­ýar. Mu­nuň özi ýur­du­myz­da sag­ly­gy go­ra­ýyş ul­ga­my­nyň dün­ýä­niň ösen döw­let­le­ri­niň de­re­je­sin­de kä­mil­leş­di­ril­me­gi­ne uly iter­gi ber­ýär. Aş­ga­bat we Ar­ka­dag şä­her­le­rin­de hem-de we­la­ýat mer­kez­le­rin­de öň­de­ba­ry­jy in­no­wa­si­on teh­no­lo­gi­ýa­lar or­naş­dy­ry­lan sag­lyk mer­kez­le­ri, şy­pa­ha­na­lar, ýö­ri­te­leş­di­ri­len has­sa­ha­na­lar, der­man se­na­ga­ty kär­ha­na­la­ry, sport des­ga­la­ry yzy­gi­der­li gur­lup ulan­ma­ga be­ril­ýär. Ýur­du­myz­da ila­ta edil­ýän luk­man­çy­lyk hyz­mat­la­ry­nyň ne­ti­je­li­li­gi, hi­li we el­ýe­ter­li­li­gi has-da ýo­kar­lan­dy­ryl­ýar.

Dün­ýä döw­let­le­ri, iri hal­ka­ra gu­ra­ma­lar bi­len sag­ly­gy go­ra­ýyş bo­ýun­ça hyz­mat­daş­lyk gat­na­şyk­la­ry bar­ha ber­ki­dil­ýär. Te­le­luk­man­çy­lyk we te­le­mas­la­hat­lar ar­ka­ly öza­ra tej­ri­be alyş­mak, ama­ly luk­man­çy­ly­ga öň­de­ba­ry­jy usul­la­ry or­naş­dyr­mak ýa­ly mö­hüm ugur­lar­da yl­my-luk­man­çy­lyk hyz­mat­daş­ly­gy­ny gi­ňelt­mä­ge uly äh­mi­ýet be­ril­ýär.

Luk­man­çy­lyk hem-de yl­my dip­lo­ma­ti­ýa ba­bat­da hyz­mat­daş­ly­gyň tä­ze ugur­la­ry öňe sü­rül­mek bi­len, Bir­le­şen Mil­let­ler Gu­ra­ma­sy, onuň ýö­ri­te­leş­di­ri­len dü­züm­le­ri, aý­ra­tyn-da, Bü­tin­dün­ýä Sag­ly­gy Go­ra­ýyş Gu­ra­ma­sy, dün­ýä­niň öň­de­ba­ry­jy sag­ly­gy go­ra­ýyş eda­ra­la­ry we yl­my-bar­lag mer­kez­le­ri bi­len gat­na­şyk­lar has-da iş­jeň­leş­di­ril­ýär.

Yn­san sag­ly­gy­ny go­rap sak­la­ma­gy ýur­du­my­zyň baş ýö­rel­ge­si­ne öw­ren hor­mat­ly Pre­zi­den­ti­miz sag­lyk ul­ga­my bi­len bir ha­tar­da be­den­ter­bi­ýä­ni we spor­ty, sy­ýa­hat­çy­lyk pu­da­gy­nyň işi­ni has-da döw­re­bap­laş­dyr­mak ug­run­da giň ge­rim­li iş­le­re ba­dal­ga ber­di. Ata Wa­ta­ny­my­zyň dür­li kün­jek­le­rin­de döw­re­bap en­jam­lar bi­len en­jam­laş­dy­ry­lan sport top­lum­la­ry­nyň, tä­ze sport mek­dep­le­ri­niň, ýö­ri­te sport mek­dep-in­ter­nat­la­ry­nyň, sport top­lum­la­ry­nyň, sy­ýa­hat­çy­lyk we şy­pa­ha­na bi­na­lar top­lu­my­nyň ula­nyl­ma­ga be­ril­me­gi Ar­ka­dag­ly Gah­ry­man Ser­da­ry­my­zyň hal­ky­my­zyň ýa­şa­ýyş-dur­muş de­re­je­si­ni has-da go­wu­lan­dyr­mak, ra­ýat­la­ry­my­zyň sag­ly­gy­ny go­rap sak­la­mak ug­run­da dur­mu­şa or­naş­dyr­ýan iş­le­ri­niň kän­di­gi­ne şa­ýat­lyk ed­ýär.

Sag­lyk aja­ýyp te­bi­ga­tyň adam­za­da eçi­len ba­ha­syz baý­ly­gy­dyr. Sag­dyn­ly­gyň, sag­dyn dur­mu­şyň ro­waç­lan­ma­gy bol­sa döw­le­tiň her bir ra­ýa­ty­nyň bag­ty­ýar dur­mu­şy­na oňaý­ly tä­sir ed­ýär. Ösüp gel­ýän ýaş ne­sil­le­riň di­ňe bir bi­li­mi­ni ös­dür­mek bi­len çäk­len­män, ola­ryň berk be­den­li, sag­dyn dün­ýä­ga­ra­ýyş­ly bol­ma­gy ug­run­da döw­le­ti­miz­de bi­möç­ber iş­le­riň dur­mu­şa ge­çi­ril­me­gi hem diý­seň gu­wan­dy­ry­jy ýag­daý­dyr.

Amanmyrat ŞÜKÜROW,

Myrat Garryýew adyndaky Türkmenistanyň Döwlet lukmançylyk uniwersitetiniň ýokanç keseller kafedrasynyň müdiri, lukmançylyk ylymlarynyň kandidaty.

Mu­kad­des Ga­raş­syz­ly­gy­my­zyň 34 ýyl­lyk şan­ly to­ýy bar­ha ýa­kyn­laş­ýar. Ösüş-öz­gert­me­le­re bes­le­nen aja­ýyp döw­rü­miz­de Gah­ry­man Ar­ka­da­gy­my­zyň we Arkadagly Gah­ry­man Ser­da­ry­my­zyň da­şy­na mä­käm je­bis­le­şen kül­li türk­men hal­ky il ag­zy­bir­li­gin­de, ýurt pa­ra­hat­çy­ly­gyn­da naý­ba­şy to­ýu­my­zy giň­den, da­ba­ra­ly bel­läp ge­çer.

Hor­mat­ly Pre­zi­den­ti­mi­ziň baş­tu­tan­ly­gyn­da ýur­du­my­zy dur­muş-yk­dy­sa­dy taý­dan ös­dür­me­giň de­giş­li mak­sat­na­ma­sy­nyň ama­la aşy­ryl­ma­gy­na ba­dal­ga be­ril­me­gi bi­len, Ga­raş­syz Wa­ta­ny­my­zyň gel­jek­ki ösüş tap­gyr­la­ry­nyň üp­jün edil­me­gi üçin ze­rur şert­ler dö­re­dil­ýär. Bu gün Türk­me­nis­tan se­na­gat taý­dan ösen döw­le­te öw­rü­lip, önüm­çi­lik kär­ha­na­la­ry, za­wod-fab­rik­ler, önüm­le­ri gaý­ta­dan iş­le­ýän kär­ha­na­lar, ne­bit­gaz top­lu­my­nyň döw­re­bap des­ga­la­ry yzy­gi­der­li açyl­ýar. Hal­ka­ra pa­ra­hat­çy­lyk we yna­nyş­mak ýy­lyn­da yk­dy­sa­dy­ýet­de, oba ho­ja­ly­gyn­da uly ösüş­ler ga­za­nyl­ýar.

Bu gün türk­men jem­gy­ýe­ti pa­ra­hat­çy­ly­gyň, yna­nyş­ma­gyň, gö­zel­li­giň, hoş­ni­ýet­li­li­giň mak­sat­la­ry­ny da­ba­ra­lan­dyr­ýar. Ar­ka­dag­ly Gah­ry­man Ser­da­ry­my­zyň «Wa­tan di­ňe hal­ky bi­len Wa­tan­dyr! Döw­let di­ňe hal­ky bi­len döw­let­dir!» di­ýen yn­san­per­wer ýö­rel­ge­si esa­syn­da ila­tyň ýa­şa­ýyş-dur­muş de­re­je­si­niň yzy­gi­der­li ýo­kar­lan­ma­gy ug­run­da my­na­syp iş­ler al­nyp ba­ryl­ýar, halk ho­ja­ly­gy­nyň äh­li pu­dak­la­ryn­da uly ösüş­ler ga­za­nyl­ýar, je­mi içer­ki önü­miň ösüş dep­gi­ni bol­sa, dur­nuk­ly sak­lan­ýar. Hormatly Prezidentimiziň mil­li yk­dy­sa­dy­ýe­ti­mi­zi di­wer­si­fi­ka­si­ýa­laş­dyr­mak, ýur­dy se­na­gat-in­no­wa­si­on ugur ar­ka­ly ös­dür­mek, te­le­ke­çi­li­ge giň şert­le­ri dö­ret­mek we döw­let ta­ra­pyn­dan gol­daw ber­mek, sy­ýa­sy, yk­dy­sa­dy, dur­muş-ýa­şa­ýyş we ka­nun­çy­lyk ul­gam­la­ryn­da öz­gert­me­le­riň ge­çi­ril­me­gi­ni göz öňün­de tut­ýan ösüş ýo­ly oňyn ne­ti­je­le­ri ber­ýär.

