Hor­mat­ly Pre­zi­den­ti­mi­ziň baş­lan­gyç­la­ryn­dan göz­baş alýan Hal­ka­ra pa­ra­hat­çy­lyk we yna­nyş­mak ýy­ly­nyň çuň­ňur ma­ny-maz­mu­ny­ny özün­de jem­le­ýän her gü­nü­miz ata Wa­ta­ny­my­za, ösüşli döw­rü­mi­ze bo­lan buý­san­jy­my­zy bar­ha beý­geld­ýär. Türk­me­nis­ta­nyň baş­lan­gy­jy bi­len BMG-niň Baş As­samble­ýa­sy­nyň Ka­rar­na­ma­sy esa­syn­da 2025-nji ýy­lyň «Hal­ka­ra pa­ra­hat­çy­lyk we yna­nyş­mak ýy­ly» diý­lip yg­lan edil­me­gi­niň düýp öze­nin­de hem Gahryman Arkadagymyz ta­ra­pyn­dan öňe sür­len, hal­ka­ra gat­na­şyk­la­ry pug­ta­lan­dyr­ma­gyň «Dia­log – pa­ra­hat­çy­ly­gyň ke­pi­li» at­ly tä­ze fi­lo­so­fi­ýa­sy, türk­men Bi­ta­rap­ly­gy­nyň maz­mu­nyn­dan ge­lip çyk­ýan umu­ma­dam­zat äh­mi­ýet­li yn­san­per­wer tag­ly­mat­lar dur­ýar. Bu asyl­ly baş­lan­gyç Ýer ýü­zün­de äh­lu­mu­my dur­nuk­ly­ly­gy we hal­ka­ra hyz­mat­daş­ly­gy ös­dür­mek­de, döw­let­le­riň ara­syn­da­ky yna­nyş­ma­gy pug­ta­lan­dyr­mak­da, dia­lo­gy iler­let­mek­de we pa­ra­hat­çy­lyk­ly gat­na­şyk­la­ry has-da ber­kit­mek­de uly äh­mi­ýe­te eýe­dir.
Mä­lim bol­şy ýa­ly, 1995-nji ýy­lyň 12-nji de­kab­ryn­da Bir­le­şen Mil­let­ler Gu­ra­ma­sy­nyň Baş As­samb­le­ýa­sy­nyň de­giş­li Ka­rar­na­ma­sy esa­syn­da ýur­du­myz he­mi­şe­lik Bi­ta­rap­lyk hu­kuk ýag­da­ýy­na eýe bol­dy. 2015-nji ýy­lyň 3-nji iýu­nyn­da BMG-niň Baş As­samb­le­ýa­sy 193 döw­le­tiň bi­ra­gyz­dan gol­da­ma­gyn­da bu Ka­rar­na­ma­ny ikin­ji ge­zek ka­bul et­di. De­giş­li res­mi­na­ma­da Türk­me­nis­ta­nyň he­mi­şe­lik Bi­ta­rap­ly­gy­nyň sy­ýa­sy, yk­dy­sa­dy we yn­san­per­wer esas­la­ry kes­git­le­nil­ýär.
Golaýda Mil­li Li­de­ri­mi­ziň Ministrler Kabinetiniň agzalarynyň gatnaşmagynda guramaçylyk döwlet toparynyň çäklerinde iş maslahatyny geçirmegi hem-de onda durky täzelenýän Bi­ta­rap­lyk bi­na­sy we onuň hojalyk meseleleriniň ara alnyp maslahatlaşylmagy uzak gel­je­gi na­zar­la­ýan dür­dä­ne paý­ha­sy bi­len he­mi­şe­lik Bi­ta­rap­lyk ýö­rel­gä­mi­ziň tag­ly­mat de­re­je­si­ne çy­kan­dy­gy­na bo­lan buý­san­jy­my­zy go­şa­lan­dyr­dy.
Mil­li Li­de­ri­mi­ziň: «Bu ta­ry­hy ýer uly to­ýuň geç­jek ýe­ri bo­lar» di­ýen buý­sanç­ly söz­le­ri bol­sa kal­by­my­za Türk­me­nis­ta­nyň he­mi­şe­lik Bi­ta­rap­ly­gy­nyň 30 ýyl­ly­gy hem-de 2025-nji ýy­lyň BMG-niň Baş As­samb­le­ýa­sy ta­ra­pyn­dan «Hal­ka­ra pa­ra­hat­çy­lyk we yna­nyş­mak ýy­ly» diý­lip yg­lan edil­me­gi my­na­sy­bet­li da­ba­ra­sy älem aý­lan­jak tu­tum­ly to­ýuň ýa­kym­ly duý­gu­la­ry­ny ba­gyş­la­dy.
