Sport adam sag­ly­gy­ny ber­kit­me­giň, be­de­niň uky­by­ny ös­dür­me­giň we ru­hy dur­nuk­ly­ly­gy pug­ta­lan­dyr­ma­gyň iň tä­sir­li se­riş­de­le­ri­niň bi­ri­dir. Hä­zir­ki dö­wür­de dün­ýä­niň köp ýurt­la­ryn­da sport jem­gy­ýe­tiň sag­dyn ösü­şi­niň mö­hüm ug­ru­na öw­rül­di.
Türk­me­nis­ta­nyň döw­let sy­ýa­sa­tyn­da hem «sag­dyn jem­gy­ýet – bag­ty­ýar dur­muş» ýö­rel­ge­si öňe sü­rül­ýär. Be­den­ter­bi­ýe we sport bi­len meş­gul­lan­mak di­ňe bir şah­sy sag­lyk üçin däl, eý­sem, jem­gy­ýe­tiň aba­dan­çy­ly­gy­ny üp­jün et­mek­de hem mö­hüm or­ny eýe­le­ýär.
Sport adam­da ter­tip-düz­gü­ni, jo­gap­kär­çi­li­gi, mak­sa­da ok­gun­ly­ly­gy ter­bi­ýe­läp, ýaş nes­liň aň-dü­şün­je­si­niň kä­mil­leş­me­gi­ne ýar­dam ber­ýär. Şo­nuň üçin sport di­ňe bir be­de­niň güý­jü­ni art­dyr­ýan çä­re bol­man, eý­sem, jem­gy­ýe­tiň ru­hy ösü­şi­niň hem aý­ryl­maz bö­le­gi­dir.
Sport bi­len yzy­gi­der­li meş­gul­lan­mak ada­myň äh­li be­den ag­za­la­ry­nyň işi­ni ka­da­laş­dyr­ýar:
Gan aý­la­nyş ul­ga­my­ny güýç­len­dir­ýär, ýü­re­giň ka­da­ly iş­le­me­gi­ne ýar­dam ber­ýär.
Dem alyş ul­ga­my­nyň gi­ňel­me­gi­ni üp­jün ed­ýär, öý­ke­niň kuw­wa­ty­ny art­dyr­ýar.
Nerw ul­ga­my­ny dur­nuk­laş­dyr­ýar, stres we ala­da ýag­daý­la­ry­ny azald­ýar.
Be­de­niň uky­by­ny ýo­kar­lan­dy­ryp, im­mu­ni­te­ti pug­ta­lan­dyr­ýar.
Sport di­ňe fi­zi­ki güý­ji ös­dür­män, ru­hy taý­dan hem uly tä­sir ed­ýär. Tür­gen­le­şik­ler we bäs­le­şik­ler adam­lar­da özü­ne yna­my we üs­tün­lik ga­zan­ma­ga bo­lan is­le­gi ös­dür­ýär. Sport bi­len meş­gul­lan­ýan adam­lar adat­ça:
ter­tip­li,
mak­sat­la­ýyn,
üs­tün­lik ga­zan­ma­ga ym­tyl­ýan,
top­lum­la­ýyn pi­kir­len­ýän,
stres ýag­daý­la­ry­na gar­şy dur­nuk­ly bol­ýar­lar.
To­par­la­ýyn tür­gen­le­şik­ler dost-do­gan­ly­gy, öza­ra hor­ma­ty we hyz­mat­daş­ly­gy ös­dür­ýär. Sport çä­re­le­ri jem­gy­ýe­tiň ag­za­la­ry­ny bir­leş­dir­ýär, jem­gy­ýet­de sag­dyn ru­hy ýag­daý dö­re­ýär. Ýur­du­my­zyň äh­li kün­jek­le­rin­de gur­lan sport top­lum­la­ry, sta­di­on­lar we ýö­ri­te­leş­di­ri­len mek­dep­ler hal­kyň sport bi­len meş­gul­lan­ma­gy­ny hö­wes­len­dir­ýär. Ýur­du­my­zyň tür­gen­le­ri­niň hal­ka­ra de­re­je­sin­dä­ki üs­tün­lik­le­ri – döw­le­ti­mi­ziň spor­ta ber­ýän ün­sü­niň ne­ti­je­si­dir.
Sag­dyn dur­muş – di­ňe be­de­niň däl, eý­sem, aňyň, duý­gy­nyň we ru­huň sag­dyn­ly­gy­ny hem öz içi­ne al­ýar. Sport bi­len meş­gul­lan­mak, dog­ry iý­mit­len­mek, aras­sa­çy­lyk ka­da­la­ry­na eýer­mek we ýa­ra­maz en­dik­ler­den daş­da dur­mak sag­dyn dur­mu­şyň esa­sy sü­tün­le­ri­dir.
Adam di­ňe sag­dyn ýag­daý­da zäh­met ön­dü­ri­ji­li­gi­ni ýo­kar­lan­dy­ryp, jem­gy­ýe­te peý­da­ly bo­lup bil­ýär. Ne­ti­je­de, sport sag­ly­gyň gi­re­wi, dur­muş­da üs­tün­lik ga­zan­ma­gyň aça­ry­dyr. Sport bi­len meş­gul­lan­mak di­ňe be­de­niň güý­jü­ni art­dyr­man, eý­sem, ru­hy we psi­ho­lo­gik taý­dan hem ada­myň ösü­şi­ne tä­sir ed­ýär.
Sport jem­gy­ýe­tiň bir­leş­di­ri­ji güý­ji bo­lup çy­kyş edip, adam­la­ry dost­lu­ga, hyz­mat­daş­ly­ga, bäs­le­şik­de aras­sa gö­re­şe we je­bis­li­ge ça­gyr­ýar.

Rähmet ÇARYÝEW,
Myrat Garryýew adyndaky Türkmenistanyň Döwlet lukmançylyk uniwersitetiniň harby-meýdan hirurgiýasy kafedrasynyň assistenti.

Gyzykly bolup bilerЕЩЕ ОТ АВТОРА