Golaýda Awstraliýanyň gündogaryndaky Kwinslend sebitiniň Sanşaýn-Kost şäherinde mekdep okuwçylarynyň 66-njy halkara matematika olimpiadasy geçirildi. Oňa dünýäniň 114 döwletinden 635 okuwçy gatnaşdy. Halkara ders bäsleşigine ýurdumyzdan 6 mekdep okuwçysy gatnaşyp, ýokary netijeleri gazanmagy başardy.
9 – 12-nji synplarda okaýan okuwçylar berlen wagtda 7 sany çylşyrymly meseläni çözdüler. Umumy netijelere laýyklykda, Aşgabat şäherindäki iňlis dili, himiýa we biologiýa derslerini çuňlaşdyryp öwredýän 86-njy ýöriteleşdirilen orta mekdebiň okuwçysy Mälikşa Meýlismyradow, iňlis dilini çuňlaşdyryp öwredýän 135-nji ýöriteleşdirilen orta mekdebiň okuwçysy Hamza Allaberdiýew kümüş, şol mekdebiň okuwçysy Maksat Babageldiýew bolsa bürünç medallary gazandylar.
Mundan başga-da, paýtagtymyzdaky iňlis dili, himiýa we biologiýa derslerini çuňlaşdyryp öwredýän 86-njy ýöriteleşdirilen orta mekdebiň okuwçysy Kümüş Nobatowa, dil derslerini çuňlaşdyryp öwredýän 97-nji ýöriteleşdirilen orta mekdebiň okuwçysy Myrat Ruslanow hem-de daşary ýurt dillerini çuňlaşdyryp öwredýän 130-njy ýöriteleşdirilen orta mekdebiň okuwçysy Jelil Ataballyýew höweslendiriji baýraklara mynasyp boldular.
Halkara matematika olimpiadasy (The International Mathematical Olympiad-IMO) 1959-njy ýyldan bäri dürli ýurtlarda geçirilip gelinýär. Onda ýokary netije gazanan okuwçylar dünýäniň abraýly ýokary okuw mekdeplerinde bilim almaga mümkinçilik alýarlar.

Gyzykly bolup bilerЕЩЕ ОТ АВТОРА