Angliýanyň “Premier Ligasynda” 21-nji tapgyryň jemleýji duşuşygynda “Mançester Ýunaýted” öz meýdançasynda iň aşaky orunda barýan “Southempton” toparyny kabul etdi. Duşuşykda derwezä girizilen 4 goly-da ýer eýeleriniň oýunçylary geçirdi. 43-nji minutda myhmanlar Ugarteniň awtogoly bilen öňe saýlandy. “Mançester Ýunaýtede” bu gola oýnuň soňky minutlaryna çenli jogap bermek başartmady. Ahyrynda Amad Diallo 82-nji minutda hasaby deňläp, ol 90-njy minutda 2-nji goly hem geçirdi. 90+4-nji minutda bolsa het-trigini tamamlan Diallo toparyna wajyp ýeňiş gazandyran oýunçy boldy. Ol “Mançester Ýunaýtedde” Kristiano Ronaldodan soň het-trik eden ilkinji futbolçy hökmünde hasaba alyndy. “Ýunaýtedde” soňky gezek Ronaldo 2022-nji ýylyň aprelinde “Norwiçiň” derwezesinden 3 gol geçiripdi. Şeýle-de, 22 ýaşyndaky Diallo APL-de Weýn Runiden soň (21 ýaş 4 gün) het-trik eden iň ýaş “ýunaýtedli” futbolçy diýlip bellige alyndy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА