Halkara parahatçylyk we ynanyşmak ýylynda hemişelik Bitaraplygymyzyň 30 ýyllygy mynasybetli ýurdumyzda dürli medeni hem-de halkara derejesindäki çäreler giň gerimde geçirilýär, olar ýurdumyz bilen dünýä döwletleriniň arasyndaky medeni-ynsanperwer gatnaşyklary has-da ösdürmäge ýardam berýär.

Gah­ry­man Ar­ka­da­gy­my­zyň hem-de Arkadagly Gahryman Serdarymyzyň da­şy­na mä­käm je­bis­le­şen bag­ty­ýar il-ul­su­myz ýur­du­myz­da toý­lan­ýan şan­ly se­ne­le­riň, baý­ram­la­ryň da­ba­ra­sy­ny ulu­dan tut­ýar. Mu­nuň şeý­le­di­gi­ni şat­lyk-şow­hu­na bes­le­nip bel­le­nil­ýän Gur­ban baý­ra­my, onuň öň ýa­nyn­da iýun aýy­nyň 2-7-si aralygynda ýur­du­myz­da ge­çi­ril­jek iri hal­ka­ra me­de­ni çä­re­le­ri – «Awa­za – dost­luk me­ka­ny» at­ly hal­ka­ra tans we folk­lor fes­ti­wa­ly, 3-nji iýun­da ge­çi­ri­len köp­çü­lik­le­ýin we­lo­si­ped­li ýö­ri­şi şu aýyň soň­ky gün­le­rin­de giň­den bel­le­nil­jek Me­de­ni­ýet we sun­gat iş­gär­le­ri­niň hem-de Mag­tym­gu­ly Py­ra­gy­nyň şyg­ry­ýet gü­ni aý­dyň­ly­gy bi­len gör­kez­ýär. Hormatly Prezidentimiziň bel­leý­şi ýa­ly, umu­ma­dam­zat me­de­ni ösü­şin­de aý­ra­tyn or­ny eýe­le­ýän Gur­ban baý­ra­my Gün­do­gar halk­la­ry bi­len bir­lik­de türk­men hal­ky­nyň hem asyr­lar­dan-asyr­la­ra, ne­sil­ler­den-ne­sil­le­re do­wam edip gel­ýän be­lent ah­lak gym­mat­lyk­la­ry­ny, däp-des­sur­la­ry­ny, ynanç-yg­ty­kat­la­ry­ny özün­de jem­le­ýär, pa­ra­hat­çy­ly­gy, dost­lu­gy we yn­san­per­wer­li­gi da­ba­ra­lan­dyr­ýar.

Me­de­ni­ýet ul­ga­myn­da­ky dia­log hä­zir­ki döw­le­ta­ra gat­na­şyk­la­ryň öz­bo­luş­ly saz­la­şy­gy­dyr. Türk­me­nis­ta­nyň umu­my me­de­ni­ýet­ler­de mö­hüm or­nu­nyň bol­ma­gy köp ba­bat­da ru­hy kök­le­re we­pa­ly­lyk, ru­hy mi­ra­syň, ata-ba­ba­la­ry­my­zyň pä­him-paý­ha­sy bi­len dö­re­di­len kö­pa­syr­lyk öz­bo­luş­ly däp-des­sur­la­ry­nyň aýaw­ly sak­la­nyl­ma­gy bi­len şert­len­di­ri­len­dir.

Dö­re­di­len yg­ty­bar­ly mad­dy-en­jam­la­ýyn bin­ýat me­de­ni­ýet ul­ga­my­nyň eda­ra­la­ry­nyň işi­ni kä­mil­leş­dir­mä­ge ýar­dam ed­ýär. Hä­zir­ki wagt­da di­ňe bir paý­tag­ty­myz­da däl, eý­sem, ýur­du­my­zyň äh­li se­bit­le­rin­de aja­ýyp teatr­lar, ki­tap­ha­na­lar, mu­zeý­ler, ki­no­teatr­lar, şeý­le hem ki­no­kon­sert we ser­gi zal­la­ry, açyk sah­na meý­dan­ça­la­ry he­re­ket ed­ýär. Ola­ryň ha­ta­ryn­da «Türk­me­niň ak öýi» ýa­ly tä­sin bi­na­lar bar. Ýur­du­my­zyň äh­li kün­je­gin­de döw­re­bap me­de­ni­ýet öý­le­ri we me­de­ni-dynç alyş mer­kez­le­ri gu­rul­dy. Ola­ryň ha­ta­ryn­da Aş­ga­bat şä­he­rin­dä­ki «Bagt köş­gi» toý da­ba­ra­la­ry mer­ke­zi hem bar. Bu mer­kez hem türk­men toý­la­ry­nyň esa­sy mer­ke­zi bo­lup hyz­mat ed­ýär. As­lyn­da, türk­men hal­ky da­ba­ra tut­mak­da mil­li däp­le­re ber­len, aý­ra­tyn-da toý toý­la­mak­da uly yh­la­sy­ny siň­dir­ýän mil­let. Toý däp­le­ri bol­sa, şeý­le mil­li ýö­rel­ge­le­riň esa­sy­ny düz­mek bi­len, di­ni ga­ra­ýyş­la­ry-da, ga­dy­my ynanç-yg­ty­kat­la­ry hem özü­ne jem­läp­dir. Bu ba­bat­da kö­ne des­sur­lar öz ge­ze­gin­de tä­ze ýö­rel­ge­ler bi­len saz­la­şyp, öz­bo­luş­ly gyz­ga­la­ňy – türk­men toý­la­ry­ny dö­ret­di.

«Gö­rog­ly» des­san­çy­lyk sun­ga­ty­nyň, «Küşt­dep­di» türk­men mil­li aý­dym we tans des­su­ry­nyň, şeý­le hem du­tar ýa­sa­mak se­net­çi­li­gi­niň, du­tar­da saz çal­mak we bag­şy­çy­lyk sun­ga­ty­nyň ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­me­gi mil­li sun­ga­ty­my­zyň hem-de hal­ky­my­zyň bu be­ýik sun­ga­ty dö­re­di­ji mil­let­di­gi­niň bü­tin­dün­ýä yk­rar­na­ma­sy bol­dy. Şeý­le be­ýik sun­ga­ty dö­re­den hal­ky­my­zyň ru­hy baý­dyr, türk­men hal­ky ru­hu­be­lent mil­let­dir.

Ýaz­my­rat GUL­MY­RA­DOW,

Aşgabat şäher häkimliginiň «Bagt köşgi» toý dabaralary merkeziniň medeni usulyýet merkeziniň usulyýetçi maslahatçysy.

Gyzykly bolup bilerЕЩЕ ОТ АВТОРА