Berkarar döwletiň täze eýýamynyň Galkynyşy döwründe ylym-bilim hem-de sport ulgamlaryny ösdürmek döwlet syýasatynyň ileri tutulýan ugurlarynyň biridir. Şunuň bilen baglylykda, sagdyn, berk bedenli hem-de ylymly-bilimli ýaşlary kemala getirmek babatda döwlet ähmiýetli işler durmuşa geçirilýär.

Ýur­du­myz­da yl­myň we bi­li­miň döw­re­bap de­re­je­de ös­dü­ril­me­gi, be­den­ter­bi­ýä­niň we spor­tuň işjeň wagyz edilmegi netijesinde sag­dyn dur­muş ýö­rel­ge­si­niň rowaç bol­ma­gy, şeý­le-de sport bo­ýun­ça hal­ka­ra hyz­mat­daş­ly­gyň has-da gi­ňeldil­me­gi döw­let sy­ýa­sa­ty­nyň ile­ri tu­tul­ýan ugur­la­ry­nyň bi­ri bol­dy.
Ýur­du­my­zyň äh­li we­la­ýat­la­ryn­da döw­re­bap mek­dep­le­riň, kö­pu­gur­ly sta­di­on­la­ryň, be­den­ter­bi­ýe we sa­gal­dyş top­lum­la­ry­nyň, sport mek­dep­le­ri­niň bi­na edil­me­gi ýaş nes­liň sag­dyn, ylym­ly-bi­lim­li bol­ma­gy­ny ga­zan­mak­da al­nyp ba­ryl­ýan iş­le­riň aý­dyň be­ýa­ny­dyr.
Döw­le­ti­miz ta­ra­pyn­dan uly üns bi­len gur­şalyp al­nan ýaş­lar öz ukyp-ba­şar­nyk­la­ry­ny dün­ýä de­re­je­sin­de ga­za­nan üs­tün­lik­le­ri bi­len gör­kez­ýär­ler. Ýur­du­myz­da mek­dep okuw­çy­la­ry­ny hem-de ta­lyp­la­ry, şeý­le hem tür­gen­le­ri­ sy­lag­la­mak döw­let sy­ýa­sa­ty­nyň mö­hüm bö­le­gi bo­lup, hal­ka­ra bi­lim bäs­le­şik­le­rin­de, sport ýa­ryş­la­ryn­da baý­rak­ly orun­la­ry eýe­län tür­gen­ler­dir mek­dep okuw­çy­la­ry hem-de ta­lyp­lar yzy­gi­der­li sar­pa­lan­ýar.
15-nji de­kab­r­da paý­tag­ty­my­zyň Ba­şa-baş sö­weş sun­ga­ty bi­na­syn­da şu ýy­lyň do­wa­myn­da hal­ka­ra ders bäs­le­şik­le­ri­nde baý­rak­ly orun­la­ry eýe­län mek­dep okuw­çy­la­ry­na, ta­lyp­la­ra, şeý­le hem hal­ka­ra sport ýa­ryş­la­ryn­da üs­tün­lik­li çy­kyş eden tür­gen­le­re we us­sat tä­lim­çi­le­re Şa ser­paý­la­ry ýa­pyl­dy. Hor­mat­ly Pre­zi­den­ti­mi­ziň bel­leý­şi ýa­ly, Ber­ka­rar döw­le­tiň täze eýýamynyň Galkynyşy döw­rün­de Ga­raş­syz ýur­du­myz­da ýaş­lar üçin äh­li şert­ler dö­re­dil­ýär, tej­ri­be­li mu­gal­lym­lar we us­sat tä­lim­çi­ler bol­sa ýaş ne­sil­le­riň dür­li ugur­lar­da üs­tün­lik­le­ri ga­zan­mak­la­ry üçin ne­ti­je­li iş­le­ri alyp bar­ýar­lar.
