“The Washington Post”-yň baş direktory wezipesinden çekildi

“The Washington Post” (WP) gazetiniň baş direktory Wilýam Lýuis köpçülikleýin gysgaltmalaryň fonunda öz wezipesini terk etdi. Bu barada Lýuisiň gazetiniň işgärlerine ýollan hatyna salgylanyp, “Axios” portaly we “Politico” neşiri habar berdi.
Lýuis WP-niň baş direktory wezipesine 2023-nji ýylda geçipdi. Ol işgärlere ýüzlenmesinde gazetiniň “durnukly geljegini” üpjün etmek üçin “çylşyrymly çözgütleri” kabul etmäge mejbur bolandygyny belledi.
Neşiriň baş direktorynyň wezipesini wagtlaýyn ýerine ýetiriji Jeff D’Onofrio boldy. Ol 2025-nji ýyldan bäri “The Washington Post”-yň maliýe direktory wezipesinde işleýärdi.
4-nji fewralda WP-niň ýolbaşçylygy maliýe kynçylyklary sebäpli giň gerimli gysgaltmalaryň başlanandygy barada işgärlere duýduryş berdi. Baş redaktor Mett Mýurreýiň aýtmagyna görä, şol sanda sport bölümini ýapmak barada karar kabul edildi.
“Reuters” agentliginiň maglumatyna görä, kadr üýtgeşmeleri ähli bölümlere täsir etmelidi. Şol bir wagtda syýasat we döwlet dolandyryşy baradaky habarlary çykarýan bölüm esasy düzüm bölegi bolup galdy.