Türkmenistanyň jiu-jitsu boýunça milli ýygyndysy ýakynda Italiýanyň Genuýa şäherinde geçirilen halkara ýaryşda üstünlikli çykyş etdiler. Olar bu ýaryşda altyn medallaryň 7-sine, kümüş medallaryň 6-syna, bürünç medallaryň 5-sine mynasyp boldular.

Milli ýygyndymyz halkara ýaryşa 18 türgen bilen gatnaşdy. Dünýäniň 30 ýurdundan tas ýarym müňe golaý türgeni özünde jemlän ýaryşda ildeşlerimizden Soltanmyrat Norjew (56 kilograma çenli agram derejede), Şyhberdi Rahmanow (62 kilograma çenli), Yslam Öwezow (69 kilograma çenli), Rahmet Taganow (77 kilograma çenli), Suraý Gökbeýewa (57 kilograma çenli), Hurma Abdyýewa (52 kilograma çenli) hem-de Eziz Ýollyýew (85 kilograma çenli) dagy altyn medala mynasyp boldular.
Kümüş medal gazanan türgenlerimiziň hatarynda 48 kilograma çenli agram derejesinde Aýnur Kullyýewanyň, 56 kilograma çenli agramda Baýram Röwşenowyň, 62 kilograma çenli agramda Süleýman Nuryýewiň, 77 kilograma çenli türgenleriň arasynda Annagurt Amanmyradowyň, 85 kilograma çenli agramda Seýran Dowwaýewiň we 69 kilograma çenli agramda ýaryşan türgenleriň arasynda Gudrat Esenowyň atlary geçýär.
Aýnur Kullyýewa ne-waza boýunça ýaryşda hem medal gazandy. Ol bu gezek bürünç medala mynasyp boldy. Aýnurdan başga-da, ildeşlerimizden Abdyrahman Garajaýew (56 kilograma çenli agram derejesinde), Daýanç Kullyýew (77 kilograma çenli), Parahat Rahmanow (62 kilograma çenli) we Bagtyýar Myradow (85 kilograma çenli) dagy hormat münberiniň üçünji basgançagyna çykdylar.
Çeşme: “Türkmenistan” gazeti.

Gyzykly bolup bilerЕЩЕ ОТ АВТОРА