Ine, şeý­le üs­tün­lik­le­riň üs­ti ýe­ne-de bir tä­ze önüm­çi­lik des­ga­sy bi­len ýe­ti­ril­di. Hor­mat­ly Pre­zi­den­ti­miz paý­tag­ty­my­zyň de­mir­ga­zy­gyn­da­ky se­na­gat top­lu­my­nyň çä­gin­de ýer­leş­ýän çüý­şe önüm­le­ri­ni ön­dür­ýän önüm­ha­na­nyň açy­lyş da­ba­ra­sy­na gat­naş­dy. Soň­ky ýyl­lar­da Türk­me­nis­tan­da ýer­li çig ma­lyň bin­ýa­dyn­da dün­ýä öl­çeg­le­ri­ne la­ýyk gel­ýän, içer­ki hem da­şar­ky ba­zar­lar­da uly is­leg­den peý­da­lan­ýan önüm­le­ri ön­dür­ýän, in­no­wa­si­on teh­no­lo­gi­ýa­lar bi­len en­jam­laş­dy­ry­lan tä­ze se­na­gat kär­ha­na­la­ry yzy­gi­der­li gur­lup ulan­ma­ga be­ril­ýär. Kuw­wat­ly­ly­gy bir gi­je-gün­diz­de 100 ton­na çüý­şe önüm­le­ri­ni ön­dür­ýän tä­ze önüm­çi­lik des­ga­sy­nyň da­ba­ra­ly ýag­daý­da açyl­ma­gy hem mu­nuň aý­dyň my­sa­ly­dyr. Hä­zir­ki wagt­da «Türk­me­nis­tan­da ön­dü­ril­di» di­ýen ha­ryt ny­şan­ly önüm­ler hal­ka­ra ba­zar­lar­da giň­den ta­nal­ýar. Ýo­ka­ry hi­li, eko­lo­gik taý­dan aras­sa­ly­gy üçin bu ha­ryt­la­ra uly is­leg bil­di­ril­ýär. Bu pu­da­gy ös­dür­mek­de türk­men ýaş­la­ry­nyň uly go­şan­dy­nyň bar­dy­gy­ny bel­le­mek ge­rek.

Bu des­ga türk­men te­le­ke­çi­le­ri ta­ra­pyn­dan gu­rul­dy. Türk­men te­le­ke­çi­le­ri soň­ky ýyl­lar­da iri önüm­çi­lik hem-de dur­muş mak­sat­ly des­ga­la­ry yzy­gi­der­li gu­rup ulan­ma­ga ber­ýär­ler. Şo­nuň üçin türk­men te­le­ke­çi­le­ri ýur­du­my­zyň al­tyn gaz­na­sy­na de­ňel­ýär. 2008-nji ýyl­da dö­re­di­len Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň dü­zü­min­de 29 müň­den gow­rak te­le­ke­çi bar. Olar şol ge­çen dö­wür­de 97 mil­liard ma­na­da go­laý ýa-da 28 mil­liard ame­ri­kan dol­la­ry­na go­laý 5 müň 300-den gow­rak tas­la­ma­ny üs­tün­lik­li dur­mu­şa ge­çi­rip, 425 mü­ňe go­laý iş or­nu­nyň dö­re­dil­me­gi­ne öz my­na­syp go­şant­la­ry­ny goş­du­lar. Şeý­le hem türk­men te­le­ke­çi­le­ri se­bi­tiň iri «akyl­ly» şä­he­ri bo­lan Ar­ka­dag şä­he­ri­niň hem döw­re­bap de­re­je­de ös­dü­ril­me­gin­de my­na­syp pa­ýa eýe­dir­ler.

Hä­zir­ki wagt­da Türk­me­nis­ta­ny se­na­gat­laş­dyr­mak bo­ýun­ça dur­mu­şa ge­çi­ril­ýän iş­ler esa­syn­da he­re­ket ed­ýän hu­su­sy kär­ha­na­lar alyp bar­ýan işi­niň ge­ri­mi­ni has-da gi­ňeld­ýär­ler. Olar in­no­wa­si­on teh­no­lo­gi­ýa­lar or­naş­dy­ry­lan hä­zir­ki za­man kär­ha­na­la­ry­ny gur­ýar­lar we döw­re­bap önüm­çi­lik­le­ri, tä­ze iş orun­la­ry­ny dö­red­ýär­ler. Hyz­mat­lar ul­ga­my­ny ös­dür­mä­ge uly go­şant goş­ýar­lar. Şeý­le hem içer­ki ba­za­ry azyk önüm­le­ri we hal­kyň sarp ed­ýän ha­ryt­la­ryny üp­jün et­mek bi­len bir ha­tar­da, ola­ryň art­ýan möç­be­ri­ni dün­ýä­niň 50-den gow­rak ýur­du­na eks­port ed­ýär­ler.

Ýurdumyzda ýe­ne-de mö­hüm se­na­gat des­ga­sy­nyň ulan­ma­ga be­ril­me­gi mu­kad­des Ga­raş­syz­ly­gy­my­zyň şan­ly 34 ýyl­ly­gy üçin my­na­syp sow­gat bol­dy.

Baýramtäç ORAZTAGANOWA,

Türkmen döwlet binagärlik-gurluşyk institutynyň

uly mugallymy.

Ber­ka­rar döw­le­tiň tä­ze eýýamynyň Galkynyşy döw­rün­de Ar­ka­dag­ly Gahryman Ser­da­ry­my­zyň pa­ra­sat­ly baş­tu­tan­ly­gyn­da Türk­me­nis­tan döw­le­ti­miz be­lent mak­sat­ly ösüş­le­ri bi­len ynam­ly öňe bar­ýar. Ýur­du­my­zyň hal­ka­ra de­re­je­sin­dä­ki ab­raý-mer­te­be­si bar­ha ýo­kar­lan­ýar. Hal­ka­ra pa­ra­hat­çy­lyk we yna­nyş­mak ýy­lyn­da ýur­du­myz äh­li pu­dak­lar­da ýo­ka­ry ne­ti­je­le­re eýe bol­ýar. Ta­ry­hyň gat­la­ry­na al­tyn harp­lar bi­len ýa­zyl­ýan her bir gü­nü­miz buý­san­dy­ry­jy wa­ka­la­ry bi­len kalp­la­ra dol­ýar.

19-njy sent­ýab­r­da ak mer­mer­li paý­tag­ty­myz­da Türk­me­nis­ta­nyň Halk Mas­la­ha­ty­nyň no­bat­da­ky mej­li­si ge­çi­ri­ler. Gahryman Arkadagymyzyň Türkmenistanyň Halk Mas­la­ha­ty­nyň Pre­zi­diu­my­nyň mej­li­sin­de bel­leý­şi ýa­ly, hal­ky­myz he­mi­şe­lik Bi­ta­rap Wa­ta­ny­my­zyň Ga­raş­syz­lyk to­ýu­ny uly zäh­met üs­tün­lik­le­ri­ne bes­läp, buý­sanç bi­len gar­şy al­ýar. Se­bä­bi bu se­ne Ga­raş­syz ýur­du­myz hem-de ag­zy­bir hal­ky­myz üçin aý­ra­tyn äh­mi­ýet­li, buý­sanç­ly, bi­ziň her bi­ri­mi­zi tä­ze, be­lent mak­sat­la­ra gal­kyn­dyr­ýan şan­ly wa­ka­dyr.

Jem­gy­ýe­tiň äh­li gat­lak­la­ry­nyň we­kil­le­ri­niň gat­naş­ma­gyn­da ge­çi­ril­me­gi dä­be öw­rü­len Türk­me­nis­ta­nyň Halk Mas­la­ha­ty­nyň alyp bar­ýan işi hem asyl­ly mak­sat­dan ugur al­ýar. On­da Ga­raş­syz döw­le­ti­mi­ziň ösü­şin­de ga­za­ny­lan üs­tün­lik­le­riň, ýe­ti­len sep­git­le­riň, ýe­ri­ne ýe­ti­ri­len iş­le­riň je­mi jem­len­ýär, döw­rüň ta­lap­la­ryn­dan, tä­ze yk­dy­sa­dy şert­ler­den ugur alyp, tä­ze ta­ry­hy dö­wür­de öň­de dur­ýan mö­hüm we­zi­pe­ler ara al­nyp mas­la­hat­la­şyl­ýar.

Döw­le­ti­mi­ziň ösü­şi­ne my­na­syp go­şant go­şan adam­la­ry döw­let sy­lag­la­ry­na we hor­mat­ly at­la­ra hö­dür­le­mek ba­ra­da­ky tek­lip­le­riň öňe sü­rül­me­gi, Halk Mas­la­ha­ty­nyň yk­bal­la­ry gül­le­di­ji eda­ra hök­mün­dä­ki or­nu­ny has beý­geld­ýär.

Ata-ba­ba­la­ry­myz il sy­lag­ly ýa­şu­lu­lar bi­len mas­la­hat gu­rap, jem­gy­ýe­tiň mö­hüm me­se­le­le­ri­ni çöz­mä­ge uly üns be­rip­dir­ler. Bu däp­ler hä­zir­ki dö­wür­de hem do­wam edip, döw­let­li iş­le­riň hal­kyň gat­naş­ma­gyn­da çö­zül­me­gi­ne giň müm­kin­çi­lik dö­red­ýär. Tä­ze ta­ry­hy dö­wür­de halk hä­ki­mi­ýe­ti­niň esas­la­ry­ny pug­ta­lan­dyr­mak, döw­let eda­ra­la­ry­nyň işi­ni kä­mil­leş­dir­mek ug­run­da mö­hüm ädim­ler ädil­ýär. Türk­me­nis­ta­nyň Halk Mas­la­ha­ty­nyň işi­niň giň­den do­wam et­di­ril­me­gi, jem­gy­ýe­tiň äh­li gat­lak­la­ry­nyň pi­ki­ri­niň ha­sa­ba alyn­ma­gy hem halk bäh­bit­le­ri­niň göz öňün­de tu­tul­ýan­dy­gy­nyň aý­dyň ny­şa­ny­dyr. Bu ýol döw­le­ti­mi­ziň we jem­gy­ýe­ti­mi­ziň gül­läp ösü­şi­ne, il-ýurt bäh­bit­li çöz­güt­le­riň ada­lat­ly we ne­ti­je­li ka­bul edil­me­gi­ne hyz­mat ed­ýär.