Hä­zir­ki wagt­da ata Wa­ta­ny­myz Türk­me­nis­tan dün­ýä­de pa­ra­hat­çy­lyksö­ýü­ji döw­let hök­mün­de giň­den ta­nal­ýar. Ar­ka­dag­ly Gah­ry­man Ser­da­ry­my­zyň bel­leý­şi ýa­ly, eziz Wa­ta­ny­my­zyň Ga­raş­syz­ly­gy bag­ty­ýar we aba­dan dur­mu­şy­my­zyň bin­ýa­dy­dyr. Döw­le­ti­miz hä­zir­ki wagt­da dün­ýä­niň 150-den gow­rak döw­le­ti bi­len dip­lo­ma­tik gat­na­şyk­la­ry sak­lap, hal­ka­ra gu­ra­ma­la­ry­nyň 50-den gowragynyň ag­za­sy bol­mak bi­len bir­lik­de, hal­ka­ra kon­wen­si­ýa­la­rdyr şertnamalaryň hem 180-den gow­ra­gy­na gat­naş­ýar. Pa­ra­hat­çy­lyksö­ýü­ji da­şa­ry sy­ýa­sa­tyn­da oňyn Bi­ta­rap­lyk, deň­hu­kuk­ly­lyk, hoş­ni­ýet­li hyz­mat­daş­lyk ýö­rel­ge­le­ri­ne da­ýan­ýan döw­le­ti­miz Ga­raş­syz­ly­gyň ge­çen ýyl­la­ry­nyň do­wa­myn­da pa­ra­hat­çy­ly­gyň we yna­nyş­ma­gyň mer­ke­zi­ne öw­rül­di.
Hä­zir­ki za­man dün­ýä­si­niň gün ter­ti­bin­de pa­ra­hat­çy­ly­gy üp­jün et­mek äh­lu­mu­my me­se­le bo­lup, döw­let­le­riň dür­li ugur­lar­da­ky hyz­mat­daş­ly­gyn­da öza­ra dü­şü­niş­mek ar­ka­ly ta­gal­la­la­ry­ny bir­leş­dir­mek­le­ri­ni ta­lap ed­ýär. Şun­da Türk­me­nis­ta­nyň öňe sür­ýän äh­lu­mu­my gün ter­ti­bi­niň mö­hüm me­se­le­le­ri­niň çöz­gü­di­ne gö­nük­di­ri­len oňyn baş­lan­gyç­la­ry pa­ra­hat­çy­lyk we yla­la­şyk­ly­lyk dip­lo­ma­ti­ýa­sy­nyň iler­le­dil­me­gi­ne uly go­şant­dyr. Ösüş ar­ka­ly pa­ra­hat­çy­ly­gy ber­kit­mek ug­run­da ýur­du­myz ta­ra­pyn­dan öňe sü­rül­ýän baş­lan­gyç­lar­dyr ça­gy­ryş­la­ryň hal­kyň ýa­şa­ýyş-dur­mu­şy­ny öz­gert­mek bi­len bir­lik­de, se­bi­tiň, dün­ýä döw­let­le­ri­niň dur­mu­şy­na-da oňyn tä­sir ed­ýän­di­gi aý­dyň ha­ky­kat­dyr.
Ýur­du­myz­da aja­ýyp ýy­ly­my­zyň ady­ny hem ma­ny-maz­mu­ny­ny da­ba­ra­lan­dyr­mak bi­len bag­ly çä­re­le­riň giň top­lu­my ge­çi­ri­ler. Bu hormatly Pre­zi­den­ti­mi­ziň, Gah­ry­man Ar­ka­da­gy­my­zyň Ga­raş­syz Wa­ta­ny­my­zyň, mer­da­na hal­ky­my­zyň we tu­tuş adam­za­dyň yk­ba­ly­na iň­ňän ýo­ka­ry de­re­je­de jo­gap­kär­li ga­ra­ýan­dyk­la­ry­na şa­ýat­lyk ed­ýär. Şeý­le hem Türk­me­nis­ta­nyň 2025-nji ýyl­da Hal­ka­ra pa­ra­hat­çy­lyk we yna­nyş­mak ýy­ly­ny ge­çir­mek ba­ra­da­ky çöz­gü­de äh­lu­mu­my de­re­je­dä­ki wa­ka, hal­ka­ra gat­na­şyk­la­ryň hil taý­dan tä­ze tap­gy­ry­na geç­mek üçin ha­ky­ky müm­kin­çi­lik hök­mün­de ga­ra­ýan­dy­gy­ny gör­kez­ýär. As­lyn­da, ýur­du­my­zyň bu baş­lan­gy­jy äh­li döw­let­le­ri dün­ýä­niň esa­sy ýö­rel­ge­si hök­mün­de pa­ra­hat­çy­lyk we yna­nyş­mak ba­ra­da­ky baş pi­ki­ri dur­mu­şa ge­çir­me­giň sy­ýa­sy, ideo­lo­gik ta­rap­la­ry­ny öz içi­ne al­ýan bi­le­lik­dä­ki işe baş­la­ma­ga ça­gy­ryş­dyr. Bu we­zi­pä­niň ul­gam­la­ýyn esas­da çö­zül­me­li­di­gi, şun­da hu­kuk we ka­da­la­ryň ins­ti­tut­la­ýyn gu­ral­la­ra esas­lan­dy­ryl­ma­ly­dy­gy äş­gär­dir.

Güljahan HOJAÝEWA,
Myrat Garryýew adyndaky Türkmenistanyň Döwlet lukmançylyk uniwersitetiniň Kazyýet lukmançylygy we hukuk kafedrasynyň mugallymy.

Gyzykly bolup bilerЕЩЕ ОТ АВТОРА