Türkmenistanyň Mejlisiniň wekilleri 19-njy fewralda Awstriýa Respublikasynyň Wena şäherinde geçirilen Ýewropada Howpsuzlyk we Hyzmatdaşlyk Guramasynyň Parlament Assambleýasynyň 25-nji gyşky mejlisine gatnaşdylar.
Mejlisiň işi syýasy we howpsuzlyk meseleler, demokratiýa, adam hukuklary we ynsanperwer meseleler, ykdysadyýet, ylym, tehnologiýa we daşky gurşaw meseleleri, parlamentara hyzmatdaşlygyny pugtalandyrmak, 2026-njy ýylyň iýul aýynda geçiriljek Ýewropada Howpsuzlyk we Hyzmatdaşlyk Guramasynyň Parlament Assambleýasynyň 33-nji ýyllyk mejlisine görülýän taýýarlyk işleri boýunça alnyp baryldy.
Mejlise gatnaşyjylar häzirki zaman dünýäsinde ÝHHG-niň orny, döwletleriň arasynda özara ynamy we hyzmatdaşlygy berkitmek, ykdysady durnuklylygy we deňhukuklylygy saklamak, adam mertebesini, hukuklaryny we azatlyklaryny goramak, ynsanperwer kömekler, howanyň üýtgemegine garşy göreşmek, dialog arkaly parahatçylygy pugtalandyrmak barada çykyş etdiler we özara pikir alyşdylar.

Gyzykly bolup bilerЕЩЕ ОТ АВТОРА