Mu­kad­des Ga­raş­syz­ly­gy­my­zyň şan­ly 34 ýyl­lyk baý­ra­my­nyň öň ýa­nyn­da Aş­ga­bat şä­he­rin­dä­ki Mas­la­hat köş­gün­de ge­çi­ril­jek Türk­me­nis­ta­nyň Halk Mas­la­ha­ty­nyň no­bat­da­ky mej­li­si he­mi­şe­lik Bi­ta­rap­ly­gy­my­zyň şan­ly 30 ýyl­ly­gy­nyň bel­le­nil­ýän­di­gi bi­len şöh­rat­lan­ýan ta­ry­hy äh­mi­ýet­li çä­re­le­ri­ň ha­ta­ryn­da my­na­syp orun alar. Hor­mat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da ber­ka­rar döw­le­ti­mi­ziň içe­ri we da­şa­ry sy­ýa­sa­ty­ny üs­tün­lik­li dur­mu­şa ge­çir­mek bo­ýun­ça gel­jek­de ama­la aşy­ryl­ma­ly iş­ler, ata Wa­ta­ny­my­zyň hal­ka­ra ab­ra­ýy­ny öň­kü­de­nem be­len­de gö­ter­mek­de, ra­ýat­la­ry­my­zyň ýa­şa­ýyş-dur­muş de­re­je­si­ni has-da ýo­kar­lan­dyr­mak­da öň­de dur­ýan we­zi­pe­ler ara al­nyp mas­la­hat­la­şyl­jak, hal­kyň, ýur­duň yk­ba­ly­na tä­si­ri­ni ýe­tir­jek ta­ry­hy çöz­güt­ler ka­bul edil­jek äh­li­halk fo­ru­my ge­ňeş­li hal­kyň bagt­ly halk­dy­gy­ny no­bat­da­ky ge­zek dün­ýä aýan eder.

Muhabbet Döwletowa,

Döwletmämmet Azady adyndaky Türkmen milli dünýä dilleri institutynyň mugallymy.

Türk­me­nis­ta­nyň Içe­ri iş­ler mi­nistr­li­gi­niň Döw­let ýan­gyn howp­suz­ly­gy gul­lu­gy ýur­du­myz­da­ky äh­li önüm­çi­lik se­na­gat kär­ha­na­la­ryn­da ýan­gyn howp­suz­lyk düz­gün­le­ri­niň ber­jaý edi­liş ter­ti­bi­ni kes­git­le­ýän gaý­ra­go­ýul­ma­syz çä­re­ler dog­ru­syn­da, ýan­gyn howp­suz­lyk düz­gün­le­ri­ni ber­jaý et­mek bo­ýun­ça mas­la­hat­la­ry bi­len ýüz­le­nip, ola­ryň bir­nä­çe­si­ni ýat­lad­ýar. Önüm­çi­lik we se­na­gat kär­ha­na­la­ry­nyň ýan­gy­na gar­şy ýag­da­ýy üçin jo­gap­kär­çi­lik, şeý­le-de Döw­let ýan­gyn gö­zeg­çi­li­gi gul­lu­gy­nyň hem-de ýan­gyn howp­suz­lyk bö­lü­mi­niň tab­şy­ryk­na­ma­la­ry­dyr tek­lip­le­ri­ni ýe­ri­ne ýe­tir­mek eda­ra-kär­ha­na­la­ryň ýol­baş­çy­la­ry­nyň üs­tü­ne ýük­le­nen­dir. Şeý­le bo­lan­soň, önüm­çi­lik we se­na­gat kär­ha­na­la­ryn­da önüm­çi­lik­de, bö­lüm­ler­de, gur­luş­lar­da, am­mar­lar­da, şo­nuň ýa­ly-da beý­le­ki önüm­çi­lik des­ga­la­ryn­da ýan­gyn howp­suz­ly­gy­ny üp­jün et­mek bo­ýun­ça iş­le­ri gu­ra­ma­ga, äh­li iş­gär­le­riň ýan­gyn howp­suz­lyk düz­gün­le­ri­ni ýe­ri­ne ýe­tir­mek­le­ri­ni üp­jün et­mä­ge, ýan­gyn-teh­ni­ki iş­çi to­par, meý­le­tin ýan­gyn to­par ag­za­la­ry­ny dö­ret­mä­ge, ýan­gyn sön­dü­ri­ji se­riş­de­le­ri al­mak üçin hök­ma­ny ma­li­ýe se­riş­de­le­ri­ni goý­ber­me­gi göz öňün­de tut­ma­ga önüm­çi­lik we se­na­gat kär­ha­na­la­ry­nyň ýol­baş­çy­la­ry borç­lu­dyr­lar.

Her bir iş­gär öz iş orun­la­ryn­da ýan­gy­na gar­şy äh­li çä­re­le­ri ýe­ri­ne ýe­ti­rip, iş ýe­ri­ne ýa-da bö­lü­me ber­ki­di­len ýan­gyn sön­dü­ri­ji en­jam­la­ry­nyň dog­ry sak­la­nyl­ma­gy­na gö­zeg­çi­lik et­me­li­dir. Eda­ra­-kär­ha­na­la­ryň her bir iş­gä­ri, öz iş ýe­rin­de ýa-da kär­ha­na­nyň beý­le­ki ýer­le­rin­de ýan­gyn howp­suz­lyk düz­gün­le­ri­niň bo­zu­lan­dy­gy­ny, ýan­gyn sön­dü­ri­ji en­jam­la­ryň, ara­gat­na­şyk se­riş­de­le­ri­niň baş­ga mak­sat­lar üçin ula­nyl­ýan­dy­gy ýü­ze çy­ka­ry­lan ýag­da­ýyn­da düz­gü­ni bo­zu­ja ha­ýal et­män duý­dur­ma­ga borç­lu­dyr. Ýan­gyn howp­suz­lyk düz­gün­le­ri­niň bo­zul­ma­gy müm­kin bo­lan ýer­ler­de, gör­ke­zi­len düz­gün­le­riň ta­lap­la­ry­ny wa­gyz ed­ýän su­rat­la­ry ýat­la­dy­jy gol­lan­ma­lar gör­nük­li edi­lip ýer­leş­di­ril­me­li­dir. Önüm­çi­lik we se­na­gat kär­ha­na­la­ry­na işe tä­ze ka­bul edi­len iş­gär­le­re, şo­nuň ýa­ly-da tej­ri­be­lik geç­mek üçin ýa-da wagt­la­ýyn işe ge­len hem­me iş­gär­le­re, şol san­da in­že­ner-teh­ni­ki iş­gär­le­re ýan­gyn howp­suz­ly­gy bo­ýun­ça gö­zük­dir­me bi­len gi­riş ta­nyş­ly­gy ge­çil­me­li­dir, bar bo­lan se­riş­de­ler­dir ýan­gyn ba­ra­da ha­bar ber­mek hem-de sön­dür­mek ul­gam­la­ry, olar­dan peý­da­lan­ma­gyň düz­gün­le­ri do­ly dü­şün­di­ril­me­li­dir, ýan­gyn dö­rän ýag­da­ýyn­da ýe­ri­ne ýe­tir­me­li he­re­ket­ler ba­ra­da söh­bet­deş­lik ge­çil­me­li­dir. Şeý­le-de il­kin­ji ýan­gyn sön­dü­ri­ji se­riş­de­le­ri­ni peý­da­lan­ma­gyň usul­la­ry­ny gör­kez­mek hem dü­şün­je­le­ri gi­ňelt­mä­ge ýar­dam eder.

Öý­den, iş ýe­rin­den çy­kyp git­mez­den öň elektrik-gaz aky­my bi­len iş­le­ýän en­jam­la­ryň öçü­ri­len­di­gi­ni bar­la­ma­gy unut­maň! Elekt­rik-gaz aky­myn­dan peý­da­la­ny­lan­da düz­gün­le­ri dog­ry ýe­ri­ne ýe­tir­mek bo­lup bi­läý­jek nog­san­lyk­la­ryň öňü­ni alar.

Kakamyrat Orazmyradow,

Aşgabat şäheriniň Polisiýa müdirliginiň Ýangyn howpsuzlygy bölüminiň 104-nji harbylaşdyrylan ýangyn howpsuzlyk bölüminiň DÝGB-nyň uly gözegçisi, içerki gullugyň maýory.

Ber­ka­rar ýur­du­myz­da yn­san sag­ly­gy­ny go­ra­mak, jem­gy­ýe­te sag­dyn dur­muş ýö­rel­ge­le­ri­ni or­naş­dyr­mak ba­bat­da ama­la aşy­ryl­ýan giň ge­rim­li iş­le­riň ne­ti­je­sin­de döw­le­ti­miz sag­dyn­ly­gyň hem ru­hu­be­lent­li­giň me­ka­ny­na öw­rül­di. Bu ugur­da ka­bul edi­len ka­nun­lar­dyr mak­sat­na­ma­lar «Il sag­ly­gy – ýurt baý­ly­gy» di­ýen ýö­rel­ge­den ugur al­mak bi­len, yn­san sag­ly­gy­ny go­ra­mak hem-de sag­ly­gy go­ra­ýyş ul­ga­my­nyň üp­jün­çi­li­gi­ni go­wu­lan­dyr­mak, sag­dyn dur­mu­şy ber­ka­rar et­mek ba­ra­da­ky ta­gal­la­la­ry özün­de jem­le­ýär.

Türk­men hal­ky­nyň Milli Lideri, Türk­me­nis­ta­nyň Halk Maslahatynyň Baş­ly­gy Gurbanguly Berdimuhamedow ta­ra­pyn­dan iş­le­nip dü­zü­len «Sag­lyk» Döw­let mak­sat­na­ma­sy­na la­ýyk­lyk­da, gys­ga dö­wür­de paý­tag­ty­myz Aş­ga­bat­da hem-de se­bit­le­ri­miz­de sag­ly­gy go­ra­ýyş-anyk­la­ýyş mer­kez­le­ri, kö­pu­gur­ly has­sa­ha­na­lar, şy­pa­ha­na­lar, der­man se­riş­de­le­ri­ni ön­dür­ýän kär­ha­na­lar gu­rul­dy. Ar­ka­dag şä­he­rin­de ýer­leş­ýän Gurbanguly Berdimuhamedow adyn­da­ky Ho­wan­dar­ly­ga mä­täç ça­ga­la­ra he­ma­ýat ber­mek bo­ýun­ça ha­ýyr-sa­ha­wat gaz­na­sy gel­je­gi­miz bo­lan ýaş ne­sil­le­riň sag­ly­gy­ny go­ra­mak we di­kelt­mek bi­len bag­ly örän mö­hüm iş­le­ri alyp bar­ýar. Hä­zir­ki dö­wür­de eziz Di­ýa­ry­myz­da dün­ýä­niň öň­de­ba­ry­jy ön­dü­ri­ji­le­ri­niň kä­mil en­jam­la­ry bi­len üp­jün edi­len be­je­riş-anyk­la­ýyş, yl­my-kli­ni­ki mer­kez­ler, döw­re­bap has­sa­ha­na­lar hal­ky­my­za hyz­mat ed­ýär.

Bü­tin­dün­ýä Sag­ly­gy Go­ra­ýyş Gu­ra­ma­sy­nyň Ýer ýü­zü­niň ila­ty­nyň sag­ly­gy­ny go­ra­mak bi­len bag­la­ny­şyk­ly ça­gy­ryş­la­ry­na ýur­du­my­zyň il­kin­ji­le­riň ha­ta­ryn­da ses­len­ýän­di­gi­ne dün­ýä jem­gy­ýet­çi­li­gi şa­ýat­dyr. Türk­me­nis­tan­da Mer­ke­zi Azi­ýa we GDA döw­let­le­ri­niň ara­syn­da bi­rin­ji, dün­ýä­de dör­dün­ji bo­lup na­har du­zu­ny ýod­laş­dyr­mak, uny de­mir we fo­liý tur­şu­sy bi­len baý­laş­dyr­mak do­ly ýo­la go­ýul­dy. Ýur­du­myz­da BSGG-niň ne­sil ön­dür­mä­ge ukyp­ly ýaş­da­ky ze­nan­la­ryň, bäş ýa­şa çen­li ça­ga­la­ryň ara­syn­da ga­naz­ly­gyň (ane­mi­ýa) agyr gör­nüş­le­ri­ni ýok et­mek, or­ta agyr­lyk­ly we ýe­ňil gör­nüş­le­ri­ni azalt­mak, ça­ga ýo­kanç ke­sel­le­ri­ne gar­şy gö­reş­mek ba­ra­da­ky ça­gy­ryş­la­ry­na anyk çä­re­ler ge­çi­ri­lip, uly üs­tün­lik­ler ga­za­nyl­dy. Bü­tin­dün­ýä Sag­ly­gy Go­ra­ýyş Gu­ra­ma­sy­nyň ene süý­di bi­len em­dir­me­gi gol­da­ma­ga gö­nük­di­ri­len düz­gün­le­ri enä­niň we ça­ga­nyň sag­ly­gy­ny go­ra­ýan luk­man­çy­lyk eda­ra­la­ry­nyň äh­li­si di­ýen ýa­ly öz­leş­di­rip, «Ça­ga mä­hir­li gat­na­şyk­ly has­sa­ha­na» di­ýen ada my­na­syp bol­dy.

He­mi­şe­lik Bi­ta­rap­ly­gy­my­zyň şan­ly 30 ýyl­lyk baý­ra­my­ny toý­la­ýan ýy­ly­myz «Hal­ka­ra pa­ra­hat­çy­lyk we yna­nyş­mak ýy­ly» diý­lip yg­lan edil­di. He­mi­şe­lik Bi­ta­rap­lyk ýö­rel­gä­miz ýur­du­my­za be­lent ab­raý, şan-şöh­rat ge­tir­ýär. Şan­ly ýy­ly­my­zyň şy­ga­ry Ar­ka­dag­ly Gah­ry­man Ser­da­ry­my­zyň ata Wa­ta­ny­my­zyň hem­me­ta­rap­la­ýyn pa­jar­lap ös­me­gi ba­bat­da­ky döw­let­li tu­tum­la­ry­ny, yn­san­per­wer ýö­rel­ge­le­ri­ni bü­tin aý­dyň­ly­gy bi­len ala­mat­lan­dyr­ýar.

Ýazgül BEGLIÝEWA,

Myrat Garryýew adyndaky Türkmenistanyň Döwlet lukmançylyk uniwersitetiniň mugallymy.

Da­ni­ýa­da Or­hus aý­la­gyn­da su­wuň aşa­gyn­da ge­çi­ri­len bar­lag­lar­da ga­dy­my ilat­ly no­ka­dyň ga­lyn­dy­la­ry ýü­ze çy­ka­ryl­dy. Ar­heo­log­lar ta­pyn­dy­nyň 8 müň 500 ýyl­lyk ta­ry­hy­nyň bar­dy­gy­ny çak­la­ýar­lar. Pe­ter Mo Ast­ru­pyň ýol­baş­çy­ly­gyn­da­ky ar­heo­log­lar şä­he­riň soň­ky buz eý­ýa­my gu­ta­ran­dan soň­ra de­ňiz de­re­je­si­niň ýo­ka­ry gal­ma­gy ne­ti­je­sin­de ke­nar­ýa­ka şä­he­riň su­wuň aşa­gyn­da ga­lan­dy­gy­ny bel­le­ýär­ler. Alym­la­ryň pi­ki­ri­çe, bu­zuň ere­me­gi ne­ti­je­sin­de su­wuň de­re­je­si bir asy­ryň do­wa­myn­da bir­nä­çe metr beý­ge­lip­dir. Ne­ti­je­de, ke­nar­ýa­ka­da ýa­şa­ýan ilat de­ňiz­den has uzak ýer­le­re gö­çüp­dir. Ga­zuw-ag­ta­ryş iş­le­ri­niň ne­ti­je­sin­de köp san­ly ta­ry­hy eser hem ýü­ze çy­ka­ryl­dy. Ola­ryň ara­syn­da daş gu­ral­lar, peý­kam­lar, agaç­dan ýa­sa­lan se­riş­de­ler bar.

Umyt KAKABAÝEW,

Türkmenistanyň Telekommunikasiýalar we informatika institutynyň talyby.

ABŞ-nyň Keýp Kod ýa­rym ada­sy­nyň go­la­ýyn­da ge­çi­ri­len bu­raw­la­ýyş iş­le­ri­niň ne­ti­je­sin­de um­ma­nyň düý­bün­de ga­ra­şy­lan­dan has köp muk­dar­da süý­ji suw ýa­ta­gy ta­pyl­dy. Alym­lar bu suw go­ru­nyň bu­zuň ere­me­gi ýa-da ýa­gyn su­wu­nyň ýe­ras­ty su­wa ga­ryş­ma­gy ne­ti­je­sin­de eme­le ge­len­di­gi­ni çak­la­ýar­lar. Bu açyş suw ýet­mez­çi­li­gi bolan ke­nar­ýa­ka ýer­ler­de hem su­wuň bo­lup bil­jek­di­gi­ni gör­kez­ýär. Em­ma deň­ziň düý­bün­dä­ki ýe­ras­ty su­wy çy­kar­mak adat­da­ky­dan has kyn bo­lar. Bu ýer­den ta­py­lan su­wuň la­bo­ra­to­ri­ýa­da öw­re­nil­jek­di­gi mä­lim edil­di. Yl­my bar­la­ga gat­na­şan Bran­don Dýu­gan açy­şyň äh­mi­ýet­li­di­gi­ne ün­si çe­kip, «Ýer ýü­zün­de süý­ji su­wuň göz­le­nip bi­lin­jek iň soň­ky ýe­ri­ şor suw­ly um­ma­nyň as­ty­dyr. Ýag­ny bu düý­bün­den baş­ga bir syr. Süý­ji suw il­ki­baş­da çak­la­ý­şy­myz­dan has saý ýer­de ta­pyl­dy we has çuň­luk­la­ra uzap gid­ýär. Bu bol­sa, çak edi­şi­miz­den has köp möç­ber­de su­wuň bar­dy­gy­ny aň­lad­ýar» di­ýip bel­le­di.

Selbi ANNAMYRADOWA,

Ýagşygeldi Kakaýew adyndaky

Halkara nebit we gaz uniwersitetiniň talyby.

Ýew­ro­pa Bi­le­le­şi­gi VISA, «Mas­tercard» we «App­le Pay» ýa­ly hal­ka­ra tö­leg ul­gam­la­ry­na ga­raş­ly­ly­gy azalt­mak mak­sa­dy bi­len san­ly ýew­ro tas­la­ma­sy­ny taý­ýar­la­ýar. 5 ýyl ozal Ýew­ro­pa­nyň Mer­ke­zi Ban­ky ta­ra­pyn­dan baş­la­nan tas­la­ma­nyň çäk­le­rin­de döw­let ta­ra­pyn­dan ke­pil­len­di­ril­ýän san­ly tö­leg se­riş­de­si­niň dö­re­dil­me­gi mak­sat edi­nil­ýär.

Da­ni­ýa ýy­lyň ba­şyn­da Ýew­ro­pa Bi­le­le­şi­gi­niň dö­wür­le­ýin baş­lyk­ly­gy­ny ka­bul edip­di. Ýurt 6 aý do­wam ed­ýän bu dö­wür­de san­ly ýew­ro tas­la­ma­sy­ny dur­mu­şa ge­çir­me­gi me­ýil­leş­dir­ýär.

Hä­zir­ki wagt­da Ýew­ro­pa Bi­le­le­şi­gi­ne ag­za 20 ýurt ýew­ro pul bir­li­gi­ni ulan­ýar.

Mähri GURBANOWA,

Halkara ynsanperwer ylymlary we ösüş uniwersitetiniň talyby.

«For­bes» žur­na­ly «Un­for­get­tab­le» sy­ýa­hat­çy­lyk kom­pa­ni­ýa­sy bi­len bi­le­lik­de dün­ýä­niň iň owa­dan 50 oba­sy­nyň sa­na­wy­ny taý­ýar­la­dy. Sa­na­wyň ba­şyn­da Ang­li­ýa­nyň Glos­ter­şir graf­ly­gyn­da­ky Bi­be­ri oba­sy bar. Gö­zel te­bi­gat­ly oba­da sy­ýa­hat­çy­la­ra ni­ýet­le­nen ka­fe we res­to­ran ýa­ly ýer­ler bar. Sa­na­wyň il­kin­ji on­lu­gy­na gi­ren ýer­le­riň 8-si Ýew­ro­pa­da ýer­leş­ýär. Awst­ri­ýa­nyň Hallş­tatt oba­sy ikin­ji, Nor­we­gi­ýa­nyň Nur­lann se­bi­ti­niň Lo­fo­ten ada­syn­da­ky Reý­ne oba­sy üçün­ji bo­lup­dyr. Şeý­le hem sa­naw­da Git­horn (Ni­der­land­lar), Ga­sa­da­lur (Far­er ada­la­ry, Da­ni­ýa), Iýa (Gre­si­ýa), Bur­tanž (Ni­der­land­lar), Ko­tor (Mon­te­neg­ro), Si­ra­ka­wa-go (Ýa­po­ni­ýa) we Ba­tad (Fi­lip­pin­ler) bar.

Alyhan NAZAROW,

Türkmenistanyň Telekommunikasiýalar we informatika institutynyň talyby.

Yn­san­per­wer­lik türk­men hal­ky­nyň asyr­la­ryň jüm­mü­şin­den göz­baş al­ýan aja­ýyp ýö­rel­ge­le­ri­niň bi­ri­dir. Türk­men hal­ky uzak ta­ry­hy dö­wür­ler­den bä­ri ne­sil­le­riň be­den we ru­hy sag­dyn­ly­gy­na, maş­ga­la däp­le­ri­ne, edep-ek­ra­ma, adam­kär­çi­li­ge, pä­him-paý­ha­sa, zäh­me­te uly äh­mi­ýet be­rip gel­ýär. Mer­da­na ata-ba­ba­la­ry­myz bu mu­kad­des ýö­rel­ge­le­ri asyr­la­ryň do­wa­myn­da kä­mil­leş­di­rip, baý­laş­dy­ryp, ne­sil­ler­den-ne­sil­le­re ge­çi­rip­dir­ler.

Hä­zir­ki dö­wür­de ýur­du­myz­da yn­san­per­wer­lik ýö­rel­ge­le­ri has hem iş­jeň ös­dü­ril­ýär. Ýur­du­my­zyň ýa­şa­jyk ra­ýat­la­ry söý­gi we ala­da bi­len gur­şal­ýar, maş­ga­la gol­daw ber­mek, ene­li­gi, ça­ga­ly­gy go­ra­mak, ýaş nes­le döw­re­bap ter­bi­ýe we bi­lim ber­mek ug­run­da uly ala­da­ edil­ýär. Beý­le­ki ýurt­la­ryň ra­ýat­la­ry­na hem yn­san­per­wer­lik kö­me­gi­niň be­ril­me­gi hemişelik Bi­ta­rap Türk­me­nis­ta­nyň yn­san­per­wer­lik, hoş­ni­ýet­li goň­şu­çy­lyk, öza­ra gol­daw ber­mek ýö­rel­ge­le­ri­ne yg­rar­ly­dy­gy­ny gör­kez­ýär.

Go­laý­da ýur­du­myz Ow­ga­nys­ta­nyň ýer­tit­re­me­den ejir çe­ken ça­ga­la­ry­na we ýa­şaý­jy­la­ry­na yn­san­per­wer­lik kö­me­gini ber­di. Mu­nuň özi ýur­du­myz­da hor­mat­ly Pre­zi­den­ti­mi­ziň baş­tu­tan­ly­gyn­da türk­men hal­ky­nyň dün­ýä nus­ga­lyk asyl­ly ýö­rel­ge­le­ri­niň hä­zir­ki döw­rüň ru­hu­na ky­bap de­re­je­de do­wam et­di­ril­ýän­di­gi­niň no­bat­da­ky be­ýa­ny­dyr.

Hor­mat­ly Pre­zi­den­ti­mi­ziň gol çe­ken Buý­ru­gy­na la­ýyk­lyk­da, goň­şy ow­gan hal­ky­na, ýer­tit­re­me­den ejir çe­ken ça­ga­la­ry­na dok­ma, azyk önüm­le­ri, egin-eşik­ler hem-de dur­muş­da ze­rur bo­lan beý­le­ki önüm­ler yn­san­per­wer­lik kö­me­gi hök­mün­de ug­ra­dyl­dy.

Ýur­du­myz öza­ra kö­mek ber­me­giň kö­pa­syr­lyk däp­le­ri­ne eýe­rip, ozalky ýyllarda Rus­si­ýa Fe­de­ra­si­ýa­sy­nyň Ast­ra­han we­la­ýa­ty­na, Ow­ga­nys­ta­na, Eý­ra­na, Pa­les­ti­na, Tür­ki­ýe Res­pub­li­ka­sy­na hem yn­san­per­wer­lik kö­me­gi­ni ug­ra­dyp­dy.

Türk­men hal­ky­nyň ga­dym­dan gel­ýän mä­tä­ji gol­da­mak, oňa kö­mek ber­mek ýa­ly ýö­rel­ge­le­ri­ne eýer­mek bi­len, Gurbanguly Berdimuhamedow adyn­da­ky Ho­wan­dar­ly­ga mä­täç ça­ga­la­ra he­ma­ýat ber­mek bo­ýun­ça ha­ýyr-sa­ha­wat gaz­na­sy dün­ýä­niň dür­li ýurt­la­ry­nyň he­läk­çi­lik­ler ze­rar­ly ejir çe­ken ça­ga­la­ry­na we ila­ty­na yn­san­per­wer­lik kö­me­gi­ni ber­ýär. Bu bol­sa halk­la­ryň ara­syn­da dost-do­gan­ly­gyň pug­ta­lan­dy­ryl­ma­gy­na ýar­dam ed­ýär.

Ar­ka­dag şä­he­rin­de ýer­leş­ýän Gurbanguly Berdimuhamedow adyn­da­ky Ho­wan­dar­ly­ga mä­täç ça­ga­la­ra he­ma­ýat ber­mek bo­ýun­ça ha­ýyr-sa­ha­wat gaz­na­sy gel­je­gi­miz bo­lan ýaş ne­sil­le­riň sag­ly­gy­ny go­ra­mak we di­kelt­mek bi­len bag­ly örän mö­hüm iş­le­ri hem alyp bar­ýar.

Dost-do­gan­lyk, gol­da­wa mä­täç­le­re duý­gu­daş­lyk bil­dir­mek hem-de kö­mek et­mek mil­le­ti­mi­ziň yn­san­per­wer ýörel­ge­le­ri­niň aý­ryl­maz bö­le­gi­dir. Şu­nuň ýa­ly yn­san­per­wer­lik kö­me­gi çyl­şy­rym­ly dur­muş ýag­da­ýy­na dü­şen adam­lar üçin ru­hy da­ýan­ja öw­rül­ýär. Ösüp gel­ýän ýaş nes­liň aba­dan, bag­ty­ýar dur­mu­şy­ny üp­jün et­mek me­sele­le­ri­ni he­mi­şe üns mer­ke­zin­de sak­la­ýan Gahryman Arkadagymyz Gurbanguly Berdimuhamedowyň baş­lan­gy­jy esa­syn­da dö­re­di­len ha­ýyr-sa­ha­wat gaz­na­sy­nyň alyp bar­ýan işi­niň bin­ýa­dyn­da türk­men hal­ky­nyň asyl­ly, ynsan­per­wer gym­mat­lyk­la­ry du­ran­dyr.

