31-nji ýanwarda Tokio şäheriniň Milli sungat merkezinde «Çäksiz sungat» atly okuwçylaryň surat sergisine gatnaşyjylara minnetdarlyk hatlaryny gowşurmak dabarasy geçirildi.
Agzalan dabara Ýaponiýada akkreditirlenen daşary ýurtlaryň Ilçihanalarynyň wekilleri, «Ýaponiýa-Ýewraziýa» jemgyýetiniň, SUMI halkara assosiasiýasynyň ýolbaşçylary, görnükli sungat işgärleri we sergini synlamaga gelenler gatnaşdylar.
«Çäksiz sungat» atly mekdep okuwçylarynyň sergisi 22-nji ýanwar 1-nji fewral aralygynda «Ýaponiýa-Ýewraziýa» jemgyýeti we SUMI halkara assosiasiýasynyň bilelikde gurnamagynda geçirildi. Sergä ýurdumyzyň zehinli ýaşlarynyň 26-sy gatnaşyp, olaryň çeken suratlary serginiň çäklerinde döredilen Türkmenistanyň diwarlygynda ýerleşdirildi.
Ýokarda görkezilen dabaranyň jemleri boýunça ýurdumyzdan sergä gatnaşan ähli mekdep okuwçylaryna ýollamak üçin minnetdarlyk hatlary gowşuryldy.

Gyzykly bolup bilerЕЩЕ ОТ АВТОРА