PDF
UEFA Çempionlar Ligasynda pleý-off tapgyrynyň duşuşyklarynyň 1-nji oýunlary şu gije hem-de ertir gije geçiriler.
“Galatasaraý” 1963-nji ýyldan bäri Türkiýede italýan klublaryndan utulanok
Şu gije geçiriljek 4 duşuşykda “Galatasaraý” “Ýuwentus”, “Monako” soňky çempion PSŽ-ni, “Benfika” Lissabonda “Real Madridi” hem-de Dortmundda “Borussiýa” “Atalantany” kabul eder.
“Galatasaraý” bilen “Ýuwentusyň” arasyndaky oýun 22:45-de başlap, duşuşyga niderland Danni Makkelie eminlik eder. Iki topar mundan öň 6 gezek duşuşyp, türk kluby 2, “Ýuwentus” 1 sapar ýeňiş gazandy (3 deňlik). “Galatasaraý” 1963-nji ýyldan bäri Stambulda italýan klublaryndan utulman gelýär.
“Benfika” hemişe kynçylyk döredýär
Liga tapgyrynyň 8-nji oýunlarynyň çäginde-de duşuşan “Benfika” bilen “Real Madrid” 5-nji gezek gabatlaşarlar. Oýna fransiýaly Fransua Leteksie eminlik der. Mundan öňki 4 oýnuň 3-sinde portugal kluby ýeňiş gazanyp, ispanlara 1 sapar üstün çykmak başartdy. 1962-nji ýylda şu ýaryşyň finalynda “Benfika” 5-3 ýeňýär. 1964/65 möwsüminiň çärýek finalynda “Real Madridde” 2-1 ýeňip, Lissabonda 5-1 utulýar.
“Borussiýa Dortmund” bilen “Atalanta” mundan öň 2 gezek duşuşyp, Ýewropa Ligasynyň çägindäki şol oýunlarda nemes kluby öz meýdançasynda 3-2 ýeňip, myhmançylykda 1-1 deňme-deň oýnady.
“Monako” bilen PSŽ Ýewrokuboklaryň çäginde ilkinji gezek duşuşar.
17-nji fewral (sişenbe)
Galatasaraý – Ýuwentus (22:45)
Monako – PSŽ (01:00)
Benfika – Real Madrid (01:00)
Borussiýa Dortmund – Atalanta (01:00)
18-nji fewral (çarşenbe)
Garabag – Nýukasl (22:45)
Klub Brýugge – Atletiko Madrid (01:00)
Bude-Glimt – Inter (01:00)
Olimpiakos – Baýer (01:00)
