PDF
9–15-nji mart aralygynda Özbegistanyň Buhara şäherinde dokuz ýurtdan gatnaşyjylary jemlän zenanlaryň arasyndaky IV halkara küşt ýaryşy geçirildi.
Ýaryşlar şweýsar ulgamy boýunça üç toparda guraldy:
Masters — 10 gatnaşyjy
Challengers — 41 gatnaşyjy
Futures — 62 gatnaşyjy
Wagt gözegçiligi her döw üçin 60 minut bolup, her bir göçüm üçin 30 sekunt wagt goşuldy. Ýaryşa Awstriýadan, Belarusdan, Hindistandan, Gazagystandan, Mongoliýadan, Russiýadan, Türkmenistandan, Gyrgyzystandan we Özbegistandan küştçüler gatnaşdy.
Türkmenistana wekilçilik eden birnäçe zehinli küştçüler mynasyp netijeleri görkezdiler:
Challengers (B kategoriýasy) toparynda: Türkmenabat şäheriniň 13-nji sport mekdebiniň okuwçysy Mähri Agamyradowa, tutuş ýaryşyň dowamynda ynamly we durnukly oýun görkezip, 16 ýaşyna çenli gyzlaryň arasynda 1-nji orny eýeledi.
Futures (C kategoriýasy) toparynda: Aşgabat şäheriniň ýöriteleşdirilen küşt-şaşka mekdebiniň okuwçysy Eneş Arazmedowa, ýokary taýýarlyk derejesini we bäsleşige ukyplylygyny subut edip, 5-nji orna mynasyp boldy.
Futures toparynda: Şeýle hem Türkmenabat şäheriniň 41-nji orta mekdebiniň we 13-nji sport mekdebiniň okuwçysy Gülmira Seýilhanowa ýaryşda 7-nji orunda tamamlady.
Türkmen küştçüleriniň halkara meýdançasyndaky üstünlikli çykyşlary ýurtda zenanlar küştüniň yzygiderli ösýändigini we ýaş türgenleriň ýokary mümkinçilikleriniň bardygyny tassyklaýar.
Türkmenistanyň Küşt federasiýasy gatnaşyjylary gazanan mynasyp netijeleri bilen gutlaýar we halkara ýaryşlarynda mundan beýläk-de üstünlikleri arzuw edýär.