Gaz­na esas­lan­dy­ry­lan pur­sa­dyn­dan bä­ri iş ugur­la­ry­ny yzy­gi­der­li gi­ňelt­mek we hal­ka­ra hyz­mat­daş­ly­gy iş­jeňleş­dir­mek mak­sa­dy bi­len, giň ge­rim­li çä­re­le­ri dur­mu­şa ge­çir­ýär. Ça­ga­lar, ola­ryň sag­ly­gy we saz­la­şyk­ly ösü­şi ba­ra­da hem­me­ta­rap­la­ýyn ala­da Türk­me­nis­ta­nyň döw­let sy­ýa­sa­ty­nyň esa­sy ugur­la­ry­nyň bi­ri­dir. Türk­men halky­nyň Mil­li Li­de­ri Gurbanguly Berdimuhamedowyň bel­leý­şi ýa­ly, ha­ýyr-sa­ha­wat gaz­na­sy­nyň alyp bar­ýan işiniň esa­sy mak­sa­dy di­ňe bir ýaş türk­me­nis­tan­ly­la­ry däl, eý­sem, ze­rur­lyk bo­lan ýag­da­ýyn­da beý­le­ki ýurt­la­ryň ça­ga­la­ry­ny hem gol­da­mak­dan yba­rat­dyr. Çün­ki ýaş ne­sil bi­ziň gel­je­gi­miz­dir. Gaz­na ta­ra­pyn­dan bir­nä­çe döwlet­iň ça­ga­la­ry­na yn­san­per­wer­lik kö­mek­le­ri­niň be­ril­me­gi mu­nuň aý­dyň gü­wä­si­dir. Şeý­le­lik­de, ha­ýyr-sa­hawat gaz­na­sy­nyň alyp bar­ýan işi ýurt­la­ryň we halk­la­ryň ara­syn­da dost-do­gan­lyk gat­na­şyk­la­ry­nyň pug­ta­lan­dyryl­ma­gy­na hem ýar­dam ber­ýär.

Altyn USSAÝEWA,

S.A.Nyýazow adyndaky Türkmen oba hojalyk

uniwersitetiniň uly mugallymy.

Hal­ka­ra pa­ra­hat­çy­lyk we yna­nyş­mak ýy­lyn­da ak ar­zuw­lar, be­lent mak­sat­lar bi­len mu­kad­des Ga­raş­syz­ly­gy­my­zyň 34 ýyl­lyk, he­mi­şe­lik Bi­ta­rap­ly­gy­my­zyň 30 ýyl­lyk to­ýu­ny uly ru­hu­be­lent­lik bi­len bel­lä­ris. Ýur­du­myz Ga­raş­syz­ly­gyna, he­mi­şe­lik Bi­ta­rap­ly­gyna eýe bo­lan­dan soň mäh­ri­ban Di­ýa­ry­myz­da da­ba­ra­ly toý tu­tu­lyp, baý­ram edi­lip bel­le­nil­ýän şan­ly se­ne­ler wa­tan­daş­la­ry­my­zyň her bi­ri­niň buý­san­jy­na, mil­li mer­te­be­si­ne, gu­wan­jy­na, şat­ly­gy­na, gö­bek ga­ny­nyň da­man top­ra­gy­na bo­lan çäk­siz söý­gü­si­ne öw­rül­di. Her ýyl­da bel­le­nil­ýän Türk­me­nis­ta­nyň Ga­raş­syz­ly­gy­nyň baý­ra­my bol­sa şol şan­ly se­ne­le­riň, toý-baý­ram­la­ryň iň bir naý­ba­şy­sy, ýü­re­gi­mi­ze ýa­ky­ny diý­sek ha­ky­kat­dan daş düş­me­ris. 

Bu gün biz göz gu­wan­jy­myz, ýü­rek ýa­gy­myz, bagt­dan pü­re-pür şu gü­nü­miz, has ro­waç bol­jak er­ti­ri­miz bi­len berk bag­la­nyş­dyr­ýan şan­ly Ga­raş­syz­ly­gy­my­zyň 34 ýyl­lyk to­ýu­na bar­ýa­rys. Be­ýik Ga­raş­syz­ly­gy­my­zyň şan­ly toý-da­ba­ra­la­ry ýa­kyn­laş­dy­gy­ça ata Wa­ta­ny­my­za buý­san­jy­myz has art­ýar. Çün­ki Ga­raş­syz­lyk bi­ziň döw­le­ti­miz üçin ne­ti­je­li hal­ka­ra hyz­mat­daş­ly­gy ýo­la goý­mak­da, yg­ty­bar­ly we öza­ra bäh­bit­li gat­na­şyk­la­ry ös­dür­mek­de, hyz­mat­daş­ly­gyň uzak möh­let­le­ýin, gel­je­gi uly ugur­la­ry­ny gi­ňelt­mek­de giň müm­kin­çi­lik­le­ri aç­dy. Hä­zir­ki wagt­da Ga­raş­syz, he­mi­şe­lik Bi­ta­rap Türk­me­nis­tan dün­ýä gi­ňiş­li­gin­de my­na­syp orun eýe­le­ýär. Bi­ziň ýur­du­myz hyz­mat­daş­ly­gyň hal­ka­ra, se­bit we döw­le­ta­ra dü­züm­le­ri­niň iş­jeň ag­za­sy bol­mak bi­len, deň­hu­kuk­ly, öza­ra bäh­bit­li gat­na­şyk­la­ry dur­mu­şa ge­çir­ýär hem-de pa­ra­hat­çy­lyk me­de­ni­ýe­ti­niň we yna­nyş­mak de­re­je­si­niň pug­ta­lan­dy­ryl­ma­gy­na uly go­şant goş­ýar.

Hal­ka­ra pa­ra­hat­çy­lyk we yna­nyş­mak ýy­lyn­da BMG bi­len Türk­me­nis­ta­nyň öza­ra je­bis­lik­de dün­ýä­niň asu­da­ly­gy­ny üp­jün et­mek ug­run­da alyp bar­ýan ta­gal­la­la­ry pa­ra­hat­çy­ly­gyň ta­rap­da­ry bo­lan kal­by nu­ra­na her bir yn­sa­nyň be­lent gol­da­wy­na eýe bol­ýar. Gahryman Arkadagymyzyň «Ösüş ar­ka­ly pa­ra­hat­çy­lyk», «Dia­log – pa­ra­hat­çy­ly­gyň ke­pi­li» at­ly şy­gar­la­ry­nyň pa­ra­hat­çy­lyk we dost­luk-do­gan­lyk gat­na­şyk­la­ry­nyň ke­pi­li­di­gi­ni su­but ed­ýär. Ata-ba­ba­la­ry­myz kuw­wat­ly döw­let­le­ri dö­re­dip, pa­ra­hat ýa­şaý­şy, hoş­ni­ýet­li goň­şu­çy­ly­gy ýö­rel­ge edi­nip, goň­şy we alys­da­ky halk­lar bi­len yna­ny­şyk­ly gat­na­şyk­la­ry ýo­la go­ýup­dyr­lar. Şol baş­lan­gyç­lar­dan göz­baş alyp gaýd­ýan ýol-ýö­rel­ge­ler ynanç-yg­ty­kat­lar hal­ky­my­zyň ýa­şa­ýyş me­de­ni­ýe­ti­niň esa­sy­ny düz­ýär. Ol il­ki­baş­da Oguz ha­nyň döw­let­li­lik ýol-ýö­rel­ge­le­rin­de ýü­ze çy­kyp, soň­ra asyr­la­ryň sy­na­gyn­dan ge­çip, Mag­tym­gu­ly Py­ra­gy­nyň pä­him-paý­ha­syn­da giň­den açyl­ýar. Ar­ka­dag­ly Gah­ry­man Ser­da­ry­my­zyň bel­leý­şi ýa­ly, şol tä­sir­li gym­mat­lyk­la­ry tä­ze­den adam­za­dyň ýa­şa­ýyş ýö­rel­ge­le­ri­ne öwür­mek, bi­ziň döw­rü­miz­de mö­hüm äh­mi­ýe­te eýe bol­ýar. Ga­raş­syz­lyk ýyl­la­ryn­da şu esas­da Gah­ry­man Arkadagymyz ta­ra­pyn­dan iş­le­nip öňe sür­len «Döw­let adam üçin­dir!», «Hal­ka da­ýa­nyp, hal­kyň ha­ty­ra­sy­na» di­ýen ýö­rel­ge­ler he­mi­şe­lik Bi­ta­rap Türk­me­nis­ta­nyň içe­ri we da­şa­ry sy­ýa­sa­ty­nyň ma­ny-maz­mu­ny­ny düz­ýär. Türk­men Bi­ta­rap­ly­gy­nyň BMG-niň Baş As­samb­le­ýa­sy­nyň şu ýy­lyň 21-nji mar­tyn­da ge­çen 79-njy ses­si­ýa­sy­nyň 61-nji ple­nar mej­li­sin­de üçün­ji ge­zek ka­bul edi­len «Türk­me­nis­ta­nyň he­mi­şe­lik Bi­ta­rap­ly­gy» at­ly Ka­rar­na­ma­syn­da gol­da­nyl­an­dy­gy we oňa ýo­ka­ry ba­ha ber­len­di­gi örän buý­sanç­ly­dyr.

Türk­me­nis­ta­nyň he­mi­şe­lik Bi­ta­rap­ly­gy pä­him­dar pe­der­le­ri­mi­ziň ga­dy­my­ýet­den göz­baş al­ýan mil­li däp-des­sur­la­ry­nyň we yn­san­per­wer ýö­rel­ge­le­ri­niň do­wa­my bo­lup, ta­ryh­da şöh­rat­ly sa­hy­pa­ny aç­dy. Ata Wa­ta­ny­my­zyň Bi­ta­rap­ly­ga eýe bol­ma­gy onuň ber­ka­rar­lyk bin­ýa­dy­ny has-da ber­kit­di. Türk­men Bi­ta­rap­ly­gy­nyň ga­dy­my kök­le­ri gep­le­şik­le­re, yla­la­şyk­la­ra, öza­ra yna­nyş­mak­ly­ga da­ýan­ýar. Hut şu ýö­rel­ge­ler­den ugur al­ýan Bi­ta­rap­lyk sy­ýa­sa­ty­my­zyň esa­sy mak­sa­dy­nyň halk­la­ry je­bis­leş­dir­mek­den, oň­şuk­ly, bi­rek-bi­re­ge gol­daw-he­ma­ýat­ly ýa­şa­ma­gy wa­gyz et­mek­den yba­rat­dy­gy bel­len­mä­ge my­na­syp­dyr. Gahryman Arkadagymyz «Ýa­şa­syn pa­ra­hat dur­muş» at­ly goş­gu­syn­da «Halk­lar – bir je­bis maş­ga­la, Ýa­şa­syn pa­ra­hat dur­muş!» di­ýip, tu­tuş adam­za­dy pa­ra­hat, bir bi­te­wi maş­ga­la ýa­ly je­bis bol­ma­ga ça­gyr­ýar. Dün­ýä­de pa­ra­hat­çy­ly­gy pug­ta­lan­dyr­mak we ýurt­la­ryň ara­syn­da dost­luk­ly hyz­mat­daş­ly­gy ýo­la goý­mak, bi­rek-bi­re­gi gol­da­mak he­mi­şe gül­läp ösü­şe alyp bar­ýar. Hor­mat­ly Pre­zi­den­ti­miz «Ýaş­lar – Wa­ta­nyň da­ýan­jy» at­ly ki­ta­byn­da şeý­le bel­le­ýär: «Ga­raş­syz, he­mi­şe­lik Bi­ta­rap Türk­me­nis­tan dün­ýä üçin he­mi­şe açyk­dyr. Biz Ýer ýü­zün­de asu­da­ly­gy, howp­suz­ly­gy ber­kit­mek üçin gel­jek­de-de äh­li ze­rur iş­le­ri ama­la aşy­ra­rys». Şu pa­ra­sat­ly söz­ler­den gör­nü­şi ýa­ly, ýur­du­my­zyň öňe sür­ýän baş­lan­gyç­la­ry pa­ra­hat­çy­lyk sö­ýü­ji­lik ýö­rel­ge­le­rin­den, oňyn Bi­ta­rap­lyk sy­ýa­sa­tyn­dan göz­baş al­ýar. Ýer ýü­zün­de pa­ra­hat­çy­lyk sö­ýü­ji­lik ýö­rel­ge­si­ni wa­gyz et­mek, se­bit­de we dün­ýä­de hoş­ni­ýet­li hyz­mat­daş­ly­gy ös­dür­mek asyl­ly mak­sat­la­ry­myz bo­lup dur­ýar.

Hal­ky­my­zyň go­şa ga­na­ty – mu­kad­des Ga­raş­syz­ly­gy­myz we he­mi­şe­lik Bi­ta­rap­ly­gy­myz ba­şy­my­zyň tä­ji­dir. Bu go­şa bag­tyň sa­ýa­syn­da döw­let­li Di­ýa­ry­my­za di­ňe be­lent ösüş­ler ýar bol­sun. Asu­da Wa­ta­ny­my­zyň ba­şyn­da du­ran türk­men hal­ky­nyň Mil­li Li­de­ri Gah­ry­man Ar­ka­da­gy­my­zyň, Arkadagly Gahryman Serdarymyzyň jan­la­ry sag, ömür­le­ri uzak, il-ýurt bäh­bit­li iş­le­ri he­mi­şe ro­waç bol­sun!

Gurbanmagtym GULGELDIÝEW,

Myrat Garryýew adyndaky Türkmenistanyň Döwlet lukmançylyk uniwersitetiniň ortopedik we hirurgik stomatologiýa kafedrasynyň assistenti, lukmançylyk ylymlarynyň kandidaty.

9-njy sentýabrda Ahal welaýatynyň Ak bugdaý etrabynyň Öňaldy geňeşliginde täze, döwrebap Döwletli mekan obasynyň açylyş dabarasy geçirildi. Ol Watanymyzyň mukaddes Garaşsyzlygynyň 34 ýyllyk baýramynyň öňüsyrasynda welaýatyň ýaşaýjylary üçin ajaýyp sowgat boldy.

Da­ba­ra ýer­li öz-özü­ňi do­lan­dy­ryş eda­ra­la­ry­nyň ýol­baş­çy­la­ry, Türk­me­nis­ta­nyň Mej­li­si­niň, we­la­ýat we et­rap halk mas­la­hat­la­ry­nyň, jem­gy­ýet­çi­lik gu­ra­ma­la­ry­nyň we­kil­le­ri, hor­mat­ly ýa­şu­lu­lar, et­ra­byň ýa­şaý­jy­la­ry gat­naş­dy­lar. We­la­ýa­tyň sun­gat us­sat­la­ry­nyň bu ýer­de ýaý­baň­lan­dy­ry­lan çy­kyş­la­ry da­ba­ra gat­na­şy­jy­la­ryň toý şat­ly­gy­ny be­len­de gö­ter­di.

Soň­ra döw­let Baş­tu­ta­ny­my­zyň Ahal we­la­ýa­ty­nyň Ak bug­daý et­ra­by­nyň Öňal­dy ge­ňeş­li­gin­de tä­ze, döw­re­bap Döw­let­li me­kan oba­sy­nyň açy­lyş da­ba­ra­sy­na gat­na­şy­jy­la­ra ibe­ren Gut­la­gy okal­dy. Gut­lag­da bel­le­ni­li­şi ýa­ly, Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de ýur­du­my­zyň her bir ra­ýa­ty türk­men hal­ky­nyň Mil­li Li­de­ri Gah­ry­man Ar­ka­da­gy­my­zyň «Döw­let adam üçin­dir!» di­ýen şy­ga­ry­nyň do­wa­my bo­lan «Wa­tan di­ňe hal­ky bi­len Wa­tan­dyr! Döw­let di­ňe hal­ky bi­len döw­let­dir!» di­ýen sy­ýa­sa­ty­my­zyň iş ýü­zün­de ama­la aşy­ryl­ýan­dy­gy­ny öz dur­mu­şyn­da gör­ýär. Baý­ram­çy­lyk gün­le­rin­de ulan­ma­ga be­ril­ýän tä­ze, döw­re­bap oba­la­ry, şä­her­çä­ni, dur­muş mak­sat­ly bi­na­la­ry syn­la­ma­ga göz ge­rek. Hal­ka­ra öl­çeg­le­re la­ýyk gel­ýän şeý­le gur­lu­şyk tas­la­ma­la­ry­nyň türk­men gur­lu­şyk­çy­la­ry­nyň güý­ji bi­len ýe­ri­ne ýe­ti­ril­ýän­di­gi aý­ra­tyn buý­san­dy­ry­jy­dyr.

Da­ba­ra­nyň do­wa­myn­da çy­kyş eden­ler döw­re­bap oba­nyň açy­lyp ulan­ma­ga be­ril­me­gi­niň we­la­ýa­tyň ýa­şaý­jy­la­ry üçin ýat­dan çyk­ma­jak wa­ka öw­rü­len­di­gi­ni bel­läp, hal­ky­my­zyň aba­dan­çy­ly­gy­nyň, Wa­ta­ny­my­zyň gül­läp ös­me­gi­niň bäh­bi­di­ne uly ta­gal­la­la­ry ed­ýän Gahryman Arkadagymyza we Ar­ka­dag­ly Gah­ry­man Serdarymyza tüýs ýü­rek­den ho­şal­lyk­la­ry­ny be­ýan et­di­ler. Soň­ra da­ba­ra gat­na­şy­jy­lar tä­ze Döw­let­li me­kan oba­syn­da dö­re­di­len müm­kin­çi­lik­ler bi­len ta­nyş­dy­lar.

Tä­ze oba 400 sa­ny ýa­şa­ýyş ja­ýy­ny, ge­ňeş­li­giň eda­ra bi­na­sy­ny, sag­lyk öýü­ni, 640 orun­lyk or­ta mek­de­bi, 320 orun­lyk ça­ga­lar ba­gy­ny, söw­da mer­ke­zi­ni özün­de jem­le­ýär. Bu ýer­de döw­re­bap ýol-ulag, ara­gat­na­şyk, suw, elekt­rik, gaz üp­jün­çi­lik hem-de la­gym ul­gam­la­ry göz öňün­de tu­tu­lyp­dyr. Giň we yşyk­lan­dy­ryş ul­ga­my çe­ki­len aw­to­mo­bil ýol­la­ry­nyň ug­run­da gök zo­lak­la­ryň, ýö­ri­te se­ýil­gä­hiň dö­re­dil­me­gi tas­la­ma­nyň dur­mu­şa ge­çi­ri­li­şi­ne hem­me­ta­rap­la­ýyn, şol san­da eko­lo­gik aba­dan­çy­lyk nuk­daý­na­za­ryn­dan oý­la­ny­şyk­ly çe­me­le­şi­len­di­gi­ni gör­kez­ýär.

