Berkarar döwletimiziň bagtyýarlyk döwründe Gahryman Arkadagymyzyň baştutanlygynda eziz Diýarymyz ösüşleriň belent sepgitlerine sary bedew bady bilen öňe barýar. Ähli ulgamlarda uly-uly üstünliklere eýe bolunýar. Uly ösüşli sepgitlere eýe bolýan pudaklaryň biri hem raýat awiasiýasydyr.
Ýur­du­my­zyň ulag we ara­gat­na­şyk pu­da­gy­ny ös­dür­mek mil­li Li­de­ri­mi­ziň ba­şy­ny baş­lan giň ge­rim­li öz­gert­me­ler mak­sat­na­ma­sy­nyň esa­sy­ny düz­ýär. Ýur­du­myz­da ra­ýat awia­si­ýa­sy­ny ös­dür­me­giň 2012-2030-njy ýyl­lar üçin mil­li mak­sat­na­ma­sy­na la­ýyk­lyk­da, ra­ýat awia­si­ýa pu­da­gy­ny tap­gyr­la­ýyn ös­dür­mek üçin de­giş­li iş­ler al­nyp ba­ryl­ýar.
Ra­ýat awia­si­ýa­sy­ny top­lum­la­ýyn tä­ze­le­mek we teh­ni­ki taý­dan en­jam­laş­dyr­mak ýur­du­my­zyň ulag we ara­gat­na­şyk ul­ga­my­ny ös­dür­me­giň dü­züm bö­lek­le­ri­niň bi­ri­dir. Ga­raş­syz­lyk ýyl­la­ryn­da ho­wa men­zil­le­ri top­lu­my­ny we eme­li uçuş-go­nuş zo­lak­la­ry­ny gur­mak we ola­ryň dur­ku­ny tä­ze­le­mek üçin köp möç­ber­de ma­ýa go­ýum­la­ry gö­nük­di­ril­di.
«Türk­men­ho­wa­ýol­la­ry» agent­li­gi ta­ra­pyn­dan ýur­du­my­zyň awia­si­ýa­sy­ny IKAO-nyň – Hal­ka­ra ra­ýat awia­si­ýa­sy gu­ra­ma­sy­nyň öl­çeg­le­ri­ne la­ýyk­lyk­da ös­dür­me­giň esa­sy ugur­la­ry hök­mün­de ho­wa men­zil­le­ri­ni tä­ze en­jam­lar, ýe­rüs­ti teh­ni­ka­lar bi­len üp­jün et­mek we ho­wa gä­mi­le­ri­ni döw­re­bap­laş­dyr­mak bo­ýun­ça gaý­ra­go­ýul­ma­syz iş­ler ge­çi­ril­ýär.
Bu we­zi­pe­le­ri üs­tün­lik­li dur­mu­şa ge­çir­mek, ýo­lag­çy we ýük gat­naw­la­ry­nyň ýo­ka­ry de­re­je­si­ni üp­jün et­mek, ho­wa ulag­la­ry hyz­mat­la­ry­nyň dün­ýä ba­za­ryn­da­ky or­nu­ny has-da ber­kit­mek, şeý­le hem ila­tyň uçar hyz­mat­la­ry­na art­ýan is­leg­le­ri­ni ka­na­gat­lan­dyr­mak mak­sa­dy bi­len, Türk­me­nis­ta­nyň ra­ýat awia­si­ýa­sy­ny ös­dü­r­me­giň 2012-2030-njy ýyl­lar üçin mil­li mak­sat­na­ma­sy ka­bul edil­di. Bu Mak­sat­na­ma­nyň çäk­le­rin­de ra­ýat awia­si­ýa­sy­nyň ho­wa gä­mi­le­ri­niň we en­jam­la­ry­nyň möç­ber­le­ri­ni art­dyr­mak, şeý­le hem ola­ryň önüm­çi­lik kuw­wa­ty­ny ýo­kar­lan­dyr­mak bo­ýun­ça tap­gyr­la­ýyn iş­le­ri dur­mu­şa ge­çir­me­giň me­ýil­na­ma­sy göz öňün­de tu­tul­ýar.
Şo­ňa la­ýyk­lyk­da, soň­ky ýyl­lar­da bu ugur­da uly iş­ler ama­la aşy­ryl­dy. Şu ýyl mu­kad­des Ga­raş­syz­ly­gy­my­zyň şan­ly 30 ýyl­lyk da­ba­ra­la­ry­nyň çäk­le­rin­de Le­bap we­la­ýa­ty­nyň Ker­ki şä­he­rin­de Hal­ka­ra ho­wa men­zi­li ulan­ma­ga be­ril­di. Tä­ze ho­wa men­zi­li­niň ula­n­ma­ga be­ril­me­gi yk­ly­myň iri ulag-lo­gis­ti­ka mer­ke­zi, Azi­ýa bi­len Ýew­ro­pa­ny bir­leş­dir­ýän esa­sy hal­ka hök­mün­de Wa­ta­ny­my­zyň eýe­le­ýän ýö­rel­ge­si­ni ber­kit­mek­de no­bat­da­ky mö­hüm ädim­dir.
Ra­ýat awia­si­ýa­sy­nyň mad­dy-en­jam­la­ýyn bin­ýa­dy­nyň kä­mil­leş­di­ril­me­gi­ne uly äh­mi­ýet ber­lip, iň tä­ze uçar­lar we di­ku­çar­lar sa­tyn alyn­ýar, ýo­ka­ry de­re­je­li iş­gär­ler taý­ýar­la­nyl­ýar, ozal­ky bar bo­lan ho­wa men­zil­le­ri döw­re­bap­laş­dy­ryl­ýar hem-de tä­ze­le­ri gu­rul­ýar. 2010-njy we 2018-nji ýyl­lar­da Türk­men­ba­şy we Türk­me­na­bat şä­her­le­rin­de Hal­ka­ra ho­wa men­zil­le­ri ula­nyl­ma­ga be­ril­di. 2016-njy ýyl­da bol­sa Aş­ga­ba­dyň Hal­ka­ra ho­wa men­zi­li­niň tä­ze top­lu­my­nyň açy­lyş da­ba­ra­sy bol­dy.
Le­bap we­la­ýa­ty­nyň Ker­ki şä­he­rin­de gur­lan tä­ze ho­wa men­zi­li hem ýur­du­my­zyň ýük we ýo­lag­çy gat­naw­la­ry­nyň kuw­wa­ty­ny has-da iş­jeň­leş­dir­mä­ge ýar­dam eder. Ge­çi­ri­ji­li­gi sa­gat­da 100 ýo­lag­ça ni­ýet­le­nen tä­ze ho­wa men­zi­li­niň tas­la­ma­sy bu ul­gam­da tä­ze­çil teh­no­lo­gi­ýa­lar we öň­de­ba­ry­jy ga­za­ny­lan­lar göz öňün­de tu­tu­lyp ýe­ri­ne ýe­ti­ril­di. Ker­ki şä­he­rin­de tä­ze üp­jün­çi­lik en­jam­la­ry bo­lan ho­wa men­zi­li top­lu­my­nyň ula­n­ma­ga be­ril­me­gi bu myh­man­sö­ýer we­la­ýat­dan ho­wa ar­ka­ly da­şa­ýyş­la­ry ös­dür­mä­ge güýç­li iter­gi be­rer. Ýur­du­myz­da gu­rul­ýan her bir des­ga­nyň hal­ka­ra ül­ňü­le­ri­ne ga­bat gel­me­gi ug­run­da giň ta­gal­la­lar edil­ýär. Ker­ki ho­wa men­zi­li hem Hal­ka­ra ra­ýat awia­si­ýa­sy ba­ra­da­ky Kon­wen­si­ýa­nyň 14-nji go­şun­dy­sy­na la­ýyk­lyk­da, ser­ti­fi­ka­si­ýa­laş­dy­ryş stan­dart­la­ry­na la­ýyk gel­ýär.
Mä­lim bol­şy ýa­ly, mil­li Li­de­ri­mi­ziň go­laý­da gol çe­ken ýe­ne-de bir ta­ry­hy Ka­ra­ry­na la­ýyk­lyk­da, ra­ýat awia­si­ýa ul­ga­my üçin ýe­ne-de bir döw­re­bap ho­wa men­zi­li ýur­du­my­zyň gün­ba­tar se­bi­tin­de, Bal­kan we­la­ýa­ty­nyň Je­bel şä­her­çe­sin­de gur­lar. Ge­çi­ri­ji­li­gi sa­gat­da 100 ýo­lag­ça ni­ýet­len­jek bu ho­wa men­zi­li hem ýur­du­my­zyň tä­ze we mö­hüm ho­wa der­we­ze­le­ri­niň bi­ri­ne öw­rü­ler.

Ogu­lo­raz SA­PAR­LY­ÝE­WA,
Türk­me­nis­ta­nyň Döw­let ener­ge­ti­ka ins­ti­tu­ty­nyň uly mu­gal­ly­my.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА