4-nji maýda rumyniýaly saýlawçylar alty aýyň içinde ikinji gezek Prezident saýlamak üçin saýlawlara gatnaşarlar. Jemgyýetçilik pikir soralyşyklarynda aşa sagçy dalaşgär Jorje Simion öňde barýar. Ýurtda 18 million 900 müňden gowrak raýatyň ses bermäge hukugy bar. Döwlet Baştutany wezipesine dalaş edýän 11 dalaşgär bar. Olaryň dördüsi garaşsyz. Ýurtda geçirilen pikir soralyşyklara görä, «Rumynlaryň agzybirligi üçin bileleşikden» dalaşgär Jorj Simionyň ikinji tapgyra çykmak üçin uly mümkinçiligi bar. Beýleki dalaşgärler hem ikinji tapgyrda orun almak üçin göreşýär.
Sagçy syýasatçy Kelin Jorjeskunyň dalaşgärligi Rumyniýanyň Merkezi saýlaw býurosy tarapyndan ret edilenden soň Jorje Simion prezidentlik bäsleşigine girdi. Ýakynda geçirilen üç pikir soralyşykda Simion 29 göterimden 35 göterim aralygynda ses aldy. Beýleki birnäçe dalaşgäriň hem ikinji tapgyra çykmak mümkinçiligi bar. Olaryň arasynda Buharestiň häkimi Nikuşor Dan, dolandyryjy üç partiýanyň dalaşgäri Rumyniýanyň wengrleriniň Sosial-demokratik, Milli-liberal we Demokratik bileleşiginiň dalaşgäri Krin Antonesku we Rumyniýanyň öňki Premýer-ministri Wiktor Ponta bar. Bu üç dalaşgär sesleriň 20 göterimden gowragyny alyp biler.
Rumyniýany halas etmek üçin merkezi sagçy bileleşigiň dalaşgäri Ýelena Laskoni, noýabr aýynda geçirilen Prezident saýlawlarynda şowly çykyş edendigine garamazdan, ahyrky ses berişligiň tapgyryna çykmazlygy mümkin. Geçen ýylyň dekabrynda Rumyniýanyň Konstitusiýa kazyýeti saýlawlaryň birinji tapgyrynyň netijelerini ýatyryp, bu kararyň saýlaw prosesiniň dogrulygyny we kanunylygyny üpjün etmek üçin kabul edilendigini belledi. Ýurtda Prezident saýlawlary her 4 ýyldan geçirilýär.
Rumyniýa Günorta-Günbatar Ýewropa döwleti bolup, 19 million 511 müň töweregi ilaty bar. Paýtagty Buharest. Ýurduň 42 dolandyryş-çäk birligi bolup, günorta-gündogaryny Gara deňzi ýuwýar. Ukraina, Moldawiýa, Wengriýa, Serbiýa we Bolgariýa bilen araçäkleşýär. Ýurt öz garaşsyzlygyny 1877-nji ýylyň 21-nji maýynda jar edýär.

Gyzykly bolup bilerЕЩЕ ОТ АВТОРА