Soň­ra da­ba­ra gat­na­şy­jy­lar döw­re­bap öý­ler­de dö­re­di­len amat­ly şert­ler bi­len ta­nyş­dy­lar. Öý­le­riň tas­la­ma­sy dü­zü­len­de, oba ila­ty­nyň ýa­şa­ýyş-dur­muş aý­ra­tyn­lyk­la­ry we ze­rur­lyk­la­ry göz öňün­de tu­tu­lyp­dyr. Her öýüň how­lu­syn­da mel­lek ýer­le­ri, şol san­da ho­ja­lyk ze­rur­lyk­la­ry üçin te­lär­ler, aw­tou­lag üçin ýö­ri­te ýer hem-de in­že­ner­çi­lik-teh­ni­ki dü­züm­ler dö­re­di­lip­dir.

Döw­re­bap Döw­let­li me­kan oba­sy­na gö­çüp ba­ran bag­ty­ýar maş­ga­la­lar ýur­du­my­zyň ra­ýat­la­ry­nyň ýa­şa­ýyş-dur­muş şert­le­ri­niň go­wu­lan­dy­ryl­ma­gy ug­run­da ed­ýän yzy­gi­der­li ta­gal­la­la­ry üçin Gah­ry­man Ar­ka­da­gy­my­za we Arkadagly Gahryman Serdarymyza tüýs ýü­rek­den çyk­ýan ho­şal­lyk­la­ry­ny be­ýan et­di­ler.

10-njy sentýabrda ýurdumyzda pagta ýygymyna köpçülikleýin girişildi. Bu möhüm oba hojalyk möwsümi ýurdumyzyň ähli sebitlerinde badalga alyp, oba hojalyk pudagynyň we milli ykdysadyýetimiziň ösüşinde uly ähmiýete eýedir.

5-nji sent­ýabr­da Mi­nistr­ler Ka­bi­ne­ti­niň san­ly ul­gam ar­ka­ly ge­çi­ri­len no­bat­da­ky mej­li­sin­de hormatly Prezidentimiz 10-njy sent­ýabr­da ýur­du­my­zyň äh­li we­la­ýat­la­ryn­da pag­ta ýy­gy­my­na gi­riş­mä­ge ak pa­ta be­rip, pag­ta­çy­la­ra we oba ho­ja­lyk zäh­met­keş­le­ri­niň äh­li­si­ne işin­de uly üs­tün­lik­le­ri ar­zuw et­di. Asyl­ly dä­be gö­rä, hor­mat­ly ýa­şu­lu­lar Be­ýik Bi­ri­bar­dan Wa­ta­ny­my­zyň aba­dan­çy­ly­gy, hor­mat­ly Pre­zi­den­ti­mi­ziň baş­tu­tan­ly­gyn­da tä­ze zäh­met ýe­ňiş­le­ri­ne ta­rap öňe bar­ýan hal­ky­my­zyň ro­waç­ly­gy ba­ra­da do­ga-di­leg edip, «bis­mil­la» bi­len pag­ta ýy­gy­my­na ba­dal­ga ber­di­ler.

Pag­ta­çy­lyk Türk­me­nis­ta­nyň oba ho­ja­lyk top­lu­my­nyň esa­sy pu­dak­la­ry­nyň bi­ri bo­lup, da­şa­ry ýurt­lar­dan ge­ti­ril­ýän ha­ryt­la­ryň or­nu­ny tut­ýan önüm­çi­lik­le­ri ös­dür­mek we mil­li yk­dy­sa­dy­ýe­ti­mi­ziň eks­port kuw­wa­ty­ny pug­ta­lan­dyr­mak bo­ýun­ça mak­sat­na­ma­la­ry dur­mu­şa ge­çir­mek­de mö­hüm äh­mi­ýe­te eýe­dir. Ýur­du­my­zyň ho­wa şert­le­ri pag­ta­nyň or­ta we in­çe sü­ýüm­li gör­nüş­le­ri­ni ös­dü­rip ýe­tiş­dir­mek üçin has amat­ly­dyr. Hä­zir­ki wagt­da hormatly Prezidentimiziň yk­dy­sa­dy sy­ýa­sa­ty­nyň ile­ri tu­tul­ýan ugur­la­ry­na la­ýyk­lyk­da, oba ho­ja­lyk pu­da­gy­na san­ly teh­no­lo­gi­ýa­lar iş­jeň or­naş­dy­ryl­ýar. Şu­nuň bi­len bir­lik­de, to­hum­çy­ly­ga, pag­ta­nyň ýo­ka­ry ha­syl­ly gör­nüş­le­ri­ni dö­ret­mä­ge aý­ra­tyn üns be­ril­ýär.

Döw­re­bap su­wa­ryş ul­gam­la­ry­ny dö­ret­mä­ge, oba ho­ja­lyk top­lu­my­nyň teh­ni­ki par­ky­ny tä­ze­le­mä­ge uly möç­ber­de ma­ýa se­riş­de­le­ri gö­nük­di­ril­ýär, döw­le­ti­miz ta­ra­pyn­dan dün­ýä­niň bel­li kom­pa­ni­ýa­la­ry­nyň oba ho­ja­lyk teh­ni­ka­la­ry yzy­gi­der­li sa­tyn alyn­ýar. Şu ge­zek­ki ýy­gym möw­sü­min­de hem meý­dan­lar­da döw­re­bap kom­baýn­lar iş­le­di­ler, pag­ta­ny da­şa­mak üçin bol­sa ýük aw­tou­lag­la­ry, trak­tor­lar, trak­tor tir­keg­le­ri ula­ny­lar. Döwlet Baştutanymyzyň tab­şy­ry­gy­na la­ýyk­lyk­da, ýer­ler­de pag­ta ýy­gy­my­ny bök­denç­siz ge­çir­mek mak­sa­dy bi­len, teh­ni­ka­la­ra gi­je-gün­diz­le­ýin hyz­mat­lar ýo­la go­ýul­dy, me­ha­ni­za­tor­la­ryň we pag­ta­çy­la­ryň ne­ti­je­li iş­le­me­gi, dynç al­ma­gy üçin ta­la­ba­la­ýyk şert­ler dö­re­dil­di.

We­la­ýat­la­ryň pag­ta ka­bul ediş bö­lüm­le­ri­ne, pag­ta aras­sa­laý­jy kär­ha­na­la­ry­na üs­ti «ak al­tyn» bi­len dol­du­ry­lan, baý­dak­lar, ha­ly­lar hem-de şy­gar­lar bi­len be­ze­len ulag­la­ryň il­kin­ji ker­wen­le­ri ge­lip baş­la­dy. Da­ba­ra­la­ryň çäk­le­rin­de oba ho­ja­lyk teh­ni­ka­la­ry­nyň, gaý­ta­dan iş­le­ýän we dok­ma se­na­ga­ty önüm­le­ri­niň ser­gi­le­ri ýaý­baň­lan­dy­ryl­dy. Bag­şy-sa­zan­da­la­ryň, tans to­par­la­ry­nyň çy­kyş­la­ry baý­ram­çy­lyk şow­hu­ny­ny has-da art­dyr­dy. Pag­ta­nyň bol ha­sy­ly­ny ýe­tiş­di­ren öň­de­ba­ry­jy kä­ren­de­çi­le­re hor­mat­ly Pre­zi­den­ti­mi­ziň adyn­dan gym­mat ba­ha­ly sow­gat­lar gow­şu­ryl­dy.

11-nji sentýabrda Türkmenistanyň Gruziýadaky Ilçisi D.Seýitmämmedow bilen Suhumi döwlet uniwersitetiniň rektory Tea Jugeliniň arasynda duşuşyk geçirildi.

 Duşuşygyň barşynda Ilçi rektory täze wezipä bellenmegi bilen mähirli gutlady we onuň ýolbaşçylygynda ýokary okuw mekdebiniň üstünlikli ösdüriljekdigine ynam bildirdi.

D.Seýitmämmedow Türkmenistanyň Gruziýadaky Ilçihanasy bilen uniwersitetiň arasyndaky däp bolan ysnyşykly hyzmatdaşlygyň dowam etdirilmeginiň ähmiýetini belläp, bilim, ylym we medeni ugurlardaky bilelikdäki başlangyçlaryň baý tejribesini nygtap geçdi.

Duşuşygyň dowamynda taraplar Ýagşygeldi Kakaýew adyndaky Halkara nebit we gaz uniwersiteti bilen Suhumi döwlet uniwersitetiniň arasynda özara düşünişmek hakyndaky Ähtnamanyň gol çekmek meselesine, şeýle hem iki ýurduň abraýly ýokary okuw mekdepleriniň we akademiki toparlarynyň arasyndaky ikitaraplaýyn hyzmatdaşlygyň berkemegine itergi berjek uniwersitetleriň rektory derejesinde ikitaraplaýyn saparlary gurnamagyň mümkinçiliklerine seredip geçdiler.

Öz gezeginde rektor bilelikdäki akademiki we medeni taslamalary ösdürmek hem-de iki ýurduň arasyndaky hyzmatdaşlygy berkitmek bilen bagly başlangyçlary işjeň goldamaga hemişe taýýardygyny beýan etdi.