PDF
Angliýanyň çempionatynda sanawyň lideri “Arsenal” Demirgazyk London derbisinde Igor Tudory tälimçilige bellän “Tottenhamy” 4-1 hasabynda utdy. Myhmanlaryň doly artykmaçlygynda geçen oýunda topçularyň gollaryny Ebereçi Eze (32, 61) bilen Wiktor Gýokoreş (47, 90+4) ikisi geçirdi. “Tottenham” topary çempionatda 2026-njy ýyla geçip, 1 gezek ýeňiş gazanyp görmedik ýeke-täk topar bolmagyny dowam etdirýär.
Aratapawudy kem-kemden azaldyp gelýän “Mançester Siti” öz meýdançasynda ýaş oýunçysy Niko O’Roýliniň gollary bilen “Nýukasldan” 2-1 hasabynda üstün çykdy.
3-nji ýerdäki “Aston Willa” öz meýdançasynda “Lids” bilen duşuşyp, soňky minutlarda ýeňlişden halas boldy.
Londonda “Börnli” kabul eden “Çelsi” Žoao Pedronyň ýeke-täk goly bilen öňde barýan oýnunda 90-njy minutdan soň gol geçirdip, ýeňşi elden giderdi.
Soňky çempion “Liwerpul” myhmançylykda “Nottingam Foresti” Mak Allisteriň 90+7-nji minutda geçiren goly esasynda ýeňşini baýram etdi. “Liwerpul” APL-niň taryhynda 47-nji gezek 90-njy minutdan soň geçiren goly esasynda ýeňiş gazanmagy başardy.
Maýkl Kerrigiň tälimçiliginde özüni dürsän “Mançester Ýunaýted” myhmançylykda “Ewertony” Şeşkonyň 71-nji minutdaky ýeke-täk goly bilen ýeňdi.
“Brentford” – “Braýton” duşuşygynda oýna giren Jeýms Milner 654-nji gezek “Premier Liga” duşuşygynda meýdança çykyp, bu ugurda Garet Barriniň taryhy rekordyny täzeledi.
27-nji tapgyryň netijeleri:
Aston Willa – Lids: 1-1 (Abraham 88 – Stah 31),
Brentford – Braýton: 0-2 (Gomes 30, Welbek 45+1),
Çelsi – Börnli: 1-1 (Žoao Pedro 4 – Flemming 90+3),
West Ham – Bornmut: 0-0,
Man. Siti – Nýuklasl: 2-1 (O’Raýli 14, 27 – Holl 22),
Kristal Palas – Wulwerhempton: 1-0 (Gessan 90),
Nottingam Forest – Liwerpul: 0-1 (MakAllister 90+7),
Sanderland – Fulham: 1-3 (Le Fe 76 p – Himenes 54, 61, Iwobi 85),
Tottenham – Arsenal: 1-4 (Kolo Muani 34 – Eze 32, 61, Gýokereş 47, 90+4),
Ewerton – Mançester Ýunaýted: 0-1 (Şeşko 71)
