Singapuryň golaýyndaky suwlarda, takmynan, XIV asyra degişli hytaý jonkasy (ýelkenli gämisi) diýlip çaklanylýan gark bolan gämi tapyldy. «Temasekiň gark bolan gämisi» diýlip atlandyrylan gäminiň bortunda 3,5 tonna golaý keramiki önümler, şol sanda Ýuan nesilşalygy (1271-1368) döwrüne degişli seýrek duş gelýän gök-ak farforyň 2350-den gowrak görnüşi tapyldy. Bu, şu wagta çenli gark bolan gämileriň içinde tapylan şeýle farforlaryň iň uly toplumydyr.
Doktor Maýkl Flekeriň ýolbaşçylygynda 2016-njy we 2019-njy ýyllar aralygynda geçirilen gazuw-agtaryş işlerinde Lunsýuan seladony, Sinbaý we Şufu keramikasy, Dehuanyň ak keramikasy we Fusýan ýaşyl keramikasy ýaly gymmatlyklary ýüze çykardy. Ýükleriň seljermesi gäminiň, takmynan, 1340-njy we 1352-nji ýyllar aralygynda Sýuanjou şäherinden Temasege (Singapuryň gadymy ady) barýan bolmagynyň mümkindigini görkezdi. Ýakyn Gündogar we Hindistan bilen söwdada mahsus bolan uly okara tabaklaryň ýoklugy hem-de Singapurda tapylanlara meňzeş kiçi tarelkalaryň we okaralaryň bolmagy, harytlaryň ýerli elit gatlak üçin niýetlenendigini aňladýar.
Bu açyş, Singapuryň 1819-njy ýyldaky iňlis baknalygyndan has öň dünýäniň deňiz söwdasynda möhüm orun tutandygyny tassyklaýar. Häzirki wagtda tapyndylar Singapuryň Milli medeni mirasy goramak geňeşiniň (NHB) gözegçiligi astynda duzsuzlandyryş we konserwasiýa işlerinden geçirilýär. Işler tamamlanandan soň, bu gymmatlyklar Singapuryň milli muzeýlerinde görkeziler.

Gyzykly bolup bilerЕЩЕ ОТ АВТОРА