10-12-nji fewralda paýtagtymyzdaky Söwda-senagat edarasynda Türkiýe Respublikasynyň eksport harytlarynyň sergisi geçirildi.

Ser­gi­niň açy­lyş da­ba­ra­sy­na ýur­du­my­zyň Hö­kü­met ag­za­la­ry, mi­nistr­lik­le­riň we pu­dak­la­ýyn do­lan­dy­ryş eda­ra­la­ry­nyň, Türk­me­nis­tan­da­ky da­şa­ry ýurt­la­ryň dip­lo­ma­tik we­kil­ha­na­la­ry­nyň ýol­baş­çy­la­ry hem-de we­kil­le­ri, köp san­ly te­le­ke­çi­ler, köp­çü­lik­le­ýin ha­bar be­riş se­riş­de­le­ri­niň we­kil­le­ri gat­naş­dy­lar. Açy­lyş da­ba­ra­syn­da hormatly Prezidentimiz Serdar Berdimuhamedowyň ser­gä gat­na­şy­jy­la­ra ibe­ren Gut­la­gy okal­dy. Gut­lag­da hä­zir­ki wagt­da Tür­ki­ýe Res­pub­li­ka­sy­nyň ýur­du­my­zyň iri söw­da-yk­dy­sa­dy hyz­mat­daş­la­ry­nyň bi­ri bo­lup dur­ýan­dy­gy, Tür­ki­ýä­niň kom­pa­ni­ýa­la­ry­nyň türk­men hyz­mat­daş­la­ry bi­len ys­ny­şyk­ly iş alyp bar­mak bi­len, yk­dy­sa­dy­ýe­tiň dür­li pu­dak­la­ryn­da bi­le­lik­dä­ki bir­nä­çe tas­la­ma­la­ry üs­tün­lik­li ama­la aşyr­ýan­dyk­la­ry, işe­wür­lik ul­ga­myn­da ne­ti­je­li hyz­mat­daş­ly­gy gi­ňeld­ýän­dik­le­ri bel­le­nil­ýär.
Da­ba­ra­da Tür­ki­ýe Res­pub­li­ka­sy­nyň söw­da mi­nist­ri Ömer Bo­lat çy­kyş edip, ser­gi­ni ge­çir­mä­ge dö­re­di­len aja­ýyp şert­ler hem-de türk we­ki­li­ýe­ti­ne bil­di­ri­len myh­man­sö­ýer­lik üçin türk­men ta­ra­py­na tüýs ýü­rek­den ho­şal­ly­gy­ny be­ýan et­di.
Şu ge­zek­ki göz­den ge­çi­ri­liş ýo­ka­ry döw­let de­re­je­sin­de ozal ga­za­ny­lan yla­la­şyk­la­ryň üs­tün­lik­li dur­mu­şa ge­çi­ril­ýän­di­gi­niň aý­dyň gü­wä­si­ne öw­rül­di. Hä­zir­ki wagt­da ýurt­la­ry­my­zyň ara­syn­da­ky sy­ýa­sy dia­log ýo­ka­ry de­re­jä eýe­dir we ol yzy­gi­der­li ös­dü­ril­ýär. Bu bol­sa şeý­le du­şu­şyk­la­ryň hem-de çä­re­le­riň yzy­gi­der­li ge­çi­ril­me­gin­de öz be­ýa­ny­ny tap­ýar. Ser­gi köp­dür­lü­li­gi bi­len bu ýe­re ge­len­ler­de uly gy­zyk­lan­ma dö­red­ýär. Söw­da-se­na­gat eda­ra­sy­nyň giň za­lyn­da Tür­ki­ýä­niň se­na­gat müm­kin­çi­lik­le­ri bi­len ta­nyş­dyr­ýan 100-den gow­rak kom­pa­ni­ýa öz di­war­lyk­la­ry­ny ýaý­baň­lan­dyr­dy. Şo­la­ryň ha­ta­ryn­da çalt dep­gin­ler bi­len ös­ýän ki­çi we or­ta te­le­ke­çi­li­giň we­kil­le­ri, ägirt uly se­na­gat kär­ha­na­la­ry bar. Se­na­gat, ma­şyn gur­lu­şy­gy ul­ga­my­na ýö­ri­te­le­şen kom­pa­ni­ýa­la­ryň di­war­lyk­la­ry myh­man­la­ryň aý­ra­tyn ün­sü­ni çek­ýär. Tür­ki­ýe­li önüm ön­dü­ri­ji­ler önüm­çi­lik kuw­wat­lyk­la­ry­ny döw­re­bap­laş­dyr­mak üçin ni­ýet­le­nen en­jam­la­ryň we teh­no­lo­gik ul­gam­la­ryň iň tä­ze gör­nüş­le­ri­ni ta­nyş­dyr­ýar­lar. Ýur­du­my­zy se­na­gat­laş­dyr­mak bo­ýun­ça mil­li mak­sat­na­ma­la­ry dur­mu­şa ge­çir­mek bi­len bag­ly­lyk­da, bu ugur uly gy­zyk­lan­ma dö­red­ýär.
Ser­gi­niň çäk­le­rin­de iki ýur­duň we­kil­le­ri­niň işe­wür­lik du­şu­şyk­la­ry ge­çi­ril­di. Mu­nuň özi gel­jek­ki ge­le­şik­le­ri ara alyp mas­la­hat­laş­ma­ga we bi­le­lik­dä­ki kär­ha­na­la­ry dö­ret­mek bo­ýun­ça umu­my stra­te­gi­ýa­ny iş­läp taý­ýar­la­ma­ga ýar­dam ber­ýär. Mej­li­siň do­wa­myn­da hü­när­men­le­ri taý­ýar­la­mak me­se­le­si ara al­nyp mas­la­hat­la­şyl­dy. Türk kom­pa­ni­ýa­la­ry­nyň we­kil­le­ri ön­dür­ýän en­jam­la­ry bi­len iş­le­jek türk­men hü­när­men­le­ri üçin okuw mas­la­hat­la­ry­ny ge­çir­mä­ge taý­ýar­dyk­la­ry­ny be­ýan et­di­ler. Bu giň möç­ber­li çä­re türk­men-türk hyz­mat­daş­ly­gy­nyň hil taý­dan tä­ze de­re­jä çy­kan­dy­gy­na şa­ýat­lyk ed­ýär. «Iki döw­let – bir mil­let» ýö­rel­ge­si­ne esas­lan­ýan öza­ra hyz­mat­daş­lyk iki ýur­duň aba­dan­çy­ly­gy­nyň bäh­bi­di­ne gö­nük­di­ri­len­dir.

Gyzykly bolup bilerЕЩЕ ОТ АВТОРА