2025-nji ýy­lyň do­wa­myn­da ab­raý­ly hal­ka­ra ders bäs­le­şik­le­rin­de baý­rak­ly orun­la­ra my­na­syp bo­lan mek­dep okuw­çy­la­ry­ny döw­let de­re­je­sin­de sy­lag­la­ma­ga hö­dür­le­me­giň sa­na­wy dü­zü­len­de, ola­ryň gat­na­şan bäs­le­şik­le­ri­niň he­re­ket ed­ýän reý­ting­ler­dä­ki de­re­je­sin­den, şo­nuň ýa­ly-da, ola­ra gat­na­şan ýurt­la­ryň sa­nyn­dan ugur al­yn­dy.
Dün­ýä de­re­je­li olim­pia­da­lar­da üçün­ji or­na hem-de bü­rünç me­da­la my­na­syp bo­lan okuw­çy­la­ryň her birine 40 müň ma­nat, ikin­ji or­na hem-de kü­müş me­da­la my­na­syp bo­lan okuw­çy­la­ra 70 müň ma­nat möç­ber­de pul baý­ra­gy, üçün­ji or­na hem-de bü­rünç me­da­la my­na­syp bo­lan ta­lyp­la­ra 40 müň ma­nat, ikin­ji or­na hem-de kü­müş me­da­la my­na­syp bo­lan ta­lyp­la­ra 70 müň ma­nat möç­ber­de pul baý­ra­gy­nyň gow­şu­ryl­ma­gy türk­men ýaş­la­ry­nyň şat­ly­gy­ny go­şa­lan­dyr­dy.
Halkara olim­pia­da­lar­da bi­rin­ji or­na hem-de al­tyn me­da­la my­na­syp bo­lan ta­lyp­la­ra 100 müň ma­nat möç­ber­dä­ki pul baý­ra­gy­nyň, ýokary netijeleri gazanan okuwçylary we talyplary taý­ýar­lan mu­gal­lym­la­ryň her birine 100 müň ma­nat möç­ber­inde pul baý­ra­gy­nyň gow­şu­ryl­ma­gy uly äh­mi­ýe­te eýe bol­dy.
Şeý­le hem türk­men tür­gen­le­ri ga­za­nan üs­tün­lik­le­ri bo­ýun­ça gym­mat ba­ha­ly sy­lag­lar­dan paý­ly bol­du­lar. Halkara ýa­ryş­lar­da al­tyn me­da­la my­na­syp bo­lan tür­gen­le­re 2025-nji ýyl­da goý­be­ri­len, ak reňk­li «Toyo­ta Cam­ry HEV 2.5L» ky­sym­ly ýe­ňil aw­tou­la­gyň açarynyň gow­şu­ryl­ma­gy, ikin­ji we üçün­ji or­ny eýe­län tür­gen­le­re de­giş­li­lik­de 40 müň ma­nat hem-de 70 müň ma­nat möç­be­rin­de pul sy­lag­la­ry­nyň gow­şu­ryl­ma­gy ýur­du­myz­da tür­gen­le­re go­ýul­ýan uly hor­ma­tyň ny­şa­ny­dyr. Ýaryşlarda bürünç we kümüş medallara mynasyp bolan türgenleri taýýarlan tälimçileriň her birine 70 müň manat möçberinde pul baýragy gowşuryldy. Halkara ýaryşlarda altyn medala mynasyp bolan türgenleri taýýarlan tälimçilere «Toyo­ta Cam­ry HEV 2.5L» ky­sym­ly ýe­ňil aw­tou­la­gyň açary gowşuryldy.
Ta­mam­la­nyp bar­ýan ýyl­da ge­çi­ri­len bu da­ba­ra­ly çä­re tä­ze sport hem-de ylym-bi­lim ul­ga­myn­da­ky üs­tün­lik­le­riň oňyn baş­lan­gy­jy bol­dy.

Orazniýaz KERIMOW,
Türkmenistanyň Inžener-tehniki we ulag kommunikasiýalary institutynyň mugallymy.

Gyzykly bolup bilerЕЩЕ ОТ АВТОРА