Russiýalylaryň iň ähmiýetli we ýygy okaýan kitaplarynyň sanawynda mukaddes Gurhan hem bar. “Russian Field” barlag merkeziniň maglumatlaryna görä, 30 ýaşdan kiçi bolan Russiýa raýatlary üçin iň ähmiýetli kitap Jorj Oruelliň “1984” romany boldy. Sowallara jogap beren ýaşlar iň wajyp eserleriň hatarynda Lew Tolstoýyň “Uruş we parahatçylyk” romanyny, Garri Potter baradaky kitaplar toplumyny, Iwan Turgenewiň “Atalar we ogullar” eserini, Injili we Konstitusiýany hem agzadylar.
Ähli ýaş toparlaryny öz içine alýan umumy sanawda birinji orny “Uruş we parahatçylyk” eýeledi. Ondan soňra Nikolaý Ostrowskiniň “Polat nädip taplandy” we Mihail Bulgakowyň “Ussat we Margarita” eserleri gelýär. Aleksandr Solženisyniň “GULAG arhipelagy” sanawyň 15-nji ornunda ýerleşen bolsa, Gurhan 17-nji orunda ýerleşdi.

Gyzykly bolup bilerЕЩЕ ОТ АВТОРА